Ինչու այս ողջ ընթացքում խոսք անգամ չի ասվել ավտոբուսի վարորդի վիճակի մասին, ով ոչ մի կերպ չի արձագանքել այն փաստին, որ իր վրա է գալիս բեռնատար ԿԱՄԱԶ-ը, և նույնիսկ չի փորձել մի կողմ թեքվել, այսօր մամլո ասուլիսի ժամանակ հարց է տվել Գլոբալիզացիայի և տարածաշրջանային համագործակալության վերլուծական կենտրոնի ղեկավար Ստեփան Գրիգորյանը:

Հայաստանում առաջին ազատ տնտեսական գոտին կգործարկվի 2013 թ. օգոստոսի 1-ին: Այդ մասին հուլիսի 18-ին կառավարությունում հաղորդել է ՀՀ էկոնոմիկայի նախարար Վահրամ Ավանեսյանը: 

Ազատամարտիկները շարունակում են Ազատության հրապարակում նստացույցը:

 ՀՀ կառավարության շենքի դիմաց մինչև նախարարների կաբինետի նիստը հերթական միջադեպն է տեղի ունեցել:

18 ուղևորի մահվան պատճառ դարձած ողբերգական ՃՏՊ առնչությամբ քրեական գործի հետաքննության շուրջ միջազգային աղմուկ է բարձրացել: Հայաստանի օմբուդսմեն Կարեն Անդրեասյանը վրդովված է, որ ՙԿամԱԶ՚-ի վարորդ Հրաչյա Հարությունյանին Մոսկվայում հրապարակային դատական նիստերի են տանում կանացի խալաթով: Նա խնդրում է Ռուսաստանի իր գործընկեր Վլադիմիր Լուկինին շտապ միջամտել այդ իրավիճակին: Առողջապահության նախարարության, ՆԳՆ և Պատժի իրականացման դաշնային ծառայության ( ՊԻԴԾ) ներկայացուցիչներն ասում են, որ Հարությունյանի արտաքին տեսքի մասին հետաքննության տվյալ փուլում պետք է հոգ տանեն նրա հարազատները, փաստաբանները և դիվանագետները: Այդ մասին գրում է Izvestia.ru-ն:

Հայաստանը պետք է իմանա իր հնարավորությունների սահմանը, Բաքվում հայտարարել է Թուրքիայի ԱԳՆ ղեկավար Ահմեդ Դավութօղլուն`մեկնաբանելով 1915 թ. Օսմանյան Թուրքիայում Ցեղասպանության ժամանակ կորուսյալ հայկական հողերը վերադարձնելու անհրաժեշտության վերաբերյալ ՀՀ գլխավոր դատախազ Աղվան Հովսեփյանի հայտարարությունը:

 Գյումրիի նախկին քաղաքապետ Վարդան Ղուկասյանի նկատմամբ քրեական գործ է հարուցվել:

 ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 410 դրամ, ԵՎՐՈ-ի առքի առավելագույն գինը`535,5 դրամ, իսկ ռուսական ռուբլու առքի գինը`12,6 դրամ: ԱՄՆ դոլարի վաճառքի առավելագույն գինը կազմել է 411 դրամ, ԵՎՐՈ-ի վաճառքի գինը` 539,5 դրամ, իսկ ռուսական ռուբլու վաճառքի գինը`12,7 դրամ:

ԱրմԻնֆո- Turan: Հունաստանի դեսպանատունը հերքել է տեղեկատվությունը, թե այդ երկիրը Հայաստանին MİLAN հակատանկային համակարգեր է վաճառել:
Այդպիսի տեղեկատվություն էր հրապարակել ԱՊԱ գործակալությունը հուլիսի 16-ին: Այս առնչությամբ Բաքվում Հունաստանի դեսպանատունը հաղորդել է, որ Հունաստանը պաշտպանական տեխնիկա չի մատակարարել Հայաստանին

Եթե Թուրքիան իսկապես շահագրգռված է ղարաբաղա-ադրբեջանական հակամարտության շուտափույթ կարգավորմամբ, ապա պետք է կատարի մեկ պարզ քայլ` չխառնվի եւ չմիջամտի կարգավորման գործընթացին: Այդ մասին հայտարարել է ԱԺ փոխխոսնակ Էդուարդ Շարմազանովը, մեկնաբանելով հուլիսի 17-ին ադրբեջանցի իր գործընկեր Էլմար Մամեդյարովի հետ համատեղ ասուլիսին Թուրքիայի արտգործնախարար Ահմեթ Դավութօղլուի այ հայտարարությունը, թե Թուրքիան միշտ սատարել է ու կսատարի Ադրբեջանին եւ պատրաստ է նպաստելու ԼՂ հակամարտության խաղաղ կարգավորմանը:

ՀՀ ԱԺ նախագահ Հովիկ Աբրահամյանը  կրկին ցավակցելով Պոդոլսկի մոտակայքում տեղի ունեցած ուղեւորատար ավտոբուսի վթարի հետեւանքով  զոհվածների  հարազատներին` ափսոսանք է հայտնում եւ դատապարտում է վթարի կապակցությամբ մեղադրվող բեռնատարի վարորդ, ՀՀ քաղաքացի  Հրաչյա Հարությունյանի հանդեպ դատարանում  դրսեւորված անթույլատրելի, անմարդկային վերաբերմունքի առիթով: 

Արտաքին շուկաների կոնյունկտուրան, ըստ երևույթին, պատրաստվում է նոր անակնկալներ մատուցել մեր երկրի տնտեսությանը, որն այդպես էլ չհասցրեց ամրանալ վիճակագրական աճի վերջին մի քանի տարվա ընթացքում: Կենտրոնական բանկը, դատելով վերջինիս վերլուծական գնահատականներից, չի պատրաստվում անցում կատարել դրամավարկային քաղաքականության մեղմացման քաղաքականությանը՝ ինֆլյացիոն աճից խուսափելու նպատակով, իսկ Կառավարությունն ուղղակի խրվել է թղթային բարեփոխումների մեջ, որոնք անվերահսկելի, անկառավարելի ներքին գործընթացների պայմաններում ոչ մի կերպ գործուն բարերար ազդեցություն չեն ունենում տնտեսության ընդհանուր իրավիճակի վրա:

 Հրաչյա Հարությունյանի մասնակցությամբ ողբերգական միջադեպը Ռուսաստանի կողմից օգտագործվել է`հակահայկական քարոզչության նպատակով, հայտարարել է Հայաստանի Հելսինկյան կոմիտեի նախագահ Ավետիք Իշխանյանն այսօր մամլո ասուլիսի ժամանակ: 

Հրաչյա Հարությունյանի հարազատներին տեղեկատվություն չի տրամադրվում նրա գտնվելու վայրի և առողջական վիճակի մասին, այսօր մամլո ասուլիսի ժամանակ ասել են Հարությունյանի դուստր Լիլիթ Հարությունյանը և քրոջ աղջիկ Անահիտ Մալյանը:

ՀՀ Ազգային անվտանգության ծառայությունը հերքում է ԶԼՄ-ների տեղեկատվությունը, թե ՀՀ վարչապետի մասնակցությամբ օֆշորային սկանդալի մանրամասներն ուսումնասիրելու, ինչպես նաև Կիպրոսում նրա ունեցվածքի վերաբերյալ տեղեկություններ հավաքելու համար ԱԱԾ-ն Կիպրոս է գործուղել հատուկ խումբ:

 Ղարաբաղյան պատերազմի վետերան Վլադիմիր Առաքելյանը հուլիսի 17-ին հայ օլիգարխներին կոչ է արել միջոցներ նվիրաբերել բանակի սպառազինման նպատակով:

Եվրամիությունը ճնշման իր լծակներն ունի, որոնց շնորհիվ` Ռուսաստանն ստիպված կլինի համակերպվել Հայաստան-ԵՄ և Ուկրաինա-ԵՄ ասոցացման համաձայնագրի շուրջ բանակցությունների արդյունքների հետ, ԱրմԻնֆո-ի թղթակցի հետ զրույցում այդպիսի կարծիք է հայտնել Վիլնյուսի համալսարանին կից Միջազգային հարաբերությունների և քաղաքագիտության ինստիտուտի դասախոս Վիտիս Յուրկոնիսը:

Հայաստանը պետք է նախաստորագրի ԵՄ հետ ասոցացման համաձայնագիրը, քանի որ դա հանրապետությանը շահավետ է թե տնտեսական, թե ռազմաստրատեգիական տեսանկյուններից: Մամուլի ասուլիսում այդպիսի կարծիք է հայտնել ՙՄոդուս-Վիվենդի՚ կենտրոնի ղեկավար Արա Պապյանը:

ՀՀ բնապահպանության նախարարությունը դիմել է ՀՀ ոստիկանություն՝ Արարատի մարզի Դալար համայնքի տարածքում ձկների զանգվածային ոչնչացման դեպքի առիթով: Հուլիսի 15-ին էլեկտրոնային լրատվամիջոցներում լուր էր տարածվել, որ Արարատի մարզի Դալար համայնքի տարածքով անցնող ջրանցքում արձանագրվել է  ձկների զանգվածային ոչնչացման դեպք: Վերոհիշյալ տեղեկատվության հիման վրա ՀՀ բնապահպանության նախարարությունում բացվել էր թեժ գիծ և Բնապահպանական պետական տեսչությանը հանձնարարվել՝ ուսումնասիրել մամուլում տարածված ահազանգը: 

Հրաչյա Հարությունյանն ապահովված է երկու փորձառու փաստաբաններով և թարգմանիչով: Այդ մասին հաղորդում է Հայաստանի ԱԳՆ ՙՖեյսբուքի՚ իր էջում: 
Հաղորդվում է նաև, որ Հարությունյանը բժիշկների վերահսկողության ներքո է, ավելին, Մոսկվայում Հայաստանի դեսպանությունը կապ է պահպանում քննչական կառույցնների և Հարությունյանի փաստաբանների հետ: