Արմինֆո. Հարավային Կովկասում նոր ստատուս-քվո է, Ռուսաստանի բացառիկ ազդեցությանը մարտահրավեր է նետված, և հնարավոր է, որ այդ բացառիկությունը ինչ-որ չափով կորսվի։ Այդ մասին հայտարարել է պատմական գիտությունների թեկնածու, Ռուսաստանի ԱԳՆ ՄԳԻՄՕ Միջազգային հետազոտությունների ինստիտուտի Եվրաատլանտյան անվտանգության կենտրոնի առաջատար գիտաշխատող Սերգեյ Մարկեդոնովը "Հետխորհրդային պետությունները. նոր դերի որոնում փոփոխվող աշխարհում" թեմայով Մոսկվա-Մինսկ-Երեւան-Տաշքենդ տեսակամրջի ժամանակ։
"Մենք տեսնում ենք տարբեր խաղացողների ակտիվացում և Հայաստանի իշխանությունների փորձերը, ինչպես իրենց է թվում, հեջավորել ռիսկերը։ Բայց, հավանաբար, հեջավորման այդ փորձերը կարելի էր արդարացնել, ասելով, որ դա ազգային իրավունք է, սակայն երբ դու ինչ-որ բան ես անում, պետք է հասկանաս, թե ինչ հնարավորությունների միջանցք ունես", - նշել է Մարկեդոնովը։
Այդ առումով նա արձանագրել է, որ 2022 թվականի վերջին, երբ Ռուսաստանն ուկրաինական ճակատում բարդ ժամանակներ էր ապրում, Հայաստանն՝ ինքն էլ էր բարդ իրավիճակում, Հայաստանի ղեկավարությունում համարել են, որ ՌԴ - ն արդեն "հեռացող է"։
"Հիանալի է, բայց եկեք տեսնենք, թե ինչ է իրականում: Ասում են, որ Հայաստանը ցանկանում է անդամակցել ԵՄ - ին, բայց միթե՞ նրան այնտեղ կանչում են", - նշել է փորձագետը, հավելելով, որ ԵՄ-ը Հայաստանի պարագաայում, ի տարբերություն Վրաստանի կամ Մոլդովայի ու Ուկրաինայի, նույնիսկ թեկնածության հարց չունի։
"Համեմատենք Հայաստանի ապրանքաշրջանառությունը Ռուսաստանի հետ, Եվրասիական տնտեսական միության և ԵՄ-ի հետ։ Մենք կտեսնենք ակնհայտ տարբերություն հօգուտ ՌԴ-ի և ԵԱՏՄ-ի։ Ուստի, ես չէի ասի, որ հայկական ընդդիմության հայտարարությունները բնավ սթափության կոչ չեն։ Նա մտավախություն ունի, որ խզումը կհանգեցնի ծայրահեղ բացասական հետևանքների", - նշել է Մարկեդոնովը, թվարկելով այն օգուտի կոնկրետ օրինակներ, որը ստանում է Հայաստանի տնտեսությունը ռուսական բիզնեսի գործունեությունից։
"Եվ երբ հարցնում են, թե ինչ կարող է տալ Ռուսաստանը Հայաստանին, Ռուսաստանն արդեն տալիս է՝ մասշտաբային տնտեսական, առեւտրային, էներգետիկ համագործակցության տեսքով", - հիշեցրել է Մարկեդոնովը։
Ընդ որում, փորձագետը կարևորել է Ռուսաստանի որոշ պաշտոնատար անձանց հարգալից վերաբերմունքը Հայաստանի նկատմամբ: Նրա խոսքով՝ պետք է ոչ միայն հիշեցնել Ռուսաստանի կարևորության մասին, այլև՝ հենց Ռուսաստանի շահագրգռվածության մասին Հայաստանի հետ հարաբերություններում: "Ռուսաստանի և Հայաստանի համար կարևոր է պրագմատիզացնել հարաբերությունները։ Դրանք այսօր այլ են, դրանք չեն լինի նախկինի նման։ Բայց այլը չի նշանակում թշնամական: Փոխել հարաբերությունները, փոխակերպել դրանք, չի նշանակում թշնամիներ դառնալ", - հավելել է Մարկեդոնովը։
Միաժամանակ, նա համոզմունք է հայտնել, որ հայ-ռուսական հարաբերություններում այսօր ավելի լավ է շարժվել ոչ հրապարակային ճանապարհով, որպեսզի հույզերով միմյանց ավելորդ բաներ չասել։
Միեւնույն ժամանակ, անդրադառնալով Հայաստանում սպասվող ընտրական գործընթացներին, ռուս փորձագետը վստահեցրել է, որ Ռուսաստանն այստեղ յուրայիններ չունի: "Հաճախ հարց են տալիս․ ո՞վ է Ռուսաստանի թեկնածուն Հայաստանում։ Հայաստանն է Ռուսաստանի թեկնածուն։ Ռուսաստանի համար կարևոր է Հայաստանը։ Հայաստանի ժողովուրդն ընտրելու է իր մարդուն, ում հարկ կհամարի։ Եվ դա շատ ավելի արդար և ճիշտ մոտեցում է, քան ինչ-որ մեկին նշելն ու ասելը․ "Սա մեր մարդն է": Շատ ավելի կարևոր է մոտեցումը, երբ հարաբերություններ են պետք երկրի հետ, այլ ոչ թե՝ որոշակի քաղաքական դեմքի", - ասել է փորձագետը։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
