Ապատուրայ. Ռուսաստանին դուր չի գալիս ՆԱՏՕ-ի եւ Եվրամիության բաց դռների քաղաքականությունը

Արմինֆո. Հյուսիսատլանտյան դաշինքը ճնշումների բարդ շրջան է ապրում։ Այս մասին մարտի 12-ին Երեւանում կայացած «ՆԱՏՕ-ի գործընկերություն, Ֆրանսիայի հայացքը՚ խորհրդաժողովում հայտարարել Է Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայը։

Նրա խոսքով՝ Երկրորդ համաշխարհային պատերազմից հետո գծված, այսպես կոչված, սահմանները փոխվում են, 2014 թվականից հետո կոնֆլիկտային իրավիճակ է ստեղծվել։  Ապատուրայը հիշեցրել է, որ մինչեւ 2014 թվականը Ռուսաստանի եւ ՆԱՏՕ-ի միջեւ բավական դինամիկ համագործակցություն էր ընթանում մի շարք ուղղություններով: «Եվ մենք հույս ունեինք, որ մեր փոխգործակցությունը կշարունակվի նույն հունով, սակայն Ռուսաստանն ընտրեց այլ ուղի, ինչի մասին պարզ դարձավ ՌԴ նախագահ Վլադիմիր Պուտինի 2017 թվականի ելույթներից մեկից՚, - ասել է նա, հավելելով, որ Ղրիմի բռնակցումը, ռազմական գործողությունները Սեւ ծովի ջրատարածքում, ոչ բարեկամական հռետորաբանությունը ՆԱՏՕ-Վրաստան հարաբերությունների վերաբերյալ, ՄՓՀՀՀՊ - ի միջին եւ փոքր հեռահարության հրթիռների ոչնչացման մասին պայմանագրի կասեցումը, ՄՓՀՊ-ն` սա վերջին շրջանում Ռուսաստանի ոչ բարեկամական գործողությունների դեռ ամբողջական ցուցակը չէ:

Միեւնույն ժամանակ, Ապատուրայը հավաստիացրել է, որ Ռուսաստանի հետ հարաբերությունների զարգացումը շարունակում է կարեւոր լինել ՆԱՏՕ-ի համար, եւ դաշինքում հույս ունեն այդ ուղղությամբ դրական դինամիկա տեսնել:

«Որպես այլընտրանքային ուղի ՆԱՏՕ-ում համարում են գործընկերների հետ հարաբերությունների զարգացումը, աջակցությունը նրանց պաշտպանության եւ անվտանգության հարցերում ինքնիշխանության ամրապնդման գործում։ Մեզ համար մեկ այլ ուղղություն է Միջին Արեւելքում, այդ թվում ՝ Իրաքում եւ նրա հարեւան երկրներում առկա գործընթացներում ներգրավվածության ավելացումը՝ նկատի ունենալով ԻՊ-ից բխող սպառնալիքների ուժեղացումը՚, - նշել է ՆԱՏՕ-ի հատուկ ներկայացուցիչը։

Միեւնույն ժամանակ Ապատուրայը արձանագրել է, որ ՆԱՏՕ-ն այսօր ակտիվորեն բարեփոխվում է, որպեսզի ավելի լավ պայքարի ժամանակակից սպառնալիքների դեմ, հատկապես` կիբեռանվտանգության մասով:  Նրա խոսքով,  կիբեռսպառնալիքների են ենթարկվում դաշինքի անդամ բոլոր երկրները, եւ ՆԱՏՕ-ն այդ հարցում սերտորեն համագործակցում է ԵՄ-ի հետ՝ այդ մարտահրավերի դեմ ավելի արդյունավետ պայքարելու համար:

Դաշինքի ներկայացուցչի ասելով՝ շատ աշխատանք կա Աֆղանստանում եւ Կոսովոյում խաղաղապահ գործունեությունում: «Ես բոլոր հանդիպումների ժամանակ շնորհակալություն եմ հայտնում հայկական կողմին այն ներդրման համար, որ նրանք կատարում են միջազգային խաղաղության եւ անվտանգության գործում՚, - ասել է Ապատուրայը:

Դրա հետ մեկտեղ, նա համոզմունք է հայտնել, որ յուրաքանչյուր երկիր պետք է ընտրության իրավունք ունենա` այս կամ այն հարցով։ «Եվրոպական պատմությունն արդեն ցույց է տվել, թե ինչ կարող է տեղի ունենալ ընտրելու ազատության բացակայության դեպքում։  Բայց, ինչպես հայտնի է, Ռուսաստանին դուր չի գալիս ՆԱՏՕ-ի և Եվրամիության բաց դռների քաղաքականությունը։  Սակայն խորապես համոզված եմ, որ փոխգործակցությունը պետք է շարունակվի, այդ թվում ՝ Ռուսաստանի հետ՚, - ասել է նա։

Մեկնաբանելով սեփական բանակ ստեղծելու Եվրոպայի մտադրությունը՝ Ապատուրայը համոզմունք է հայտնել, որ պաշտպանության ապահովման հարցում ՆԱՏՕ-ն հավասարը չունի, եւ այդ հարցին պետք է մոտենալ այնպես, որպեսզի խուսափել կրկնօրինակումից: Նա նաև կարծում է, որ այսօր լուրջ ճնշում կա Եվրոպայի նկատմամբ`  ինչպես ԱՄՆ-ի կողմից, այնպես էլ ներսից: