Արմինֆո. Հայաստանի հանարպետական կուսակցությունը նախօրեին կայացած ՀՀԿ խորհրդի նիստում ընդունել է բանաձև, որում վերլուծել է հանրապետությունում վերջին գործընթացները, ինչպես նաև նախանշել իր հետագա ծրագրերը:
Բանաձևում ՀՀԿ-ն, մասնավորապես, վարչապետի պաշտոնակատար Նիկոլ Փաշինյանին որակել է՝ որպես 2008 թ. մարտի 1-ի իրադարձությունների սադրիչներից մեկը: Հայտարարությունում, մասնավորապես, ասվում է. <Ապրիլի 23-ին, հաշվի առնելով բողոքի ալիքի ահագնացող ծավալը, անհարկի
լարումից խուսափելու և Հայոց ցեղասպանության տարելիցի նախաշեմին
իրավիճակը հանգուցալուծելու նպատակով վարչապետ Սերժ Սարգսյանը
հրաժարական ներկայացրեց: Դրանից անմիջապես հետո բողոքի ակցիաների կազմակերպիչները փոխեցին իրենց պահանջների բնույթը` առաջ քաշելով «Նիկոլ՝ վարչապետե կարգախոսը: Սահմանադրական կարգին ուղղակի հակասող՝ խորհրդարանական մեծամասնության կողմից կառավարություն չձևավորելու պայման ներկայացվեց: Վարչապետ ընտրվելուց հետո Նիկոլ Փաշինյանը որդեգրեց իշխանության մենաշնորհման ուղին:
Երկրում ձևավորվեց պատգամավորների և ՏԻՄ ղեկավարների վրա աննախադեպ ճնշման մթնոլորտ: Գործադիր իշխանությունը սկսեց շարունակաբար և հանրայնորեն ներազդել դատական իշխանության վրա` մե՛րթ կասկածի տակ առնելով դատական ատյանների կայացրած որոշումները և ինքնուրույն գործելու կարողությունը, ցանկությունն ու ունակությունը, մե՛րթ հնչեցնելով սպառնալիքներ դատավորների հասցեին:
Կասկածի տակ դրվեցին 2017թ. ապրիլին կայացած, որևէ քաղաքական ուժի կողմից արդյունքների առումով չբողոքարկված, միջազգային փորձագիտական հանրության կողմից դրական գնահատված և այդ թվում՝ իր իսկ պատգամավորական լիազորությունների իրավական հիմք հանդիսացող ընտրությունների արդյունքները: Ապօրինի
գործողություններ կատարվեցին անգամ Մայր Աթոռ Սուրբ Էջմիածնում>:
Նշվում է նաև, որ վարչապետի ելույթներում և որոշ բարձրաստիճան պաշտոնատար անձանց կողմից հնչեցին անձնավորված անհիմն և անմեղության կանխավարկածը կոպտորեն խախտող մեղադրանքներ: <Փորձ է կատարվում ամբողջական վերահսկողության տակ վերցնել նաև լրատվական դաշտը: Հունիսի 18-ին վարչապետը բառացիորեն հայտարարեց, որ «որոշ հեռուստաընկերություններ, փաստորեն, օգտվելով
խոսքի ազատության անսահմանափակ հնարավորությունից, որոշել են
հակապետական քարոզչություն իրականացնել… Մի՛ արեքե: Այդ
համատեքստում է տեղավորվում մի շարք առաջատար լրատվամիջոցների
առավել ազդեցիկ լրագրողների ազատումը զբաղեցրած պաշտոններից և
համապետական սփռում ունեցող Հայկական երկրորդ հեռուստաալիքի
սեփականատիրոջ և նրա ակտիվների կալանավորումը, որը կարելի է
մեկնաբանել որպես գալիք ընտրությունների նախաշեմին հեռուստաեթերը
լռեցնելու փորձ:
Երևանի քաղաքապետի ընտրությունների արդյունքներից ոգևորված, ինչպես
նաև դեռևս անհայտ վերջնանպատակով` օր առաջ խորհրդարանական
որակյալ մեծամասնություն ունենալու ձգտմամբ «Քաղաքացիական
պայմանագիրե կուսակցության ղեկավարությունը որոշում կայացրեց
արագացնել խորհրդարանի լուծարման և արտահերթ խորհրդարանական
ընտրություններ անցկացնելու գործընթացը: Դա հակասեց կառավարության
ձևավորման ժամանակ հնչեցված խոստումներին, համաձայն որոնց՝ մինչև
ընտրությունների անցկացումը պետք է լրջորեն բարեփոխվեր Ընտրական
օրենսգիրքը: Վարչապետի ճնշման ներքո Ազգային ժողովը լուծարվեց, և նշանակվեցին արտահերթ խորհրդարանական ընտրություններ>,- ասված է հայտարարության մեջ:
Ըստ որում, ՀՀԿ-ն չի հերքում փաստը, որ անժխտելի է հասարակական սատրաման բարձր աստիճանը և կառավարության գործունեությունից դրական սպասելիքները: <Այդուհանդերձ,ակներև են թույլ տրված լրջագույն սխալները.
գրանցվեց կտրուկ գնաճ, զգալիորեն կրճատվեցին արտասահմանյան ներդրումները: Աշխատավարձերի և թոշակների որևէ նշանակալի ավելացում նախատեսված չէ նաև 2019թ. պետական բյուջեի նախագծով: Պետական մարմինների կամայական որոշումների և անգործության հետևանքով Հայաստանում ներդրում կատարած մի շարք ընկերություններ
կրում են վնասներ, որոնք ժամանակի ընթացքում, ըստ երևութին,
կներկայացվեն որպես պահանջ Հայաստանի Հանրապետությանը Անհանգստություն է առաջացնում վարած կադրային քաղաքականությունը:
Փորձառու և գիտակ կադրերը հեռացվում են, իսկ նրանց փոխարեն
նշանակումներ են կատարվում անձնական նվիրվածության, այլ ոչ թե
արհեստավարժության սկզբունքով>,- ասվում է հայտարարության մեջ:
ՀՀԿ-ն քննադատության է ենթարկել նաև կոռուպցիայի դեմ պայքարը, որը, վերջինիս կարծիքով, կրում է ցուցադրական բնույթ` դառնալով ընտրովի արդարադատության, քաղաքական հաշվեհարդարների գործիք:
ՀՀԿ սրտով չէ նաև ներկայիս իշխանությունների արտաքին քաղաքականությունը:
<Արտաքին քաղաքականության իրականացման մեջ արձանագրվեցին
կոպտագույն բացթողումներ, որոնցից ամենաակնհայտը ՀԱՊԿ գլխավոր
քարտուղարի շուրջ ստեղծված իրավիճակն է: Անհամեմատ ավելի լուրջ
հետևանքների հիմքերն արդեն իսկ դրված են>,- ասվում է հայտարարության մեջ:
Ըստ որում, ՀՀԿ-ն թվարկել է նաև իր կողմից թույլ տրված մի քանի սխալներ. <Թուլացավ կապը կուսակցության կենտրոնի և տարածքային,
շրջանային ու սկզբնական կառույցների միջև: Չնայած որոշ հաջողություններին` հնարավոր չեղավ արմատախիլ անել կաշառակերությունն ու կոռուպցիայի այլ դրսևորումները: Մի շարք ոլորտներում պահպանվեց գործազրկության բարձր
մակարդակը, չներդրվեցին կադրերի վերապատրաստման և
արհեստագործական ուսուցման բավարար թվով ծրագրեր: Չնայած ձեռնարկվող ջանքերին` չլուծված են մնում երկրի մի շարք առանցքային սոցիալ-տնտեսական խնդիրներ>:
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Թուրքագետ. Ադրբեջանը երբեք, ոչ մի պարագայում չի դադարի հայ ժողովրդի վրա ճնշում գործադրելուց
Քաղաքագետ. Մենք պետք է հեռանանք «երբ» հարցից և այն փոխարինենք ավելի կարևոր հարցերով
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
