Ապրիլի 15-ին Հայաստանի նախագահ Սերժ Սարգսյանը, ղեկավարվելով ՀՀ սահմանադրության 55-րդ հոդվածի 4-րդ կետով, որոշել է Էդվարդ Նալբանդյանին նշանակել Հայաստանի Հանրապետության արտաքին գործերի նախարար: Պետության ղեկավարը համանման որոշում է կայացրել  Սեյրան Օհանյանի վերաբերյալ` նրան  նշանակելով Հայաստանի Հանրապետության պաշտպանության նախարար: Այդ մասին հաղորդում է ՀՀ նախագահի մամլո գրասենյակը:

 Եթե ոչ իշխանական «քառյակը» կարող է որոշ խնդիրներ, նույնիսկ, լուծել, ապա երկարաժամկետ հեռանկարում այդ ձևաչափի հետագա կենսունակությունն ու արդյունավետությունը լուրջ կասկածներ է հարուցում: Այսօր մամուլի ասուլիսում այդ մասին հայտարարել է քաղաքագետ, Կովկասի ինստիտուտի փոխտնօրեն Սերգեյ Մինասյանը:

 ՙՌԵՍՈ՚ ապահովագրական ընկերությունը արդեն 2 տարի է հովանավորում է Հայաստանի Հանրապետության բոլոր 1400 հանրակրթական դպրոցների 6-րդ դասարանցիների շրջանում անցկացվող ընթերցման օլիմպիադան: 

Վարչապետի պաշտոնում Հովիկ Աբրահամյանի նշանակումը կոչված է ոչ թե խորացնելու բարեփոխումները, այլ` մեղմելու Հայաստանում առկա քաղաքական և սոցիալական լարվածությունը: Այդ մասին ԱրմԻնֆո-ի թղթակցին հաղորդել է ՀՀ գործատուների հանրապետական միության նախագահ Գագիկ Մակարյանը:

Հայաստանի նոր վարչապետը չպետք է շարունակի իր նախորդի գիծը: ԱրմԻնֆո-ի թղթակցի հետ զրույցում այդպիսի կարծիք է հայտնել ԲՀԿ խմբակցության քարտուղար Նաիրա Զոհրաբյանը:

Վարչապետի պաշտոնում նշանակված Հովիկ Աբրահամյանը կարող է միավորել քաղաքական ուժերը և լեզու գտնել նույնիսկ ընդդիմության հետ: Այդ մասին ԱրմԻնֆո-ի թղթակցին հայտարարել է տնտեսագիտության դոկտոր, պրոֆեսոր, նախկին պատգամավոր Թաթուլ Մանասարյանը:

 Հովիկ Աբրահամյանին վարչապետ նշանակելը ՙԲարգավաճ Հայաստանի ձեռք ու ոտքը կապելու նպատակ է հետապնդում, այսօր մամուլի ասուլիսի ժամանակ այդպիսի կարծիք է հայտնելՙժառանգություն՚ կուսակցության փոխնախագահ Արմեն Մարտիրոսյանը:

Հովիկ Աբրահամյանի թեկնածությունը ՀՀ վարչապետի պաշտոնում կոմպրոմիսային, ընդունելի տարբերակ է քաղաքական  շատ ուժերի համար, այսօր մամուլի ասուլիսի ժամանակ հայտարարել է Հայաստանի նախկին արտգործնախարար Ալեքսանդր Արզումանյանը:

Վարչապետի պաշտոնում Հովիկ Աբրահամյանի նշանակումը համապատասխանում է հայ օլիգարխների սպասումներին: Այդ մասին մամուլի ասուլիսում հայտարարել է Երևանի մամուլի ակումբի նախագահ Բորիս Նավասարդյանը:

 ՀՀ նորանշանակ վարչապետ Հովիկ Աբրահամյանն արդեն սկսել է ձևավորել նախարարների նոր կաբինետը: Այդ մասին նա այսօր հայտարարել է լրագրողներին:

 Դժվար չէ նկատել, որ այս վերջին տասնօրյակում վարչապետի պաշտոնի համար շրջանառության մեջ դրված անձինք այնպիսին էին, որոնք կարող էին կոմպրոմիսային լինել Սերժ Սարգսյանի եւ Ռոբերտ Քոչարյանի միջեւ /աշխատել կամ կապված են եղել երկուսի հետ էլ/.Սեյրան Օհանյան, Արմեն Գեւորգյան, Վիգեն Սարգսյան, Կարեն Կարապետյան (Գազպրոմ), նաեւ Հովիկ Աբրահամյան, գրում է ՙԺառանգություն՚ կուսակցության քարտուղար Ստեփան Սաֆարյանը Facebook-ի իր էջում:  

 «Հայակ» ազգային կինոմրցանակի շուրջ սկանդալ է հասունանում: Մարինե Զաքարյանի «Կիսալուսնի ծովածոցը» ֆիլմի պրոդյուսեր Հովհաննես Գալստյանը անհամաձայնություն է հայտնել ժյուրիի աշխատանքին: Ժապավենը մրցանակի է ներկայացվել «Երկրորդ պլանի լավագույն դերասանուհի» (Նանոր Պետրոսյան) և Երկրորդ պլանի լավագույն դերասան» (Աշոտ Ադամյան) անվանակարգերում:

Պետք չէ զուգահեռներ անցկացնել Ղրիմի իրադարձությունների և Մերձդնեստրի ու Լեռնային Ղարաբաղի իրավիճակների միջև, ՙԻնտերֆակսին՚ հարցազրույցում հայտարարել է Ռուսաստանի փոխարտգործնախարար Վասիլի Նեբենզիան`պատասխանելով այն հարցին, թե Ղրիմի դեպքերից հետո արդյոք պետք է որևէ նոր գործընթաց սպասել ղարաբաղյան և մերձդնեստրյան հակամարտությունների կարգավորման առնչությամբ:

ՙԵս զուգահեռներ չէի անցկացնի Ղրիմի իրադարձությունների և Մերձդնեստրի ու Լեռնային Ղարաբաղի իրավիճակների միջև: Ղարաբաղյան հակամարտությամբ զբաղվում է ԵԱՀԿ Մինսկի խումբը, որը ձգտում է նպաստել ադրբեջանցիների ու հայերի ուղղակի երկխոսությանը՚,- նշել է փոխարտգործնախարարը: ոյություն ունի նաև մերձդնեստրյան հակամարտության կարգավորման`ՙհինգ գումարած երկու՚ ձևաչափը, և այդ ուղղություններով աշխատանքը շարունակվում է:

ԲՀԿ չի դիտարկում կոալիցիոն կառավարության մաս  կազմելու հարցը: Այդ մասին ասվում է ԲՀԿ խոսնակ, ԱԺ պատգամավոր Տիգրան Ուրիխանյանի կողմից ԱրմԻնֆո գործակալությանը տրամադրված հայտարարությունում:

«Այս օրերի ընթացքում ես հանդիպել և զրուցել եմ շատ-շատերի հետ, մեր գործադիր մարմնի յուրաքանչյուրի հետ առանձին-առանձին եմ խոսել, խոսել եմ խորհրդի բազմաթիվ անդամների հետ, խոսել եմ մեր համակիրներից շատ-շատերի հետ և լսել, բնականաբար, հավաքագրել եմ շատ-շատերի կարծիքներն ու ակնկալիքները, համադրել եմ դրանք, իհարկե, հանդիպել և խոսել եմ այլ քաղաքական ուժերի ներկայացուցիչների հետ: Եվ այսօր ձեզ պետք է ասեմ հետևյալը.  Հովիկ Աբրահամյանն իր անցած ուղիով, Հայաստանի Հանրապետական կուսակցության մեջ ստանձնած դերակատարությամբ, իր փորձով և կազմակերպչական ունակություններով, իրոք, կարող է լավագույնս առաջնորդել ՀՀ կառավարությունը», - հավաստիացրել է Հայաստանի նախագահ Սերժ Սարգսյանը ՀՀԿ գործադիր մարմնի նիստում:

Հայաստանի Հանրապետական վարչապետի պաշտոնում Հովիկ Աբրահամյանին ՀՀ նախագահի և Հանրապետական կուսակցության կողմից լայն իրավասություններ են ընձեռվել՝ կառավարությունում կադրային փոփոխութոյւնների կատարման առումով:

Ներկա պահին ՀՀ Նախագահի աշխատավայրում տեղի է ունենում նախագահ Սերժ Սարգսյանի հանդիպումը ԲՀԿ առաջնորդ Գագիկ Ծառեուկյանի և ՀՀ խորհրդարանի խոսնակ Հովիկ Աբրահամյանի հետ, հաղորդում են ԱրմԻնֆո գործակալության` ՀՀԿ գտնվող աղբյուրները:

Առաջիկայում «Դեմ եմ» նախաձեռնությունը մտադիր է ՀՀ Պետեկամուտների կոմիտեի դեմ հայցով դիմել ՀՀ վարչական դատարան, որպեսզի վերացվիլ կենսաթոշակային հաշիվներին ավտոմատ կերպով գումար փոխանցող մեխանիզմը: Ինչպես հաղորդում է ԱրմԻնֆո գործակալության թղթակիցը, այս մասին նախաձեռնության աշխատանքային հանդիպման ընթացքում հայտարարել է ՀՀ խորհրդարանի ՀՅԴ խմբակցության  պատգամավոր Արծվիկ Մինասյանը:

Ռուսաստանցի հայրենակիցների ամենամյա խորհրդաժողովն օգտակար միջոցառում է, որն, անշուշտ, անգնահատելի ներդրում է ունենում Հայաստանի և Ռուսաստանի հարաբերությունների զարգացման գործում: Այդ մասին լրագրողներին հայտարարել է ՀՀ-ում Ռուսաստանի դեսպան Իվան Վոլինկինը: