Արմինֆո. ՀՀ գլխավոր դատախազությունը վերլուծել է 2016 և 2017 թվականների 1-ին կիսամյակներում կոռուպցիոն հանցագործությունների դեպքերով նախապատրաստված նյութերի նկատմամբ հսկողության, հետաքննության և նախաքննության նկատմամբ դատավարական ղեկավարման ու դատարանում մեղադրանքի պաշտպանության արդյունքները:
Ինչպես ԱրմԻնֆո գործակալությանը տեղեկացվել է գլխավոր դատախազության մամուլի ծառայությունից, 2017 թվականի 1-ին կիսամյակում վարույթ է ընդունվել կոռուպցիոն բնույթի ընդհանուր առմամբ 356 քրեական գործ: Վարույթ ընդունված քր. գործերով քրեական հետապնդում է իրականացվել 195 անձի նկատմամբ, ինչը 43,38%-ով ավելի է 2016թ. 1-ին կիսամյակին վարույթ ընդունված գործերով քրեական հետապնդման ենթարկված անձանց թվից (139):
Նշված գործերով մեղադրյալներից 35-ը գտնվել է նախնական կալանքի տակ (այդ թվում՝ 3 դատավոր, որոնցից մեկը դատարանի նախագահ, 1 դատախազ, քննչական կոմիտեի 2 քննիչ, մաքսային մարմնի 4 աշխատակից, ՀՀ ոստիկանության 4 աշխատակից, ՔԿՀ 3 աշխատակից և այլն), ինչը 2016 թվականի 1-ին կիսամյակի համեմատ (թվով 21 անձ) ավելի է 45,83%-ով:
Ավարտվել է 269 քրեական գործ, որոնցից 69-ը`117 անձի նկատմամբ մեղադրական եզրակացությամբ ուղարկվել է դատարան: 2017 թվականի առաջին կիսամյակում մեղադրական եզրակացությամբ դատարան ուղարկված քրեական գործերով անցնող մեղադրյալների թիվը 2016 թվականի 1-ին կիսամյակի համեմատ աճել է 91,8%-ով:
Այսինքն՝ 2016 և 2017 թվականների 1-ին կիսամյակներում գրեթե նույն քանակի ավարտված քրեական գործերի պայմաններում 2017-ի առաջին կիսամյակում 12,45%-ով աճել է մեղադրական եզրակացությամբ դատարան ուղարկված քրեական գործերի թիվը, ինչպես նաև դրանցով անցնող մեղադրյալների (91,8%) թիվը: Միաժամանակ 13%-ով նվազել է արդարացման հիմքով կարճված քրեական գործերի քանակը: Ըստ կոռուպցիոն բնույթի՝ հանրային առավել մեծ ուշադրության արժանացող հանցատեսակների՝ հաշվետու ժամանակահատվածում քրեական շարժընթացն ունի հետևյալ պատկերը:
1. ՀՀ քրեական օրենսգրքի 308-րդ հոդվածով /պաշտոնական լիազորությունները
չարաշահելը/.
Այս տարվա հաշվետու ժամանակահատվածում հարուցվել է 70 քրեական գործ: Վարույթ ընդունված 82 քր.գործով քրեական հետապնդում է իրականացվել 32 պաշտոնատար անձի նկատմամբ: 27 անձի նկատմամբ (որից 3-ը` քրեակատարողական հիմնարկի շխատակից, 2-ը` հարկային մարմնի աշխատակից, 2-ը` մաքսային մարմնի աշխատակից, 8-ը` ոստիկան, 3-ը` անձնագրային բաժնի աշխատակից, 2-ը` քննիչ և այլն), 15 գործ մեղադրական եզրակացությամբ ուղարկվել է դատարան: Դատարանում քննվել է 15 գործ՝ 19 անձի վերաբերյալ: 14 գործով 18 անձ դատապարտվել է, որոնցից 8-ը` ազատազրկման:
Համեմատությունը ցույց է տալիս, որ 2016թ. առաջին կիսամյակի համեմատ 79,48%-ով ավելացել է հարուցված քրեական գործերի թիվը, 28,12%-ով՝ վարույթ ընդունված գործերի, 77,77%-ով կամ 14-ով դրանցով անցնող մեղադրյալների թիվը: Հատկանշական է, որ եթե 2016թ. պաշտոնական դիրքի չարաշահման համար դատի է տրվել 5 պաշտոնատար անձ 4 քրեական գործով, ապա 2017թ. նույն ժամանակահատվածում ՝ 27 պաշտոնատար անձ՝ 15 քրեական գործով: Ընդ որում շուրջ երեք անգամ աճել է դատարանում քննված գործերի, նույնքան անգամ՝ դատապարված անձանց քանակը (2016-ի առաջին կիսամյակում՝ 5 անձ): Կրկնակիից ավելի աճել է ազատազրկման դատապարտված անձանց թիվը (2016-ի առաջին կիսամյակում՝ 3 անձ):
2. ՀՀ քրեական օրենսգրքի 311-րդ և 312-րդ հոդվածներով /կաշառք ստանալը և
տալը/.
2016թ. 1-ին կիսամյակում հարուցվել է 21, վարույթ ընդունվել՝ 29 քրեական գործ, որոնցով անցել է 24 մեղադրյալ: 15 անձի նկատմամբ 8 քրեական գործ մեղադրական եզրակացությամբ ուղարկվել է դատարան: Դատարանում քննված 3 գործով դատապարտվել է 6 անձ, որից 2-ը ազատազրկման, 1-ը՝ տուգանքի, իսկ 3-ի նկատմամբ, կաշառք տալու համար, նշանակված պատիժը պայմանականորեն չի կիրառվել:
2017թ. 1-ին կիսամյակում հարուցվել է 28 քրեական գործ, վարույթ ընդունվել 35 քրեական գործ, որոնցով անցել է 54 մեղադրյալ: 18 անձի նկատմամբ 12 քրեական գործ մեղադրական եզրակացությամբ ուղարկվել է դատարան: Դատարանում քննված 5 գործով դատապարտվել է 15 անձ, որից 5-ը` ազատազրկման, 4-ը` տուգանքի, 6-ի նկատմամբ նշանակված պատիժը պայմանականորեն չի կիրառվել՝ կաշառք տալու համար:
Դիտարկումը վկայում է, որ 2016թ. 1-ին կիսամյակի համեմատ 33,33%-ով աճել է այս հոդվածով հարուցված քրեական գործերի, 125%-ով՝ վարույթ ընդունված գործերով քրեական հետապնդման ենթարկված անձանց, 50%-ով՝ մեղադրական եզրակացությամբ դատարան ուղարկված գործերի, 20%-ով՝ դրանցով անցնող մեղադրյալների քանակը, ինչպես նաև ավելի քան կրկնակի՝ ազատազրկման դատապարտված անձանց թիվը:
3. ՀՀ քրեական օրենսգրքի 375-րդ հոդվածով /իշխանությունը չարաշահելը,
իշխանազանցությունը կամ իշխանության անգործությունը/.
Հաշվետու ժամանակահատվածում հարուցվել է 36 քրեական գործ: Վարույթ ընդունված 39 քրեական գործով անցել է 16 մեղադրյալ: 5 գործ 13 անձի նկատմամբ մեղադրական եզրակացությամբ ուղարկվել է դատարան: Դատարանում 100 անձի վերաբերյալ քննվել է 46 գործ: 42 գործով 69 անձ դատապարտվել է:
Մինչդեռ 2016թ. 1-ին կիսամյակում այս հոդվածով հարուցվել է 11 քրեական գործ: Վարույթ է ընդունվել 12 քրեական գործ, որոնցով քրեական հետապնդում չի իրականացվել: Իսկ դատարանում 11 անձի վերաբերյալ (2017թ. առաջին կիսամյակի համեմատ 89-ով պակաս) քննվել է 4 քրեական գործ (42-ով պակաս): 3 գործով 10 անձ (59-ով պակաս) դատապարտվել է: 2017թ. 1-ին կիսամյակում մինչդատական վարույթում նախապատրաստված և ավարտված նյութերով, ինչպես նաև ավարտված քրեական գործերով հանցագործությամբ պատճառված նյութական վնասը կազմել է 79 784 259 ՀՀ դրամ: Դրանից պետական գույքին պատճառված վնասի չափը կազմել է 75 048 359 ՀՀ դրամ: Վերականգնվել է 36 201 669 ՀՀ դրամի վնասը, որից՝ 32 831 669 ՀՀ դրամի չափով՝ պետական գույքին պատճառված վնասից:
Հայ փորձագետ. Կարո՞ղ է արդյոք ժամանակակից Ադրբեջանը գոյություն ունենալ առանց ռուսական և խորհրդային արդիականացման
ՀՀ պաշտպանության նախկին փոխնախարար. Հարավային Կովկասը մտնում է անկայունության նոր փուլ
Փորձագետ. Ադրբեջանի քաղաքական ղեկավարությունը բացահայտ հայտարարել է, որ «Հայաստանի օկուպացիան նրանց նոր ազգային նպատակն է»
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
