Արմինֆո. Ադրբեջանի նախագահ Իլհամ Ալիևի արձագանքը ղարաբաղյան հիմնախնդրի վերաբերյալ ԱՄՆ պետքարտուղարի հայտարարությանը հետևանք է այն բանի, որ ԵԱՀԿ Մինսկի խմբի համանախագահ երկրները երկար ժամանակ հանդուրժում են նրա սադրիչ հռետորաբանությունն ու գործելաոճը։ Այդ մասին հայտարարել է ԱԳ նախարարի տեղակալ Շավարշ Քոչարյանը:
Նրա խոսքով, հենց համանախագահների այդ մոտեցման պատճառով է, որ Ալիևի մոտ ամրապնդվում է ամենաթողության զգացումը, ու Բաքուն ավելի է սաստկացնում իր անհարգալից կեցվածքը ԵԱՀԿ Մինսկի խմբի համանախագահ երկրների ու նրանց առաջարկությունների հանդեպ։ ՙԱդրբեջանը ոչ միայն հրաժարվում է կյանքի կոչել Վիեննայի և Սանկտ-Պետերբուրգի գագաթաժողովներին բանակցությունների առաջ մղման համար անհրաժեշտ պայմանների ստեղծման նպատակով ձեռք բերված պայմանավորվածությունները, այլև փաստացի մերժում է հիմնախնդրի բացառապես խաղաղ հանգուցալուծման՝ համանախագահ երկրների կողմից առաջարկված հիմնարար սկզբունքները՚,- հայտարարել է Քոչարյանը:
Նշենք, որ նախօրեին Ադրբեջանի նախագահն իր զարմանքն է արտահայտել վերջերս ԱՄՆ պետքարտուղար Ջոն Քերիի հայտարարության առնչությամբ: «Այդ հայտարարությունը տարակուսանք է առաջացնում: Հակամարտության կարգավորված չլինելու մեջ Ադրբեջանին մեղադրելն առնվազն անարդարացի է՚,-ասել է նա, ընդգծելով, որ ԱՄՆ, Ռուսաստանի և Ֆրանսիայի նախագահները բազմաթիվ անգամ հայտարարել են, որ հակամարտությունում ստատուս-քվոն անընդունելի է: Ըստ Ալիևի, ունենալով նման լուրջ հայտարարություն և միատեսակ ձևով մեղադրել հակամարտության երկու կողմերին, դա պարզապես աջակցություն է Հայաստանի քաղաքականությանը: «Մենք չենք ընդունում նման հայտարարությունները: Գտնում ենք, որ առաջիկայում այդ արտահայտությունները կճշգրտվեն ամենաբարձր մակարդակով: Հակառակ պարագայում, միջնորդական առաքելությունը կարող է դրվել կասկածի տակ՚,-ասել է նա: Ավելի վաղ ԱՄՆ պետքարտուղարը հայտարարել էր, որ Հայաստանի և Ադրբեջանի միջև հակամարտության հաղթահարման պայմանները դեռ չեն ստեղծվել: Նրա խոսքով, այսօրվա աշխարհում կան սառեցված հակամարտություններ, այդ թվում նաև ԼՂ հակամարտությունը, որոնցում ներկայումս կարգավորման հնարավորությունները դեռ չեն դիտվում, և առաջին հերթին այն պատճառով, որ «ղեկավարները դրան պատրաստ չեն՚:
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
