"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան

Արմինֆո.  "Ուժեղ Հայաստան" դաշինքն ավելի մանրամասն հայտարարությամբ հանդես կգա իրական հաշվարկներն ու հաշվետվություններն ավարտելուց հետո: Այդ մասին տեսաուղերձում հայտարարել է "Ուժեղ Հայաստան" կուսակցության անդամ Նարեկ Կարապետյանը։

Ընդ որում, նա շնորհակալություն է հայտնել բոլոր այն քաղաքացիներին, ովքեր իրենց ձայնը տվել են "Ուժեղ Հայաստանի" օգտին, ինչպես նաև այն համակիրներին, ովքեր, նրա խոսքով, ապօրինի ձերբակալվել են մեկ նպատակով, որպեսզի իշխող "Քաղաքացիական պայմանագիր" կուսակցությունը կարողանա ընտրական գործընթացի ընթացքում իրագործել իր ծրագրերը:

Նշենք, որ ԿԸՀ ներկայացրած քվեարկության արդյունքների համաձայն,  Սամվել Կարապետյանի "Ուժեղ Հայաստան" դաշինքը ստացել է 23,29 տոկոս կամ 340 062 ձայն: Նիկոլ Փաշինյանի իշխող "Քաղաքացիական պայմանագիր" կուսակցությունը ստացել է 49,81 տոկոս կամ 727 160 ձայն, երկրորդ նախագահ Ռոբերտ Քոչարյանի "Հայաստան" դաշինքը՝ 9,94 տոկոս կամ 145 097 ձայն, գործարար Գագիկ Ծառուկյանի "Բարգավաճ Հայաստան" կուսակցությունը՝ 4 տոկոս կամ 58 368 ձայն:

Մյուս թեկնածուների արդյունքները ցածր են կուսակցությունների համար անհրաժեշտ 4 տոկոս, դաշինքների համար՝ 8-10 տոկոս անցողիկ շեմից։ Ընտրություններին մասնակցությունը կազմել է 58,97 տոկոս