Նորանշանակ վարչապետ Հովիկ Աբրահամյանը «Դեմ եմ» նախաձեռնության մասնակիցներին խոստացել է մինչև հուլիսի վերջը ներկայացնել կենսաթոշակային բարեփոխումների առնչությամբ  ընդունելի լուծում` բոլոր կողմերի համար:

«ՎՏԲ-Հայաստան Բանկը» 2013 թվականին արձանագրել է ավտովարկավորման ամենաինտենսիվ աճը Հայաստանի բանկերի շրջանում: Անցած տարի բանկի ավտովարկերի պորտֆելի աճը գերազանցել է 70%-ը, իսկ բացարձակ մեծությունը`  3.4 մլրդ դրամը:

«Դեմ եմ» նախաձեռնությունը հրաժարվել է բանակցություններ սկսել վարչապետ Հովիկ Աբրահամյանի հետ` պարտադիր կուտակային կենսաթոշակային համակարգի շուրջ:

ՀՀ Էկոնոմիկայի նախարար Վահրամ Ավանեսյանը հերքել է նախօրեին իր արած հայտարարությունը, թե Հայաստանն ապրիլի 29-ին Մինսկում Եվրասիական տնտեսական բարձրագույն խորհրդի նիստի ժամանակ ստորագրելու է Մաքսային միությանն անդամակցելու վերաբերյալ պայմանագիրը:

 «Մենք շատ ուրախ կլինենք, եթե Հայաստանը չմտնի Մաքսային միություն»,-այս մասին Երևանում լրագրողներին հայտարարել է Եվրախորհրդարանի պատգամավոր, Եվրոպական ժողովրդական կուսակցության խմբակցության անդամ Ֆրանկ Էնգելը:

Տուրիստական սեզոնին ընդառաջ «Առէկսիմբանկ-Գազպրոմբանկի խումբ» ՓԲԸ-ն առաջարկում է զեղչեր և անվճար պլաստիկ քարտեր: Ակցիայի շրջանակներում ճանապարհորդական ապահովագրության փաթեթ գնող  հաճախորդներին Բանկը տրամադրում է 1 տարի ժամկետով MasterCard Gold և VISA Gold տեսակի ոչ չիպային  վճարային քարտ` առանց սպասարկման վճարի:

 Հայաստանի Հանրապետական կուսակցությունը 1998 թվականից հետո առաջին անգամ նոր կառավարությունը կձևավորի միանձնյա: Այս մասին ՀՀԿ Գործադիր մարմնի նիստից հետո հայտարարել է կուսակցության մամուլի քարտուղար Էդուարդ Շարմազանովը:

 Պոդոլսկի մոտ երթուղային ավտոբուսի մասնակցությամբ վթարի մեջ մեղադրվող ՀՀ քաղաքացի Հրաչյա Հարությունյանը Մոսկվայի Տրոիցկի դատարանում ընդունել է իր մեղքը: Այս մասին է հաղորդում ԻՆտերֆաքս գործակալությունը:

ՎՏԲ-Հայաստան Բանկը վերագործարկեց Սևանի, Մարտունու և Վարդենիսի իր մասնաճյուղերը, որոնք գտնվում են ք. Սևան, Սարգիս Սևանցու 11, ք. Մարտունի, Մյասնիկյան 47/1, ք. Վարդենիս, Ռոմանի 7 հասցեներով:

ՎՏԲ-Հայաստան Բանկը ապրիլի 17-ից հուլիսի 30-ը հայտարարում է նոր ակցիա ավանդների վերաբերյալ «Տոկոսները սկզբում»: Ակցիայի շրջանակներում բոլոր հաճախորդներին, որոնք կբացեն ՀՀ դրամով ավանդ «ՎՏԲ-Հեռանկար+» նվազագույնը 100 000 դրամով, տոկոսները կվճարվեն ավանդի բացման պահին: Այն կարելի է բացել 180 կամ 365 օրով տարեկան առավելագույնը 12.5% տոկոսադրույքով: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ՎՏԲ-Հայաստան Բանկում ավանդ բացած բոլոր հաճախորդները կարող են ստանալ VISA միջազգային վճարային համակարգի պլաստիկ քարտ, ինչպես նաև վարկ/վարկային գիծ ավանդի գումարի 100% ապահովմամբ: Ավանդը կարող են բացել ֆիզիկական անձինք ՀՀ ռեզիդենտ և ոչ ռեզիդենտները ՀՀ դրամով:

Ժողովրդավարական Արցախը երբեք սուլթանական Ադրբեջանի մաս չի դառնա, մամուլի ասուլիսի ժամանակ այդպիսի կարծիք է հայտնել թուրքագետ Ռուբեն Մելքոնյանը` մեկնաբանելով Ադրբեջանի ԱԳՆ ղեկավար Էլմար Մամեդյարովի հայտարարությունը: Վերջինս, մասնավորապես, հայտարարել է, որ Ադրբեջանը պատրաստ է ինքնավարության ամենաբարձր մակարդակ տրամադրել Լեռնային Ղարաբաղին:

 Ձերբակալված ազատամարտիկ Վոլոդյա Ավետիսյանը համախմբվելու և ներքին թշնամու դեմ պայքարելու կոչ է արել հայ ժողովրդին: 

Բոլորիս ցանկությունն է, որպեսզի փոքր և միջին բիզնեսի համար ստեղծենք շատ բարենպաստ պայմաններ և բարենպաստ հարկային դաշտ, այսօր կառավարության նիստում հայտարարել է ՀՀ վարչապետ Հովիկ Աբրահամյանը:

ՙԱրմենՏել՚ ՓԲԸ (ապրանքանիշը Beeline) SPB TV ընկերության հետ համատեղ հայտարարում են IPTV ծառայության գործարկման մասին։ Ծառայությունը հասանելի է Հայաստանի բոլոր քաղաքներում և 30–ից ավել փոքր բնակավայրերում։  

Կմիանա արդյոք ՙՕրինաց երկիրը՚  ոչ իշխանական խորհրդարանական ՙքառյակին՚, դժվար է ասել: Այս հարցին պետք է պատասխանեն առաջին հերթին այդ կուսակցության ներկայացուցիչները, ԱրմԻնֆո-ի թղթակցի հետ զրույցում հայտարարել է ՙԺառանգություն՚ կուսակցության փոխնախագահ Արմեն Մարտիրոսյանը:

 Ադրբեջանի ԱԳՆ ղեկավար Էլմար Մամեդյարովի հայտարարությունը, որ Ադրբեջանը Ղարաբաղին ինքնավարության ամենաբարձր մակարդակ տրամադրելու կողմնակից է, անհեթեթություն է, ԱրմԻնֆո-ի թղթակցի հետ զրույցում այդպիսի կարծիք է հայտնել ԼՂՀ նախագահի մամուլի քարտուղար Դավիթ Բաբայանը:

ՀՅԴ կուսակցությունը մաս չի կազմի նոր ձևավորվող կառավարությանը և կշարունակի գործել ընդդիմադիր դաշտում, ասվում է ՀՅԴ կուսակցության` ԱրմԻնֆո ստացված հայտարարության մեջ:

Կառավարող ՀՀԿ-ի հետ կոալիցիայից դուրս գալու ՕԵԿ որոշումը վկայում է Հայաստանի իշխանական շրջանակներում խուճապի մասին: Այդ մասին ապրիլի 17-ին մամուլի ասուլիսում հայտարարել է քաղաքագետ Երվանդ Բոզոյանը:

 Ադրբեջանում ԱՄՆ դեսպան Ռիչարդ Մորնինգսթարի հայտարարությունը Ղրիմի խնդրի նկատմամբ Հայաստանի դիրքորոշման արդյունք է: Մամուլի ասուլիսում այդպիսի կարծիք է հայտնել Գլոբալիզացիայի և տարածաշրջանային համագործակցության կենտրոնի տնօրեն Ստեփան Գրիգորյանը: