«Լիդիան Արմենիան» կշարունակի զարգացնել աշխատանքային անվտանգության մշակույթը Հայաստանում

Արմինֆո.«Լիդիան Արմենիան» ուրախությամբ տեղեկացնում է առողջության և աշխատանքային անվտանգության ոլորտում ընկերության կարևոր ձեռքբերման մասին՝ այն է 2 միլիոն մարդ/ժամ առանց աշխատաժամանակի կորստով պատահարի: Այդ մասին տեղեկացնում է ընկերության մամուլի ծառայությունը:

Հատկանշական է, որ այս ցուցանիշը գրանցվել է շինարարական աշխատանքների ամենաթեժ ժամանակահատվածում՝ ընդգրկելով ձմռան ամիսները: Սա միջազգային ստանդարտ է, որով գնահատվում է առողջության և աշխատանքային անվտանգության ոլորտում ընկերությունների գործունեությունը: Այս ցուցանիշը նշանակում է, ընկերության աշխատակիցները բոլորը միասին աշխատել են 2 միլիոն ժամ առանց որևէ այնպիսի պատահարի, որի հետևանքով ընկերության աշխատակիցը կարող էր բացակայել աշխատանքից կամ ի վիճակի չլիներ վերադառնալ իր հիմնական պարտականություններին: Արդյունաբերական և շինարարական ընկերությունները սովորաբար 1 միլիոն մարդ/ժամ առանց աշխատաժամանակի կորստով պատահարի ցուցանիշը համարում են մեծ ձեռքբերում: Իսկ Ամուլսարում շինարարության փուլում գրանցված 2 միլիոն մարդ/ժամ ցուցանիշը նշանակալի է նույնիսկ միջազգային փորձառու ընկերությունների համար:

Ծրագրի շինարարությունն այս պահին ընթացքում է, մոտ 80%-ն արդեն իրականացվել է: Մի քանի միլիոն խ/մ հողային աշխատանքներ են կատարվել, 9000 խ/մ` բետոնային աշխատանքներ, 90 000 խ/մ դատարկ ապար արդեն իսկ տեղաշարժվել է, կառուցվել 1 մոտավորապես 20 կմ ճանապարհ: Ջրերի կառավարման համակարգի, ինչպես նաև բնապահպանական կառավարման մյուս համակարգերի շինարարության զգալի մասն արդեն իրականացվել է: Այն փաստը, որ բարդ լեռնային տարածքում և եղանակային անբարենպաստ պայմաններում շինարարության ընթացքում որևէ լուրջ պատահար չի գրանցվել, ցույց է տալիս ընկերության պատրաստակամությունը հետևելու առողջության և աշխատանքային անվտանգության խիստ կանոնակարգերին:

«Մեզ համար ամենաբարդ խնդիրներից մեկն առողջության և աշխատանքային անվտանգության մշակույթը Լիդիանի և կապալառուների աշխատակիցներին փոխանցելն էրե,- ասում է ընկերության կայուն զարգացման գծով փոխնախագահ Արմեն Ստեփանյանը, - «Երբեմն մենք ստիված ենք եղել կանգնեցնել մեր կապալառուների աշխատանքները, օրինակ, շինարարությունը ոչ անվտանգ իրականացնելու, կամ աշխատակիցների կողմից անհատական պաշտպանիչ միջոցները չկրելու պատճառով, քանի դեռ նրանք չեն ապահովել անվտանգության և առողջության անհրաժեշտ ստանդարտները: Շինարարության ռիսկերը շատ են և անվտանգության հստակ մշակույթի ներդրումը ապահովում է աշխատակիցների անվտանգությունը, նվազեցնում է ռիսկերը և խրախուսում է աշխատակիցներին աշխատել անվտանգ: 2 միլիոն մարդ/ ժամ առանց աշխատաժամանակի կորստով պատահարի ցուցանիշը ևս մեկ անգամ ընդգծում է, որ «Լիդիան Արմենիան» պատրաստ է ապահովել անվտանգության պրակտիկան ընդունված միջազգային ստանդարտներին համապատասխան և շարունակել զարգացնել աշխատանքային անվտանգության մշակույթը Հայաստանում»:

Հիշեցնենք, որ Lydian Armenia-ն բրիտանական Lydian International-ի դուստր ընկերությունն է, որի բաժնետերերն են նաև ԱՄՆ, Մեծ Բրիտանիայի, մի շարք եվրոպական երկրների միջազգային ինստիտուցիենալ ներրդողներ, այդ թվում` IFC և EBRD: Ամուլսարի ոսկու հանքավայրի շահագործման նախագիծն այսօր Հայաստանում արդյունաբերական ամենախոշոր նախագիծն է, որի ընդհանուր արժեքը կազմում է 370 մլն դոլար: 2016 թվականի օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում: