ՀՀ քննչական կոմիտեում քրեական գործ են հարուցել զինծառայողի մահվան փաստի առթիվ՝ ինքնասպանության հասցնելու հատկանիշներով

Արմինֆո. Հայաստանի ՊՆ-ում հաստատել են ՀՀ Զինված ուժերի զինծառայող Նարեկ Հակոբյանի մահվան փաստը ՝ ողբերգության մասին մանրամասներ չներկայացնելով: Իսկ Հայաստանի Քննչական կոմիտեում քրեական գործ է հարուցվել ինքնասպանության հասցնելու հոդվածի հատկանիշներով։

"Ապրիլի 14-ին մահացել է զինծառայող Նարեկ Արշակի Հակոբյանը։ Դեպքի բոլոր հանգամանքները պարզելու համար կատարվում է քննություն: Պաշտպանության նախարարությունը ցավակցում և իր զորակցությունն է հայտնում զինծառայողի հարազատներին, մերձավորներին և ծառայակիցներին", - սոցիալական ցանցերում գրել է ՀՀ ՊՆ մամուլի քարտուղար Արամ Թորոսյանը:

Միեւնույն ժամանակ, ՀՀ քննչական կոմիտեի մամուլի ծառայությունից հաղորդել են, որ ապրիլի 14-ին քրեական վարույթ է նախաձեռննվել ՀՀ քրեական օրենսգրքի 523-րդ հոդվածի 1-ին մասով (զինծառայողին ինքնասպանության հասցնելը): "Նշանակվել են փորձաքննություններ։ Կատարվում է նախաքննություն       ՝  միջադեպի բոլոր հանգամանքները պարզելու համար", - հայտարարել են գերատեսչությունում։

Նշենք, որ ապրիլի 14 - ին հայկական ԶԼՄ-ներում տեղեկատվություն էր տարածվել, որ ՀՀ ԶՈՒ ժամկետային զինծառայող 19-ամյա Նարեկ Հակոբյանը վիրավորվել է ՀՀ ՊՆ Նուբարաշենի զորավարժարանում և մահացել «Մուրացան» զինվորական հոսպիտալ տեղափոխելու ճանապարհին: