Ռուսաստանի և Վրաստանի սահմանին վիթխարի կուտակումը բացառապես տեխնիկական խնդիր է, հավաստիացնում է Սուրեն Պապիկյանը

Արմինֆո. Ռուսաստանի և Վրաստանի սահմանին Վերին Լարսի մոտ ավտոմեքենաների կուտակումները բացառապես տեխնիկական խնդիր է և Հայաստանի կամ Ռուսաստանի իշխանությունների անգործության արդյունք չէ: Այդ մասին հայտարարել է Հայաստանի տարածքային կառավարման և զարգացման նախարար Սուրեն Պապիկյանը` նախօրեին Մոսկվայում Ռուսաստանի հայերի միության կողմից կազմակերպված ՀՀ սահմանամերձ համայնքների զարգացման ու ամրապնդման հիմնախնդիրների լուծմանը նվիրված գործարար համաժողովին: Նախարարը նշել է, որ հազարավոր մեքենաներ այժմ հատում են հայ-վրացական սահմանը, իսկ հետո` վրաց-ռուսական սահմանը, ինչը լուրջ կուտակումների գլխավոր պատճառն է:

Ինչպես հաղորդել է ԱրմԻնֆո-ի սեփական թղթակիցը, Ս.Պապիկյանը հավաստիացրել է, որ Հայաստանի համապատասխան գերատեսչություններն ամեն ամիս և ամեն օր զբաղվում են այդ խնդրի կարգավորմամբ: Նախարարը նաև երախտագիտություն է հայտնել ռուսական կողմից հայկական բերքը ժամանակին ռուսաստանյան շուկա հասցնելուն  աջակցելու համար:

Հայաստանի և Ռուսաստանի միջև ուղիղ երկաթուղային հաղորդակցության բացակայությունը   նախարարը համարել է գլխավոր խոչընդոտը առավել արդյունավետ տնտեսական փոխգործակցության համար, միևնույն ժամանակ հավաստիացնելով, որ Հայաստանն այժմ բանակցություններ է վարում Ռուսաստանի և Վրաստանի գործընկերների հետ: «Ես լիահույս եմ, որ տեսանելի հեռանկարում մենք կգտնենք փոխզիջումային լուծում: Արդեն կան նախնական պայմանավորվածություններ՚:

Անդրադառնալով գյուղատնտեսական արտադրանքի իրացման հարցերին` նախարարը հավաստիացրել է, որ ընթացիկ տարում ծիրանի բարձր բերքատվության պայմաններում գյուղացիների շրջանում սպառմանն առնչվող խնդիրներ չեն ծագել, ավելին, ծիրանը հաջողությամբ վաճառվում է արտաքին շուկաներում:

Հավելենք, որ տարածքային կառավարման և զարգացման նախարար Սուրեն Պապիկյանի գլխավորած կազմում են եղել ՀՀ պաշտպանության նախարարի տեղակալ Մակար Ղամբարյանը, ՀՀ ֆինանսների նախարարի տեղակալ Արման Պողոսյանը, ՀՀ տնտեսական զարգացման և ներդրումների նախարարի տեղակալ Ալբերտ Բաբայանը, ՀՀ էներգետիկ ենթակառուցվածքների և բնական պաշարների նախարարի տեղակալ Տիգրան Արզումանյանը, ՄԱԶԾ ինտեգրված աջակցություն գյուղական զարգացմանը համայնքների դիմակայունության ամրապնդում ծրագրի ղեկավար Արմեն Տիրատուրյանը և այլ պաշտոնատար անձիք։ Համաժողովիղց հետո Հայաստանի պատվիրակությունը ներկա է գտնվել «Ծիրան՚ բազմազգ տոնին, որն ամեն տարի անցկացնում է Ռուսաստանի հայերի միությունը: Այս տաի տոնակատարությանը ներկա է եղել նաև Մոսկվայի քաղաքապետ Սերգեյ Սոբյանինը: Հիշեցնենք, որ 1990-ականների սկզբից Վերին Լարսի անցակետը միակ ճանապարհն է, որն ապահովում է Հայաստանի կապը Ռուսաստանի հետ: Այն պարբերաբար փակվում է եղնակային պատճառներով: «Վերին Լարս» ճանապարհին այլընտրանք ստեղծելու անհրաժեշտության մասին վաղուց է խոսվում: Որպես այլընտրանք կարող են ծառայել Վրաստանն ու Ռուսաստանն իրար հետ կապող ուղնիները, Օսիայի և Աբխազիայի տարածքներով: Մայիսի 24-ին Ռուսաստանի Դաշնության և Վրաստանի ներկայացուցիչները հանդիպել են Պրահայում և քննարկել 2011-ին կնքված «Մաքսային վարչարարության և ապրանքի առևտրի մոնիթորինգի մեխանիզմի հիմնական սկզբունքների մասին» համաձայնագրի կիրառման մանրամասները: Կողմերը համաձայնություն են ձեռք բերել, որ Աբխազիայի, Հարավային Օսիայի տարածքներում բեռների մաքսային վերահսկողության համար պետք է ձևավորվի եռակողմ հանձնաժողով` Վրաստանի, Ռուսաստանի և շվեյցարական SGS ընկերության ներկայացուցիչներից: Այս մասին գրել է ՀՀ փոխվարչապետ Տիգրան Ավինյանն իր ֆեյսբուքյան էջում:

«Համաձայնագրի կյանքի կոչվելու պարագայում, մենք կունենանք բեռնափոխադրման այլընտրանքային ճանապարհներ՝ այն դեպքերում, երբ Վերին Լարսի ավտոճանապարհը փակ լինի: Համաձայնագրի իրականացման մասին ենք նաև զրուցել ՌԴ նախագահ Վլադիմիր Պուտինի հետ՝ մայիսի 14-ին Սոչիում կայացած հանդիպման ժամանակ»,- ասված է Ավինյանի հաղորդագրության մեջ:

Ինչպես ավելի վաղ ԱրմԻնֆո գործակալության հաղորդել էր, 2017 թվականի դեկտեմբերի 22-ին Վրաստանի ԱԳՆ-ն պայմանագիր էր կնքել շվեյցարական SGS ընկերության հետ, որը կվերահսկի բեռնափոխադրումները Ռուսաստանի, Վրաստանի և Հայաստանի միջև Աբխազիայի և Հարավային Օսիայի տարածքով: Փաստաթղթի համաձայն, այլընտրանքային ավտոճանապարհային միջանցքները կարող են օգտագործվել միայն ֆորս մաժորային իրավիճակներում: Թե երբ կգործեն նոր միջանցքները` առայժմ պարզ չէ: