Արմինֆո. ԲՀԿ առաջնորդ Գագիկ Ծառուկյանի ձերբակալությունից հետո «Մայր Հայաստան» կուսակցության նախագահ Անդրանիկ Թևանյանը «Երևան-Կենտրոն» ՔԿՀ-ից (առավել հայտնի է որպես ԱԱծ նկուղ) ուղերձ է հղել՝ «Ում համար են ղողանջում զանգերը», որը հրապարակվել է «Մայր Հայաստան» կուսակցության ֆեյսբուքյան էջում։
«Հարգելի՛ հայրենակիցներ, Նիկոլ Փաշինյանի (քաղաքացի Նիկոլ Փաշինյան) ապօրինի հրահանգով քաղաքական հետապնդման են ենթարկվում, կալանավորվում, «իրավապահների» կամայականությունների զոհ դառնում ընդդիմադիր գործիչները, կուսակցությունները, հանրային հեղինակություն ունեցող անհատները։
Մասնավորապես՝ «Մայր Հայաստան» կուսկացության դեմ նույն Նիկոլ Փաշինյանի որոշմամբ տոտալ արշավ է սկսվել։ Վերջին 44 օրվա ընթացքում տեղի է ունեցել հետևյալը․
հանրահավաքային հարթակից ստացած հրահանգով Քննչական կոմիտեն սարսափելի մեղադրանք ներկայացրեց ինձ (Նիկոլ Փաշինյանն առաջնորդվում է Գեբելսյան քարոզրության հայտնի սկզբունքով՝ սուտն ինքան մեծ լինի, այդքան շատ մարդ կհավատա դրան․ փողով սրա-նրա դեմ հոդված գրող-տպողից այլ բան չէր էլ սպասվում)։
Դրան հաջորդեցին խուզարկությունները մեր գրասենյակում, իմ տանը և ավտոտնակում (այս ամենին նախորդել էին բազմաթիվ ապօրինություններ, որոնց մասին մեկ այլ առիթով կխոսեմ)։
Քվեագողության գործիքի վերածված Կենտրոնական ընտրական հանձնաժողովը՝ «փոքր մարդու» քայլող մարմնավորում հանդիսացող Վահագն Հովակիմյանի գլխավորությամբ, համաձայնեց Գլխավոր դատախազության միջնորդությանն, ու ես կալանավորվեցի (հունիսի 7-ին ու դրանից հետո ԿԸՀ-ն խայտառակ ընտրակեղծիքների գնաց, իսկ հուլիսի 4-ին ՍԴ-ն դակեց այդ կեղծիքը)։
Մեր տան և գրասենյակի խուզարկություններին զուգահեռ խուզարկում էին նաև օգնականիս՝ Վահագն Ղազարյանի բնակարանը։ Երևի «պետական գաղտնիք» էին փնտրում՝ զուգահեռաբար տեխնիկապես անհնար դարձնելով և փակելով «7օր» լրատվավերլուծական կայքի գործունեությունը։
Հատուկ նշեմ, որ ի տարբերություն հրապարակային տարբերակով ներակայացրած՝ պետական գաղտնիք փոխանցելու մեղադրանքի, փաստացի առաջադրվել է մեղադրանք ինչ որ այլ (պետական գաղտնիք չհանդիսացող) տեղեկատվություն ենթադրաբար փոխանցելու համար:
Հրապարակավ ներկայացված մեղադրանքը նիկոլական շոուի համար էր։
Ինչպես հայտնի է, վերջին օրերին խուզարկել են նաև «Մայր Հայաստան» կուսակցության վարչության անդամներ Արեգնազ Մանուկյանի և Երվանդ Բոզոյանի բնակարանները։
Դատելով ամենից՝ իմ դեմ գործ «կարելու» հրահանգը ստացել են, գործը «կարել» են, իսկ հիմա դրա շրջանակներում ջանասիրության իմիտացիա են ապահովում քննիչները, որպեսզի պարագլխի համար պատկերներ, հնչեղ վերնագրեր ստանան, վախի մթնոլորտ ձևավորեն, համ էլ՝ կալանքս երկարաձգելու ձևական կողմն ապահովեն։
Տեղին է հիշեցնելը, որ հունիսի 23-ին Երևանի ավագանու «Մայր Հայաստան» խմբակցության անդամների վրա նիստի ժամանակ ոհմակային հարձակում կազմակերպվեց ՔՊ-ի կողմից, ինչը ողջունվեց և արդարացվեց քաղաքացի Նիկոլ Փաշինյանի կողմից։
