Արմինֆո. Հայաստանի տեղեկատվական տեխնոլոգիաների ոլորտը մեծ հետաքրքրություն է ներկայացնում ոչ միայն Ղազախստանի, այլեւ շատ միջազգային գործընկերների համար։ Այդ մասին մայիսի 27-ին Երեւանում կայացած մամուլի ասուլիսի ժամանակ հայտարարել է Հայաստանում Ղազախստանի դեսպան Թիմուր Ուրազաեւը՝ պատասխանելով ԱրմԻնֆո-ի հարցին։
ՙԹումո՚ ստեղծարար տեխնոլոգիաների կենտրոն արդեն բացվել է Ֆրանսիայում։ Ես ակնկալում եմ, որ նման կենտրոն, հավանաբար, շուտով կհայտնվի նաև Ղազախստանում։ Մեզ շատ հետաքրքիր են այլ նախագծեր, ինչպիսիք են ԿՈԱՖԸ կամ ԱՏՈՄ-ը՝ կրթական ծրագրեր, որոնք այս կամ այն կերպ կապված են տեղեկատվական տեխնոլոգիաների բուռն զարգացման հետ։ Ղազախստանցի գործընկերներն այժմ բանակցություններ են վարում կամ Ղազախստանի տարածքում այս կամ այն ձեւի նմանատիպ նախագծերի իրականացման, կամ համատեղ նախագծերի եւ ձեռնարկությունների ստեղծման շուրջ՚, - նշել է դեսպանը։ Այս համատեքստում նա արձանագրել է, որ արդեն երկու տարի է՝ ԱՎԽ-ն (Ազգային վճարային խորհուրդ) Ալմաթիում ԵԱՏՄ վարչապետների մակարդակով անցնում է բացառապես թվայնացման հովանու ներքո:
Նրա խոսքով՝ այդ առումով Եվրասիական տնտեսական միության օրակարգում գտնվող գլխավոր հարցերից մեկը ԵԱՏՄ շրջանակներում ղազախական ապրանքների հետագծելիության կատարյալ համակարգի ստեղծումն է, դրա ամբողջական թվայնացումը, ինչը թույլ կտա հետեւել միասնական մաքսային տարածքով ապրանքների անցման պարամետրերին, արդյունքներին եւ պայմաններին: ՙԱյս առումով՝ ՏՏ ոլորտում համագործակցությունն ընթանում է ողջ թափով, այդ թվում՝ հայկական ընկերությունների հետ՚, - ասել Է դիվանագետը, ընդգծելով, որ ինքը մշտապես սերտ կապի մեջ է հայկական տեխնոլոգիական ընկերությունների հետ եւ հնարավորություններ է քարոզում ղազախստանցի գործընկերների հետ ավելի սերտ համագործակցության համար: