Արմինֆո. Բրյուսելում ԵՄ դեսպաններն այսօր հավանություն են տվել Հայաստան նոր քաղաքացիական առաքելություն ուղարկելու որոշմանը։ Այս մասին գրում է «Ազատություն» ռադիոկայանի հայկական ծառայությունը՝ ընդգծելով, որ այս որոշումը ճանապարհ է հարթում վերջնական հաստատման համար, որն ակնկալվում է հաջորդ շաբաթ կայանալիք ԵՄ արտաքին գործերի նախարարների հանդիպման ժամանակ։
Աղբյուրը գրում է, որ իր տրամադրության տակ ունի ԵՄ արտաքին գործերի և անվտանգության քաղաքականության գերագույն հանձնակատարի առաջարկը՝ առաքելության մանդատի, կառուցվածքի և ժամկետների վերաբերյալ։ Ըստ փաստաթղթի՝ առաքելությունը կամրապնդի Հայաստանի դիմակայունությունը հիբրիդային սպառնալիքների նկատմամբ՝ տրամադրելով ռազմավարական, գործնական խորհրդատվություն և աջակցություն նախարարություններին ու անվտանգության մարմիններին։
«Այս խորհրդատվությունները կկենտրոնանան քաղաքականության մշակման, տեղեկատվական արտաքին մանիպուլյացիաների, կիբերհարձակումների, ինչպես նաև անօրինական ֆինանսական հոսքերի հայտնաբերման և դրանց արձագանքման վրա։ Առաքելությունը նաև կգնահատի, թե ինչ է անհրաժեշտ Հայաստանի անվտանգային կարողությունների զարգացման համար, որպեսզի երկիրը կարողանա ավելի արդյունավետ կերպով հայտնաբերել հիբրիդային սպառնալիքները և արձագանքել դրանց՝ ԵՄ մեթոդաբանություններին և չափանիշներին համապատասխան»,- ասված է հրապարակման մեջ։
Ավելի վաղ առաքելության անհրաժեշտությունը հիմնավորող փաստաթղթում ԵՄ արտաքին գործերի նախարարությունը հայտարարել էր, որ հունիսին կայանալիք խորհրդարանական ընտրությունները Հայաստանում, դրան հաջորդող տեղական ընտրությունները, ինչպես նաև հնարավոր սահմանադրական հանրաքվեն վճռորոշ փորձություն կդառնան ոչ միայն ներքին կայունության, այլև տարածաշրջանային խաղաղության համար։ «Մի քանի տարի առաջ Բաքուն քննադատում էր Հայաստանում՝ իր սահմանին, անզեն եվրոպացի դիտորդների տեղակայման որոշումը և ի վերջո հասավ իր նպատակին՝ Հայաստանի հետ խաղաղության պայմանագրում հստակ ամրագրելով, որ ընդհանուր սահմանին երրորդ երկրների ուժեր չեն տեղակայվի։ Այժմ, Հայաստան նոր առաքելություն ուղարկելով, Բրյուսելն ընդգծում է, որ իր նպատակն է «կրճատել և չեզոքացնել Ռուսաստանի ապակայունացնող գործողությունները»»,- գրում է աղբյուրը։
Հիշեցնենք, որ ավելի վաղ «Ազատություն» ռադիոկայանը հայտնել էր, որ իրենց տրամադրության տակ է հայտնվել Հայաստանի արտաքին գործերի նախարար Արարատ Միրզոյանի նամակը Բրյուսելին, որտեղ նա «խնդրում էր արագ արձագանքման խումբ ուղարկել Երևան՝ խորհրդարանական ընտրություններում կրեմլյան ապատեղեկատվությանը և ռուսական միջամտությանը հակազդելու համար, իսկ այնուհետև, հնարավոր է, նաև ավելի մշտական քաղաքացիական առաքելություն»։ Այս կապակցությամբ հիշեցվում էր, որ ԵՄ-ն նմանատիպ՝ մոտ 20 հոգանոց խումբ էր ուղարկել Քիշնև անցյալ տարվա խորհրդարանական ընտրությունների ժամանակ, «որպեսզի օգնի մոլդովական իշխանություններին հայտնաբերել և հակազդել սոցիալական ցանցերում Ռուսաստանից եկող ապատեղեկատվությանը»։ Հավելենք, որ ավելի վաղ ԵՄ գլխավոր դիվանագետ Կայա Կալասը հայտարարել էր Հայաստանին 15 մլն եվրո հատկացնելու մասին՝ «ռուսական քարոզչությանը հակազդելու համար»։
Քաղաքագետ․ Ձայների իրական վերահաշվարկը Փաշինյանին կզրկի ցանկացած տեսակի սահմանադրական մեծամասնությունից
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Արդարադատության նախկին նախարարն ընդդիմությանը կոչ է արել նոր խոստումների փոխարեն ազնվորեն և հիմնավորված պատասխանել Հայաստանի քաղաքացիներին հուզող մի շարք հարցերի
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
