Չորեքշաբթի, 27 Մարտի 2019 13:49
Տաթևիկ Շահունյան

Կովկասի բնության հիմնադրամն ավելի քան 966 հազար եվրո է տրամադրել Հայաստանի բնության հատուկ պահպանվող տարածքներում ծրագրերի իրականացման համար

Կովկասի բնության հիմնադրամն ավելի քան 966 հազար եվրո է տրամադրել Հայաստանի բնության հատուկ պահպանվող տարածքներում ծրագրերի իրականացման համար

Արմինֆո.Կովկասի բնության հիմնադրամը /CNF/  շարունակում է ֆինանսական աջակցություն ցուցաբերել բնության հատուկ պահպանվող տարածքներին: 2019 թվականին ևս CNF-ը շարունակելու է ֆինանսական աջակցություն հատկացնել «Խոսրովի անտառե պետական արգելոցին, «Արփի լիճե ու «Դիլիջանե ազգային պարկերին, «Զանգեզուրե կենսոլորտային համալիրին և «Արփաե /Գնիշիկ/ բնապահպանական հիմնադրամին, այլ պահպանվող տարածքների:

 

2018 թվականի ֆինանսական տարվա կտրվածքով, ընդհանուր առմամբ, CNF-ի կողմից տրամադրվել է ավելի քան 966 հազար եվրո գումար: Հիմնական աջակցությունը կատարվել է բնության հատուկ պահպանվող տարածքներին՝ ուղիղ ֆինանսավորմամբ: Մասնավորապես, շուրջ  258 հազար եվրո հատկացվել է «Դիլիջանե  ազգային պարկին, 187 հազար եվրո՝  «Խոսրովի անտառե պետական արգելոցին,116 հազար եվրո՝ «Արփի լիճե ազգային պարկին,109 հազար եվրո՝ «Զանգեզուրե կենսոլորտային համալիրին, 45 հազար եվրո՝ «Արփաե բնապահպանական հիմնադրամին:Ավելի քան 17 հազար եվրո հատկացվել է «Սևանե ազգային պարկին,շուրջ 3000 եվրո՝ Արգելոցապարկային համալիրին և «Զիկատարե բնապահպանական կենտրոնին: Բնության հատուկ պահպանվող տարածքներում Կովկասի բնության հիմնադրամը ՀՀ բնապահպանության նախարարության հետ համատեղ իրականացրել է մի շարք հատուկ ծրագրեր, որոնց համար կատարվել է ավելի քան 178 հազար եվրոյի աջակցություն: Մասնավորապես, իրականացվել են ԲՀՊՏ-ների կառավարման արդյունավետությանն ուղղված աշխատանքներ, այդ թվում, ձեռք են բերվել տարածքների պահպանությանն անհրաժեշտ հակահրդեհային մեքենաներ և սարքավորումներ՝ 102 հազար եվրո, կատարվել են կենսաբազմազանության մոնիթորինգի աշխատանքներ՝ 19 հազար եվրո, պահպանվող տարածքներում հեռահար հսկման համակարգի կենտրոնի համար ձեռք են բերվել սերվեր և սարքավորումներ՝ 10 հազար եվրո և այլն:

 

Հայաստանում գործունեության 10 տարիների ընթացքում Կովկասի բնության հիմնադրամը իրականացրել է  շուրջ 4 միլիոն եվրոյի ֆինանսական աջակցություն՝ բնության պահպանվող տարածքների պահպանության և կառավարման արդյունավետության բարձրացման ուղղությամբ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի