Արմինֆո.Բաքուն չի պահպանում ԵԱՀԿ Մինսկի խմբի ձեւաչափով Հայաստանի եւ Ադրբեջանի ղեկավարների միջև ձեռք բերված պայմանավորվածությունները: Այդ մասին մայիսի 3-ին լրագրողների հետ զրույցում ասել է ԱԺ արտաքին հարաբերությունների հանձնաժողովի փոխնախագահ Հովհաննես Իգիթյանը։
Իգիթյանն ընդգծել է, որ Հայաստանի եւ Ադրբեջանի արտգործնախարարների հանդիպման ընթացքում կողմերը պայմանավորվել են չդիմել ռազմատենչ հռետորաբանության եւ համագործակցել հումանիտար ոլորտում: ՙՉնայած դրան՝ վերջին օրերին անհանգիստ է դարձել մեր հյուսիսային սահմանին, հակառակորդը գնդակոծել է Ոսկեպար-Բաղանիս ճանապարհը։ Մենք քննարկել ենք այդ հարցը, հնարավոր է, արժե անցկացնել ԵԱՀԿ դիտարկումներ, որոնք սովորաբար իրականացվում են Արցախի և Ադրբեջանի շփման գծում, ինչպես նաև հայ-ադրբեջանական սահմանին։ Մենք պետք է ունենանք փաստեր, որ Ադրբեջանը մշտապես խախտում է պայմանավորվածությունները՚, - հայտարարել է պատգամավորը, նշելով, որ Ադրբեջանի նախագահի հայտարարությունները չեն ամրապնդվում համապատասխան գործողություններով։
Նա չի բացառել հնարավորությունը, որ ԵԱՀԿ Մինսկի խմբի շրջանակներում Ադրբեջանի վրա կարող են դրվել պարտավորություններ, որոնց պահպանման դեպքում Բաքուն չէր կարողանա խախտել իր ստանձնած պարտավորությունները: Պատգամավորը նաև հայտարարել է, որ Վիեննայի և Սանկտ Պետերբուրգի պայմանավորվածությունները մնում են ուժի մեջ։ ՙԻհարկե, Վիեննայի և Սանկտ Պետերբուրգի համաձայնություններն ուժի մեջ են, և ԵԱՀԿ Մինսկի խմբի համանախագահների հայտարարություններում այդ փաստաթղթերն արծարծվում են։ Մենք ձգտում ենք այն բանին, որ բանակցությունները վերսկսվեն, երբ կողմերի միջեւ փոխադարձ վստահություն հաստատվի։ Այսօր Ադրբեջանն իր գործողություններով խախտում է այն մթնոլորտը, որն անհրաժեշտ է բանակցությունների համար՚, - հայտարարել է Իգիթյանը, հավելելով, որ հայ դիվանագետներն ու պատգամավորները միջազգային հարթակներում մշտապես բարձրացնում են Բաքվի կողմից հրադադարի ռեժիմի խախտման հարցերը։ ՙԵս վստահ եմ, որ շուտով միջազգային հանրությունը կտա իր գնահատականը՚, - ընդգծել է նա, կրկին ընդգծելով Արցախին բանակցությունների սեղանի շուրջ վերադարձնելու անհրաժեշտությունը ՝ դրանց արդյունավետության համար:
Նշենք, որ վերջին օրերին Ադրբեջանը ակտիվացրել է իր գործողությունները Արցախի հետ շփման գծում, ինչպես նաև Հայաստանի հետ սահմանին, ինչի հետևանքով վիրավորվել է ՀՀ ԶՈՒ պայմանագրային զինծառայող:
Քաղաքագետ. TRIPP-ի Իրանի սահմանին մոտ լինելը կարող է դանդաղեցնել դրա իրականացումը
Քաղաքագետ. Ո՞վ է զոհաբերում Հայաստանի Ազգային անվտանգության ծառայության հեղինակությունը և ինչո՞ւ
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայ վերլուծաբան․ Զարգացնելով հարաբերությունները Եվրոպայի և ԱՄՆ-ի հետ՝ Հայաստանը չպետք է վտանգի տարածաշրջանային տերությունների հետ իր հարաբերությունները
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
