Հայաստանում կալանավորվել է երեք անչափահաս երեխաների միայնակ մայրը

Արմինֆո Հայաստանում կալանքի տակ է գտնվում երեք անչափահաս երեխաների մայրը, ով ամուսին չունի։ Այդ մասին օգոստոսի 26-ին Ազգային ժողովի  նիստում հայտարարել է "Հայաստան" խմբակցության պատգամավոր Ագնեսա Խամոյանը։

Պատգամավորը պատմել է, որ նա ձերբակալվել է օգոստոսի 25-ին (ՀՀ երկրորդ նախագահ Ռոբերտ Քոչարյանի նկատմամբ հարուցված գործի շրջանակներում - խմբ.): Խամոյանը հեգնանքով հաղորդել է, որ այս անգամ մորը գոնե թույլատրել են տեսակցել իր երեխաներին, ի տարբերություն "Մայր Հայաստան" կուսակցության անդամ Արեգնազ Մանուկյանի, ում դա էլ թույլ չէին տալիս: Սակայն, ինչպես նշել է ընդդիմադիրը, ոչ ոք հաշվի չի առել այն փաստը, որ կինն ամուսին չունի։ "Եվ հիմա հարց է առաջացել, թե ով պետք է խնամի այդ երեխաներին։ Ինչ - որ մեկը կասի, թող տատիկը խնամի նրանց, միայն թե՝ նա նույնպես կալանքի տակ է։ Ինչ-որ մեկը կասի՝ դե, թող մորաքույրը հոգ տանի, միայն թե՝ դժբախտությունն այն է, որ նա էլ է կալանավորված: Ավելին, այդ երեխաների պապը տնային կալանքի տակ է։ Եվ սա՞ է ձեր արդարությունը: Արդյո՞ք սա էլ կապ ունի "նախկինների" կամ մեկ ուրիշի հետ",- դժգոհել է ընդդիմադիրը։

Պատգամավորը ուշադրություն է հրավիրել այն հանգամանքին, որ այս ամենը տեղի է ունենում այն պայմաններում, երբ  վարչապետն ամբիոնից ցուցումներ է տալիս իրավապահ մարմիններին:

Հիշեցնենք, որ օգոստոսի 25-ի առավոտյան ուժայինները Հակակոռուպցիոն կոմիտե հարցաքննության էին տարել ՀՀ երկրորդ նախագահ Ռոբերտ Քոչարյանին և նրա ավագ որդուն ՝ Սեդրակ Քոչարյանին: Զուգահեռաբար, ԱԱԾ աշխատակիցները խուզարկություն էին իրականացրել ընդդիմադիր "Հայաստան" խմբակցության պատգամավոր, երկրորդ նախագահ Ռոբերտ Քոչարյանի որդու ՝ Լևոն Քոչարյանի բնակարանում: Դա տևել էր 7 ժամ։ Հայտնի է դարձել նաև, որ խուզարկություններ են կատարվել Ռոբերտ Քոչարյանի տանը և Քոչարյանի ընտանիքին պատկանող տասնյակ ընկերություններում, ինչպես նաև երկրորդ նախագահին փոխկապակցված ընկերությունների տնօրենների տներում: Ըստ Քննչական կոմիտեի ՝ ՀՀ քրեական օրենսգրքի 290-րդ հոդվածի 3-րդ մասի 2-րդ կետով ձերբակալվել են Ի.Խ. - ն, Ա.Վ. - ն, Կ. Ա. - ն և նախկին տնօրեն Խ. Մ. - ն: ՀՀ գլխավոր դատախազությունից նույն օրը հաղորդել են, որ Ռոբերտ Քոչարյանին մեղադրանք է առաջադրվել առանձնապես խոշոր չափերով փողերի լվացման, պաշտոնեական դիրքը չարաշահելու և խոշոր չափերով կաշառք ստանալու համար: Վարույթի շրջանակներում քրեական գործեր են հարուցվել 9 անձի, այդ թվում ՝ պաշտպանության նախկին նախարար, ՀՀ երրորդ նախագահ Սերժ Սարգսյանի նկատմամբ: Ավելի ուշ ՀՀ հակակոռուպցիոն կոմիտեից հաղորդել են, որ նախօրեին ձերբակալված 6 անձանցից 4-ի նկատմամբ որպես խափանման միջոց է ընտրվել կալանավորումը, այդ թվում ՝ Սեդրակ Քոչարյանի նկատմամբ: Դատարանը նրան կալանավորել է երկու ամսով ։ Եվս մեկ մեղադրյալի նկատմամբ, ըստ աղբյուրի, տնային կալանք է կիրառվել։ Նաեւ հաղորդվում է, որ ՀՀ երրորդ նախագահ Սերժ Սարգսյանի նկատմամբ, ով նույնպես անցնում է գործով, որպես խափանման միջոց է ընտրվել ստորագրություն չհեռանալու մասին:

Հավելենք, որ ըստ մամուլում շրջանառվող տեղեկությունների, տնային կալանք է ընտրվել Արամայիս Ոսկանյանի նկատմամբ, ով 1999-2009 թվականներին եղել է կառավարական ամառանոցների տնտեսավը (Ռոբերտ Քոչարյանի նախագահության օրոք - խմբ.): Հենց նրա դուստրն է, որ կալանավորման առնչությամբ չի կարողանում տեսնել իր անչափահաս երեխաներին։