Արմինֆո.Արթուր Սարգսյանի մահվան մասին տեղեկությունը, ով հուլիսի 17-ին Երևանում ոստիկանության ՊՊԾ գնդի շենքի գրավման ժամանակ սնունդ էր տարել «Սասնա ծռեր» խմբի անդամների համար, հարյուրավոր մարդկանց բողոքի ակցիայի է մղել իրավապահ մարմինների գործողությունների դեմ:
Հանրահավաք-երթի ընթացքում, որը Երևանի կենտրոնում կազմակերպել է նախաձեռնող խումբտ, հնչել են արդարության և մեղավորներին պատժելու կոչեր: Ցուցարարները վանկարկել են «Սերժիկ մարդասպան», «Գլխավոր դատախազի հրաժարականը» բովանդակությամբ կարգախոսներ: Ակցիայի մասնակիցները հայտարարել են, որ այսօրվանից կկազմակերպեն շուրջօրյա նստացույց, պահանջելով երկրի ղեկավարի հրաժարականը: Նրանք Հայաստանի քաղաքացիներին կոչ են արել վաղը հավաքվել Ազատության հրապարակում և իրենց վերաբերմունքն արտահայտել այդ ողբերգական միջադեպի կապակցոթւյամբ:
Հանրահավաքի մասնակիցներին ուղեկցվում էր ոստիկանության ուժեղացված ջոկատները: Երևանի փոխոստիկանապետ Վալերի Օսիպյանը կոչ է արել չլարել իրավիճակը: Նրա խոսքով, առաջիկայում ՀՀ գլխավոր դատախազությունը հանդես կգա հայտարարությամբ: «Այսօր, հիմա նման միջոցառումների ժամանակը չէ», - փորձել է ցուցարարներին հանգստացնել Վալերի Օսիպյանը:
Նշենք, որ այսօր կարեկցանքի խոսքերով և հայտարարությամբ է հանդես եկել ՕՐՕ» (Օհանյան- Րաֆֆի-Օսկանյան) նախընտրական դաշինքը:
Ըստ «Արմենիա» բժշկական կենտրոնի բժիշկների, նա հիվանդանոց էր ընդունվել մարտի 15-ին, ժամը 18.50-ին` օղակված պորտային ճողվածքի կապակցությամբ։ Վիրահատվել էր գիշերը` անհետաձգելի ցուցումներով։ Վիրահատության ընթացքում պարզվել էր, որ հիվանդի մոտ առկա է աղիքային անանցանելիություն և տարածուն պերիտոնիտ։ Կատարվել էր ռադիկալ վիրահատություն` ճողվածքահատում, ճողվածքի պլաստիկա, որովայնի խոռոչի սանացիա և աղիների շինավորում։ Վաղ հետվիրահատական շրջանում Արթուր Սարգսյանի մոտ զարգացել էր սուր սրտանոթային և թոքային անբավարարություն։ Հիվանդին միացվել էր արհեստական շնչառության սարք։ Չնայած բժիշկների կողմից ձեռնարկված միջոցառումներին` չի հաջողվել Արթուր Սարգսյանի կյանքը փրկել։
Նշենք, որ Սարգսյանը ձերբակալվել էր և գտնվում էր «Դատապարտյալների հիվանդանոց» ՔԿՀ-ում: Մարտի 5-ին գլխավոր դատախազը բավարարել էր «Սասնա ծռերի» գործողություններին մեղսակցության համար մեղադրվող Արթուր Սարգսյանի նկատմամբ խափանման միջոցը փոխելու վերաբերյալ մի շարք պատգամավորների միջնորդությունը:
Հիշեցնենք, որ «Սասնա ծռերին» սնունդ հասցրած Արթուր Սարգսյանը մեղադրվում էր «կազմակերպված խմբի կողմից ապօրինի կերպով հրազեն, ռազմամթերք ձեռք բերելու, պահելու, փոխադրելու և 2016 թվականի հուլիսի 17-ին ՀՀ ոստիկանության Երևան քաղաքի վարչության պարեկապահակետային ծառայության գնդի տարածք մուտք գործելու, նշված ստորաբաժանման վարչական շենքը և հարակից տարածքը զավթելու, պահելու» դեպքերի առթիվ հարուցված քրեական գործով: Նա կալանավորվել էր, այնուհետև ստորագրությամբ ազատ էր արձակվել մի շարք ծանր հիվանդությունների առնչությամբ, որոնք անհամատեղելի են կալանքի պայմանների հետ: Սակայն փետրվարի 9-ին Արթուր Սարգսյանին կրկին կալանավորել էին` խափանման միջոցը խախտելու համար: Դրանից հետո նա հացադուլ էր հայտարարել, և նրա առողջական վիճակը ծայրահեղ ծանր էր: Մարտի 16-ին նա տեղափոխվել էր հիվանդանոց: