Արմեն Ռուստամյան. եթե Ռուսաստանի հետ հարաբերությունները չեն վատացել, ապա ինչու՞ ՌԴ նախագահը տեսախցիկի առջեւ հայտարարեց Հայաստանի համար ՌԴ-ի հետ հարաբերությունների վատթարացման հետևանքների մասին

Արմինֆո. Հանուն իրենց իշխանության պահպանման՝ նրա ներկայացուցիչները հերթական անգամ մանևրում են Արևմուտքի և Ռուսաստանի միջև, երբ պետք է՝ նրանք դառնում են արևմտամետ, երբ պետք է՝  ռուսամետ։ Այդ մասին  ապրիլի 16-ին լրագրողների հետ զրույցում հայտարարել է ԱԺ ընդդիմադիր "Հայաստան" խմբակցության պատգամավոր Արմեն Ռուստամյանը։

Նրա խոսքով՝ նրանք իրենց առջև խնդիր են դնում ընդունելի լինել բոլոր կողմերի համար, բայց պետք է, այնուամենայնիվ, գնահատել անցած ուղին և այդ ճանապարհին կատարված գործողությունները: Օրինակ,  2021 թվականին նրանք գնում էին ընտրությունների՝ խաղարկելով այն թեզը, թե գալիս են պաշտպանելու ՌԴ նախագահ Վլադիմիր Պուտինի ստորագրությունը 2020 թվականի նոյեմբերի 9-ի հայտարարության ներքո։ "Բայց մենք բոլորս տեսանք, թե ինչ են նրանք թողել այդ հայտարարությունից։ Այժմ նրանք պնդում են, որ ռուսական շահերի ամենահուսալի պաշտպաններն են", - նշել է Ռուստամյանը, հավելելով, որ, պարզապես, անհամատեղելի են երկրի իշխանությունների հայտարարությունները նրամց իսկ գործողությունների հետ։

Ռուստամյանը նշել է, որ հարաբերությունների դեպքում դեպի Արևմուտք և Ռուսաստան վեկտորներն այնքան են շեղվել, որ դժվար թե հաջողվի տեղավորվել այդ սխեմայի մեջ: "Եթե Ռուսաստանի հետ հարաբերությունները չեն վատացել, ապա ինչու՞ ՌԴ նախագահը տեսախցիկի առջեւ հայտարարեց Հայաստանի համար ՌԴ-ի հետ հարաբերությունների վատթարացման հետևանքների մասին։ Իշխանությունները բոլոր հարթակներում ընդդիմության մասին խոսում են՝ որպես կրեմլյան գործակալների, ուստի եվրոպական կառույցները աչք են փակում մարդու իրավունքների խախտումների վրա, քանի որ կարծում են, թե դա տեղի է ունենում, իբր, կրեմլյան գործակալների նկատմամբ։ Նույնը տեղի ունեցավ Եկեղեցու դեպքում", - նշել է Ռուստամյանը։