TRIPP նախագծի իրականացման համար քաղաքական խոչընդոտներ չեմ տեսնում․ Սարգիս Խանդանյան

Արմինֆո. "TRIPP նախագծի իրականացման համար քաղաքական խոչընդոտներ չեմ տեսնում", - ասել է "Քաղաքացիական պայմանագիր" կուսակցության պատգամավոր, ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը՝ պատասխանելով TRIPP-ի գործարկման վրա իրանա-ամերիկյան հարաբերությունների ազդեցության մասին հարցին:

Նա նշել է, որ իրանցի գործընկերների հետ այդ հարցը քննարկվել է, և ձեռք է բերվել փոխըմբռնում: "Չեմ կարծում, թե որեւէ մեկը կարող է անհանգստանալ, որ Իրանի եւ ԱՄՆ-ի միջեւ լարված հարաբերությունները կազդեն նախագծի իրականացման վրա", - ընդգծել է խորհրդարանականը:

Խանդանյանը նշել է, որ Հայաստանը շահագրգռված է Իրանի եւ ԱՄՆ-ի միջեւ խաղաղության շուտափույթ հաստատմամբ, որին հասնելու համար մեծ հույսեր է ներշնչում ամիսներ առաջ հաստատված խաղաղության ծրագիրը: "Հույս ունենք, որ շուտով այն կյանքի կկոչվի", - ասել է հանձնաժողովի նախագահը։

Խոսելով բուն TRIPP նախագծի մասին՝ Խանդանյանը նշել է, որ վերջինս գտնվում է գործնական իրականացման փուլում։ Այժմ կատարվում են տարածքի և դրա պիտանիության ուսումնասիրություններ, որից հետո կսկսվի երկաթգծի կառուցման, ինչպես նաև էլեկտրահաղորդման գծերի անցկացման փուլը:

Միեւնույն ժամանակ, Խանդանյանը պատմել է, որ ԱՄՆ-ում ստեղծվել է Տրանսկասպյան հիմնադրամ, և նշանակվել է կառավարիչ, իսկ հիմնադրամի գործունեությունը նպատակաուղղված է լինելու նախագծի ֆինանսավորմանը: