Արմինֆո. Փոխվարչապաետ Տիգրան Ավինյանը և Բնապահպանության նախարար Էրիկ Գրիգորյանն աշխատանքային այց են կատարել Արարատի մարզ և ծանոթացել Բնապահպանության նախարարության կողմից իրականացված Արարատ քաղաքի աղբավայրի բարեկարգման և ենթակառուցվածքների ստեղծման աշխատանքներին։
Աշխատանքային խմբին միացել են նաև Արցախի Հանրապետության բնապահպանության և բնական ռեսուրսների նախարար Ֆելիքս Գաբրիելյանը, Արարատի մարզպետ Գարիկ Սարգսյանը և Արարատի համայնքապետ Հայկ Հայկյանը։
Ինչպես հաղորդում է Բնապահպանության նախարարության մամուլի ծառայությունը, Հայաստանում առաջին անգամ է, որ աղբավայրում կենցաղային թափոնների տեսակավորման ենթակառուցվածքներ են ստեղծվում։ Աշխատանքները կատարվել են ԳԷՀ-ի ֆինանսավորմամբ, ՄԱԿ-ի արդյունաբերական զարգացման կազմակերպության (UNIDO) հետ համատեղ իրականացվող «Առկա լավագույն տեխնոլոգիայի կամ բնապահպանական իմաստով լավագույն գործունեության մեթոդաբանության կիրառումը՝ բաց այրման աղբյուրներից կայուն օրգանական աղտոտիչների ոչ կանխամտածված արտանետումների նվազեցման համար» ծրագրի շրջանակներում։
Նախարար Էրիկ Գրիգորյանը նշել է, որ ներդրված ենթակառուցվածքները հնարավորություն են տալիս աղբավայրում իրականացնել աղբի տեսակավորում, դրանով լուծվում է առաջնային բնապահպանական նպատակը՝ այրվող աղբավայրերից մարդու առողջության համար վտանգավոր դիոքսինների արտանետման բացառումը։ Առանձնացված պլաստիկը կվերամշակվի, իսկ օրգանական աղբը մշակվելուց հետո հնարավոր է օգտագործել գյուղատնտեսության մեջ։
Հիմնախնդիրը արդիական է մեր երկրի համար, քանի որ հանրապետությունում բացակայում են թափոնների վերամշակման, օգտահանման և այրման գործարաններ, ինչպես նաև թափոնների վնասազերծման մասնագիտացված պոլիգոններ։ Նոր պոլիգոնների ստեղծումը պետությունից կպահանջի ժամանակ և ներդրումներ, իսկ իրականացված ծրագիրը ցույց է տալիս, որ կարելի է համեմատաբար ցածր ներդրումների, մատչելի տեխնոլոգիաների կիրառման դեպքում ավելի լավ կառավարել հին աղբավայրերը՝ կտրուկ նվազեցնելով հիմնական էկոլոգիական հիմնախնդիրները։
Վտանգավոր նյութերի և թափոնների քաղաքականության բաժնի պետ Անահիտ Ալեքսանդրյանը և ‹‹Շրջակա միջավայրի մոնիթորինգի և տեղեկատվության կենտրոն›› ՊՈԱԿ-ի տնօրենի ժ/պ Աֆանասի Լազարևը ներկայացրել են իրականացրած աշխատանքների ընթացքը և արդյունքները՝ շեշտելով որ տվյալ աղբավայրում այլևս աղբ չի այրվելու։ Աշխատանքային խմբի անդամները հետևել են աղբի տեսակավորման և մամլման հոսքագծի աշխատանքներին, ծանոթացել աշխատակիցների աշխատանքային պայմաններին։
Իրականացված ծրագրի շրջանակներում հավաքվել և թաղվել են աղբավայրում առկա սուր ծակող առարկաները, քիմիական նյութերի տարաները և նյութերը, կառուցվել են ջրագիծ, լուսավորության համակարգ, դիօքսիններով հարուստ երկար տարիների մոխրային շերտը հավաքվել և թաղվել է աղբավայրի կավային ամրացված շերտի հատվածում, կառուցվել է դրենաժային համակարգ և մաքրման կայան, ձեռք են բերվել և տեղադրվել հոսքագիծ և մամլիչ սարքավորում, տրակտոր։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