Այս ամենը ցույց է տալիս, որ «Մայր Հայաստանը» թուրք- ադրբեջանական օրակարգ սպասարկող օրվա իշխանության գլխավոր թիրախներից և ընդդիմախոսներից մեկն է։
Նիկոլ Փաշինյանը և նոր ձևավորված խորհրդարանի ՔՊ-ական մեծամասնությունը լեգիտիմ չեն, իշխանությունը վերարտադրել են աննախադեպ ընտրակեղծիքներով, որոնց աշխարհաքաղաքական հովանավորներից մեկն այս օրերին շարունակում էր գեբելսաբարո ձևով խաբել ՀՀ քաղաքացիներին և Հայաստանը տանել աշխարհաքաղաքական կառափնարան։
Ի դեպ, աննախադեպ ընտրակեղծիքների մասին։ ՀՀ-ում ընտրակեղծիքներ եղել են բոլոր իշխանությունների ժամանակ, բայց Նիկոլ Փաշինյանական ընտրակեղծիքներն աննախադեպ էին այն առումով, որ բացի ներքին ռեսուրսներից, իշխանական լծականերից կիրառվեցին նաև արտաքին ռեսուրսներ։ Ընտրակեղծիքների գաղափարական, տեխնոլոգիական և քարոզչական հովանավորներ դարձան և ընտրություններին ուղղակիորեն միջամտեցին Թուրքիան, Ադրբեջանը, Ֆրանսիայի նախագահը, ԵՄ չինովնիկները։
Բնականաբար՝ Նիկոլ Փաշինյանի օգտին։ Հիմա այդ աջակցության գինը նրանից պահանջում են։ Նա էլ վճարում է՝ հայ ժողովրդի հաշվին։
Հայաստանակենտրոն քաղաքական ուժերի, հասարակական կազմակերպությունների, մեր երկրի ապագայով մտահոգ քաղաքացիների խնդիրը Հայաստանի ուկրաինացումը, մոլդովացումը թույլ չտալն է, ՀՀ կառավարման համակարգի ադրբեջանականացմանը դիմադրելն է, Սահակաշվիլու, Զելենսկու և Սանդուի տնաբույծ խառնուրդի բռնապետական քայլերի դեմն առնելն է, «արևմտյան Ադրբեջան» նախագծի իրագործումը մերժելն է։
Դրսի ուժերի թելադրանքով առաջնորդվելն ու Արևմուտքի «պատերազմի» կուսակցության մանրադրամային հանձնարարականները կատարելը Նիկոլ Փաշինյանին դարձնում են վտանգավոր և է՛լ ավելի հայաստանատյաց։ Այդ ամենի տակից դուրս գալու համար Նիկոլ Փաշինյանին անհրաժեշտ են քաղաքական դաշտի անասնաֆերմայացում, Օրուելի «1984»-ում նկարագրված տեղեկատվական միջավայր, խոսքի ազատության ոչնչացում, քաղաքականությամբ զբաղվելու քրեականացում։
Նիկոլ Փաշինյանը գիտի, թե ինչ են իրենից պահանջում Էրդողանը, Ալիևը, Մակրոնը, Ուրսուլան․․․ Գիտի, թե ինչի է դա հանգեցնելու, բայց գնում է այդ ճանապարհով, քանզի իր անձի փրկության այլ տարբերակ չունի։ Դրա համար էլ անցել է ահաբեկչության և բռնաճնշումների։ Ուրսուլաները նրան հենց դրա համար են սատարում, այլ ոչ թե մտահոգված են հայ գյուղացու և մեր տնտեսության խնդիրներով։
Մենք պետք է լավ հասկանանք, որ մեր ներքաղաքական հակառակորդը նենգ է, վախեցած, գերմոտիվացված, կրկնահանցագործի հոգեվիճակով, դրսի ուժերի ամբողջական վերահսկողության և պատվերների տակ կքած։ Իսկ դա նշանակում է, որ քաղաքական դաշտում «ֆիդայականությունը» պետք է փոխարինվի «կանոնավոր բանակով», ապաքաղաքական կամ հակաքաղաքական քայլերը՝ քաղաքականով, «լիրիկան»՝ ռացիոնալիզմով, էգոիզմը՝ մենքակենտրոնությամբ։
Չսպանված արջի մորթին կիսելու մտածողությունը շատ վատ արդյունքների կբերի։ Ուրեմն ճիշտ հետևությունների ահրաժեշտություն կա։
Եթե այս ամենի խորքային ընկալում չլինի, ապա արդեն էական չէ, թե ով որքան տոկոս ստացավ կամ չստացավ ԱԺ-ում կամ, այդ ստացած տոկոսներով պայմանավորված, մանդատները կվերցնի՞, թե՞ չի վերցնի։
Ստեղծված իրավիճակում բոլոր ողջամիտ ուժերը պետք է մեկտեղեն իրենց ջանքերը։ Եթե ոմանց թվա, թե հետապնդում են ու հարձակվել են «Մայր Հայաստանի» կամ այլ ուժի դեմ և դա իրենց չի վերաբերում, ապա չարաչար կսխալվեն։ Վաղը, երբ բոլորի տները կխուզարկեն և բոլորին կկալանավորեն, արդեն չի լինի մեկը, ով կպայքարի իրենց և մեր երկրի համար։
Սա առանձին վերցրած հարձակում չէ մեր Եկեղեցու, Վեհափառի, հարգարժան հոգևորականների, «Մայր Հայաստանի», ԲՀԿ-ի, ՀՅԴ-ի, «Ուժեղ Հայաստանի», «Հայաքվեի», Ավետիք Չալաբյանի, Արթուր Սարգսյանի, Արմեն Աշոտյանի, Ալեն Ղևոնդյանի, Երվանդ Բոզոյանի, Արեգնազ Մանուկյանի, Դավիթ Ղազինյանի, իմ կամ մյուս քաղբանտարկյալների դեմ։ Սա համակարգված և լայնամասշտաբ հանձակում է բոլորիս դեմ, քանզի նախապատրաստվում են լայնամասշտաբ զիջումներ և աննախադեպ դավաճանություն։
Այս պահին կենտրոնացել են Գագիկ Ծառուկյանի վրա։ Խուզարկության շոու են
կազմակերպում։ Վաղն անցնելու են մյուսներին։
Նիկոլ Փաշինյանը Հայաստանն այնպիսի վտանգավոր խաղի մեջ է մտցրել, որ Արցախի ճակատագրի կրկնությունը մեզ համար կարող է ավելի վատ տարբերակով լինել։ Հայ գյուղացիներին գեղեցիկ փաթեթավորված սուտ խոստումներ տվող ուրսուլաները դրանից հետո առավելագույնը կարող են հայ փախստականների համար վրանների և երկրորդ թարմության գումարային փշրանքներ հատկացնել։ Կամ՝ դա էլ չեն անի։
Եվ այսպես, մենք պետք է բացառենք հատվածականությունը, մանր կոնյուկտուրային մոտեցումները և ճիշտ եզրահանգումներ անենք։Հետո ուշ կլինի։
Օգտվելով դասականի ձևակերպումից՝ եզրափակեմ խոսքս․ մի՛ հարցրու, թե ում համար են ղողանջում զանգերը, քանի որ դրանք ղողանջում են հենց քեզ համար», - ասվում է Անդրանիկ Թևանյանի ուղերձում։
Հիշեցնենք, որ Անդրանիկ Թևանյանը ձերբակալվել էր 2026 թվականի մայիսի վերջին՝ այն բանից հետո, երբ Կենտրոնական ընտրական հանձնաժողովը բավարարեց նրա նկատմամբ քրեական հետապնդում հարուցելու վերաբերյալ Գլխավոր դատախազության միջնորդությունը: Քաղաքական գործիչը մեղադրվում է օտարերկրյա կողմին պետական գաղտնիք պարունակող տեղեկություններ փոխանցելու մեջ։ Ինքը ՝ Թևանյանը, հերքում է մեղադրանքները ՝ քրեական գործը որակելով քաղաքական դրդապատճառներով։ Վերջին օրերին իրավապահ մարմինները խուզարկություններ են իրականացրել նաև "Մայր Հայաստան" կուսակցության մի շարք ներկայացուցիչների, այդ թվում ՝ վարչության անդամներ Երվանդ Բոզոյանի և Արեգնազ Մանուկյանի մոտ:
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Թուրքագետ. Ադրբեջանը երբեք, ոչ մի պարագայում չի դադարի հայ ժողովրդի վրա ճնշում գործադրելուց
Քաղաքագետ. Մենք պետք է հեռանանք «երբ» հարցից և այն փոխարինենք ավելի կարևոր հարցերով
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
