Արմինֆո.Քաղաքական և հասարակական գործիչ, ՀՀ Ազգային ժողովի նախկին փոխնախագահ Կարապետ Ռուբինյանն ԱրմԻնֆո-ին հարցազրույցում մեկնաբանում է մեծ քաղաքականություն նախկին նախագահ Ռոբերտ Քոչարյանի «վերադարձի» հեռանկարները, կիսվում 2019 թ. գարնանը նախատեսվող արտահերթ խորհրդարանական ընտրությունների նախաշեմին քաղաքական ուժերի դասավորության իր տեսլականով, խոսում Հայաստանում անցումային արդարադատության ներդրման անհրաժեշտության մասին:
Ռոբերտ Քոչարյանը քաղաքականություն իր վերադարձի մասին հայտարարեց՝ որպես կայացած փաստ: Արդյո՞ք հետագայում նման սցենարի նախադրյալներ կան, օրինակ՝ արտահերթ խորհրդարանական ընտրությունների անցկացման ժամանակ կամ ամեն բան կավարտվի նրան կալանքի տակ վերադարձնելու Վճռաբեկ դատարանի որոշմամբ:
Որպես կանոն, քաղաքականություն վերադառնում են քաղաքական քայլերով: Ռոբերտ քոչարյանի «վերադարձը» սկսեց ՀՔԾ-ն՝ ծանուցագիր ուղարկելով ու Քոչարյանի դրան հաջորդող իր բոլոր քայլերի ու գործողությունների դրդապատճառը արդարացի պատժից խուսափելն է: «Համարեք, որ վերադարձել եմ» ասածն էլ դրա ապացույցն է, թե չէ կասեր «չե՞ք տեսնում, որ վերադարձել եմ»: Նույն հարցազրույցում նրա՝ «ուչաստկովիի» մակարդակի աշխարհաքաղաքական «վերլուծությունը» երբ պարզապես ցույց տվեց, որ թերթեր է կարդում ու ծանոթ է մեր տարածաշրջանի քաղաքական քարտեզին, դար ապրած մոտեցումները Ռուսաստանի վերաբերյալ, նույնպես ցույց են տալիս, որ գործում է հանպատրաստից՝ պահի ու հանգամանքների թելադրանքով: Վերադառնալով ձեր հարցին ասեմ, որ հաշվի առնելով այն համաժողովրդական ատելությունն ու արհամարանքը, որը վայելում է Քոչարյանը սկսած իր ապօրինի պաշտոնավարման տարիներից մինչ այժմ, նա դասական իմաստով քաղաքականություն վերադառնալու ոչ մի շանս չունի: Բանսարկություններ, ստով ու կեղծիքներով լի հարցազրույցներ ու հայտարարություններ կարող է անել: Դրսից հովանավորներ փորձել բերել ու ներքաշել մեր երկրի ներքին գործերին նույնպես կարող է: Նա ամեն ինչ անում է ու էլի կանի, որպեսզի որպես քաղաքական հետապնդում ներկայացնի իր նկատմամբ իրականացվող քրեական հետապնդումը: Պաշտպանվելու իրավունքն իրենն է, վարձու պաշտպանների պակաս էլ չունի, պարզապես բոլորս մեզ ավելի հանգիստ ու անվտանգ կզգանք եթե նա այդ ամենն անի իր արարքներին համապատասխանող տեղից՝ բանտախցից:
Առայժմ Քոչարյանին, համենայն դեպս, դատելով ԶԼՄ-ների հրապարակումներից և հայտարարություններից, աջակցում են ոչ բարձր վարկանիշ ունեցող ՀՀԿ-ն և ՀՅԴ-ն: Սակայն, հաշվի առնելով Գագիկ Ծառուկյանի բավական տևական լռությունը՝ խորհրդարանական ընտրությունների ժամանակ իր փաստացի ստեղծողին կարող է աջակցել նաև <Բարգավաճ Հայաստանը>: Ինչպե՞ս եք պատկերացնում նման քաղաքական դասավորության հեռանկարները:
Չեմ կարծում, որ գործը դրան կհասնի: Մի մոռացեք, որ արտահերթ ընտրություններում ընտրակաշառքը, նաև բարեգործության անվան տակ արվողը, բացառելու պայմաններում Ծառուկյանն ու իր «կուսակցությունը» առանց Քոչարյանի էլ լուրջ եթե ոչ անհաղթահարելի խնդիրների առջև են կանգնելու: Ընտրություններում հանցագործի հետ բաց համագործակցության կարող են գնալ միայն հիմարները:
Բացի այդ, ենթադրում եմ, որ պարոն Ծառուկյանը ամենևին դեմ չի լինի ազատվելու իր նախկին կամ գուցե նաև ներկա «օրթախից»: Կներեք, հատուկ այս հակապետական երևույթին հարիր թուրքերեն բառն եմ օգտագործում:
Օրերս Հայաստանում հարգված ֆինանսիստներից մեկը ենթադրեց, որ առաջիկա խորհրդարանական ընտրություններում հաղթանակի՝ ընտրողների և ընտրությունները վերահսկող իշխանության մարմինների կաշառման համար, Քոչարյանին բավարար կլինի ծախսել ԶԼՄ-ների կողմից իրեն վերագրվող 4 մլրդ դոլարից 2 մլրդ-ն: Իսկ եթե դա էլ բավարար չլինի, Մոսկվան ձմռանը կբարձրացնի գազի գները: Կիսվեք, խնդրում եմ, Ձեր կանխատեսմամբ:
Արդեն հույս հայտնեցի, որ Քոչարյանը արտահերթ ընտրությունների ընթացքին հետևելու է բանտախցից: Բայց եթե հույսս չարդարանա, միևնույն է վստահ եմ, որ այսօրվա իշխանությունը ամեն ինչ անելու է ընտրություններում փողի ու վարչական ռեսուրսի ապօրինի ազդեցությունը բացառելու համար: Այնպես որ, Քոչարյանի թալանած փողերը շատ-շատ ծառայեն ծախու մամուլի ու սոց. ցանցերի կեղծ օգտատերերի միջոցով մթնոլորտը ապականելուն, եթե, իհարկե, մինչ այդ դրանք օրինական ճանապարհով չմուտքագրվեն պետական բյուջե: Կրեմլի գործոնն ու ազդեցությունը մեկ այլ քննարկելիք բան է, բայց Քոչարյանի պարագայում հակված եմ նույն պնդումն անել՝ այս իրավիճակում, միայն հիմարը իր անունն ու վարկանիշը կամովին կկապի այդ հանցագործի հետ:
Ի դեպ, դատելով Ռոբերտ Քոչարյանի վերջին հայտարարություններից՝ նա ակնհայտորեն փորձում է Հայաստանում ռուսական շահերի միակ պաշտպանի իմիջ ստեղծել իր համար, ինչպես 10 տարի անում էր Սերժ Սարգսյանը: Նիկոլ Փաշինյանը օգոստոսի 17-ին արդեն հասցրել է անհիմն որակել նման ջանքերը: Ինչպիսի՞ն է Քոչարյանի կողմից <ռուսական խաղաքարտի> հաջող խաղարկման հավանականությունը:
Քոչարյանի համար դա արդարադատությունից պաշտպանվելու ձևերից մեկն է: Ակնհայտ է, որ սեփական ճղճիմ խնդիրները լուծելու համար սեփական երկրիդ վրա «դրսից տղա բերելը» ստորություն է ու դավաճանություն: Մյուս կողմից չեմ կարծում, թե Կրեմլի համար ռուսական «ԱՖԿ Սիստեմայի» ազատված տնօրեն Քոչարյանը ինքնին որևէ արժեք ունի, իսկ որպես Հայաստանի ներքին գործերին միջամտելու գործիք, չափազանց վարկաբեկված է: Նրանց արտգործնախարար Լավրովի տխրահռչակ հայտարարության մեջ էլ տեսանք, որ հիմնական շեշտը դրվեց ոչ թե Քոչարյանի այլ Խաչատուրովի ՀԱՊԿ գլխ. Քարտուղար լինելու հանգամանքի վրա:
Քոչարյանին ներկայացված միակ մեղադրանքը 2008 թ. Սահմանադրական կարգի տապալումն է: Մինչդեռ, ինչպես հավաստում են նրա ընդդիմախոսները, նրա նախագահության տարիները հիշվել են հոկտեմբերի 27-ով, մի շարք՝ այդպես էլ չբացահայտված աղմկահարույց սպանություններով, Հայաստանի համար կողոպտչական <Գույք՝ պարտի դիմաց> գործարքով, շատ գործարարներից հաջող բիզնեսների խլմամբ: Ասում են, որ տուժածներից շատերը պատրաստ են ցուցմունքներ տալ նաև այսօր: Ձեր կարծիքով, ի՞նչն է խանգարում իշխանությանը նախկին նախագահին մեղադրանքներ առաջադել, օրինակ, տնտեսական հանցագործությունների համար:
Այդ հարցի պատասխանը ես չունեմ, միայն կարող եմ հույս հայտնել, որ ՀՔԾ-ն ունի գործողությունների հստակ պլան, որում անհրաժեշտաբար ներառված կլինեն ձեր նշած ու չնշած այլ հանցագործությունների քննության փուլերը: Գիտենք նաև, որ արդարություն հաստատելու և մեղավորներին պատժելու ճանապարհին մեծ բարդություններ են առաջանում գործող օրենքների անկատարության և ներկա դատական համակարգի տխուր վիճակի պատճառով: Այս պատճառով է որ վարչապետը վերջապես որոշեց գնալ անցումային արդարադատություն իրականացնելու ճանապարհով: Սա միանգամայն ողջունելի ու սպասված քայլ էր և զուր չէ, որ դեռ ոչինչ չսկսած մեծ իրարանցում առաջացրեց թալանչիների ճամբարում:
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
