Կոնստանտին Զատուլին․ Փաշինյանի հետ արեւմտյան առաջնորդների ողջ հանդիպումը "մերված էր" միայն "Հայաստանը Ռուսաստանից պոկելու համար պայքարում" նրան աջակցելու ցանկությամբ

Արմինֆո.Ֆրանսիայի նախագահ Էմանուել Մակրոնը, որը խրախուսում է Հայաստանի հրաժարումը Ռուսաստանի "կայսերական" հովանավորությունից, ինքն իրեն պահում է որպես իր երկրի կայսերական անցյալի ժառանգորդ՝ ցանկանալով "բոլորին սովորեցնել"։ RTVI-ի հետ զրույցում  նման կարծիք է հայտնել Ռուսսատանի Պետդումայի ԱՊՀ գործերի հանձնաժողովի նախագահի առաջին տեղակալ Կոնստանտին Զատուլինը: Այդ մասին նյութը հրապարակված է "Լազարյան ակումբի" պաշտոնական էջում:

«Կար ժամանակ, երբ Ֆրանսիան ինքն իրեն կայսրություն էր համարում, և այդ ժամանակը վաղուց անցել է: Այնուամենայնիվ, բոլորին սովորեցնելու, խրատելու եւ գերիշխելու ցանկությունը, իրականում, պահպանվել է, համենայնդեպս, Ֆրանսիայի նախագահի մոտ, որն իր պաշտոնը թողնում է հաջորդ տարի", - հայտարարել է նա ։ Խորհրդարանականը "անեկդոտ" է որակել Մակրոնի Երեւանում գտնվելը Եվրոպական քաղաքական համայնքի գագաթնաժողովի եւ Հայաստան-ԵՄ առաջին գագաթնաժողովի շրջանակներում:

«Նա երգեց Շառլ Ազնավուրի երգը թմբուկի նվագակցությամբ, որի վրա նվագում էր [Հայաստանի վարչապետ] Նիկոլ Փաշինյանը, նա Երևանում վազքի ժամանակ շոյեց շներին։ Իրականում, մարդկանց ներկայությամբ վազելը դառնում է օտարերկրյա մայրաքաղաքների վրա տպավորություն թողնելու Մակրոնի  գլխավոր միջոցը", - ասել է Զատուլինը։

Գագաթնաժողովում եւ «Երևանյան երկխոսություն» համաժողովում իր ելույթներում Ֆրանսիայի ղեկավարը «չափազանց շատ բառեր արտասանեց», - շարունակել է ռուսաստանցի պատգամավորը: Նա կարծում է, թե Մակրոնի գլխավոր ցանկությունն էր ապացուցել, որ Ռուսաստանի հետ Հայաստանի համագործակցությունն այսուհետեւ միանգամայն անիմաստ է, քանի որ «Ռուսաստանի տեղն եկել է իսկական Եվրոպան՝ ի դեմս նրա և ի դեմս Եվրոպական միության նրա գործընկերների»։

"Նրանք ողջունում են, օրինակ, Ադրբեջանի եւ Երեւանի միջեւ ապրանքաշրջանառության զարգացումը եւ դրա մասին խոսում են որպես մի գործի, որում իրենք պատրաստ են միջնորդել եւ օգնել, ընդ որում, ոչ մի կիլոգրամ ֆրանսիական ապրանք այդ ճանապարհներով ոչ ոք չի ուղարկում", - նշել է Դումայի կոմիտեի ղեկավարի առաջին տեղակալը:

Նա նաև հիշատակել է, որ եվրոպական առաջնորդները "մեծ հաճույքով" Փաշինյանի կառավարության հետ համաձայնագիր են ստորագրել Հայկական ԱԷԿ-ը շահագործումից հանելու մասին։ Խոսքը Մեծամորի (հայկական) ԱԷԿ-ի մասին է, որը կառուցվել է խորհրդային տարիներին և կոնսերվացվել 1988թ․ Սպիտակի երկրաշարժից հետո։ 1995 թվին կայանի երկու էներգաբլոկներից մեկը վերագործարկվել է։ Այն մնում է Հարավային Կովկասում գործող միակ ԱԷԿ-ը և արտադրում է երկրի էլեկտրաէներգիայի, միջին հաշվով, 30-40 տոկոսը ։ Կայանի շահագործումը երկարաձգվում է "Ռուսատոմ Սերվիս" ընկերության հետ համագործակցության շնորհիվ: Զատուլինի խոսքով՝ Հայկական ԱԷԿ-ի արդյունավետությունը նշելու փոխարեն, որը միակ էներգաբլոկով ապահովում է երկրի կարիքների մեկ երրորդը, Արեւմուտքի ներկայացուցիչները "հեքիաթներ են պատմում հայ ժողովրդին":

Ռուս պատգամավորը հիշեցրել է, որ ԱՄՆ փոխնախագահ Ջեյ Դի Վենսը փետրվարին Երեւան կատարած իր այցի ընթացքում խոստացել էր "մի ամբողջ միլիարդ դոլարի" փոքր մոդուլային ռեակտորների մատակարարում: Սակայն առայժմ այդ ռեակտորները գոյություն ունեն միայն թղթի վրա, "մինչ այժմ ոչ մի փորձարկում, ոչ մի նմուշ գոյություն չունի", -ընդգծել է նա:

«Այս ոգով, իհարկե, կարելի է գլուխներ արդուկել: Ընդ որում,<: > ոչ այդ բաղձալի առանց վիզայի ռեժիմ, որի մասին երազում էին, ոչ էլ Եվրամիությանն անդամակցություն (այդ մասին օրենքը Փաշինյանը խորհրդարանում անց է կացրել 2025 թվականի մարտին), դրանցից ոչինչ չկա։ Փոխարենը՝ խոսքեր, խոսքեր, խոսքեր,  գրկախառնություններ, համբույրներ, համերաշխության ցուցադրում, Ռուսաստանի հիբրիդային սպառնալիքների դեմ պայքարում բլիթների համար գումարի հատկացում և այլն, և այլն", - նշել է Զատուլինը։ Նա նաեւ ուշադրություն է հրավիրել այն հանգամանքին, որ Երեւանում Եվրագագաթնաաժողովի ընթացքում չեն բարձրացվել Լեռնային Ղարաբաղից փախստականների կամ Հայաստանում Հայ Առաքելական Եկեղեցու դեմ իրականացվող "քաղաքական բռնաճնշումների" թեմաները: Դա համաժողովի մասնակիցները, պարզապես, չեն նկատել, ասել է RTVI-ի զրուցակիցը։

"Ըստ էության, ոչ Հայաստանի անվտանգության, ոչ Հայաստանի խնդիրների լուծման մասին, որոնք կապված են ներքին եւ արտաքին քաղաքականության ձախողման, Լեռնային Ղարաբաղի պատմական հողերի կորստի հետ, որոնցից ստիպված էր հեռանալ ողջ բնակչությունը, ոչինչ, այդ մասին ոչ մի խոսք չի ասվում։ Բայց պարոն Մակրոնը, որպես նորագույն պատմության ականավոր մասնագետ, սկսել է դատողություններ անել այն մասին, որ Ռուսաստանը Հայաստանին օգնություն չի ցուցաբերել։ Իսկ ինչ է, Ֆրանսիան Հայաստանին որևէ օգնություն ցուցաբերե՞լ է  երբևէ՝ որևէ պատերազմական իրավիճակում, ինչ՝ հիմա, ինչ՝ 100 տարի առաջ» - հարց է տվել Զատուլինը։

Նա հետեւություն է արել, որ Փաշինյանի հետ արեւմտյան առաջնորդների ամբողջ հանդիպումը "մերված էր" միայն "Հայաստանը Ռուսաստանից պոկելու համար պայքարում" եւ հունիսի 7-ի խորհրդարանական ընտրություններին ընդառաջ նրան աջակցելու ցանկությամբ:

«Այս է ամենը։ Իրենք՝ այցելուները, համենայն դեպս, նրանցից ոմանք, որոշեցին արագ Երեւանից հասնել Բաքու, որտեղ ասում են այն նույն բառերը, միայն՝ արդեն Ադրբեջանի նկատմամբ», - եզրափակել է Կոնստանտին Զատուլինը: