Նոյեմբերի 22-ին ՀՀ պաշտպանության նախարարի առաջին տեղակալ Դավիթ Տոնոյանը հանդիպում է ունեցել ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ: Ինչպես ԱրմԻնֆո գործակալությանը հաղորդեցին ՊՆ տեղեկատվության և հասարակայնության հետ կապերի վարչությունից, հանդիպման ընթացքում Դավիթ Տոնոյանը Անջեյ Կասպրչիկի խնդրանքով ներկայացրել է Ադրբեջանի ԶՈՒ կողմից խոցված ուղղաթիռի անձնակազմի դիակները անկման վայրից տարհանելու ուղղությամբ ԼՂՀ ՊԲ ստորաբաժանումների կողմից իրականացված հատուկ գործողությունների մանրամասները, ինչպես նաև հայկական կողմի նշված գործողություններն ապացուցող անհերքելի փաստեր:

Հայկական զինուժի վերջին գործողություններից և խոցված ուղղաթիռի անդամների դուրս բերումից հետո իրադրությունը շփման գծում վերահսկելի է: Այդ մասին հայտարարել է ԼՂ պաշտպանության նախարար Մովսես Հակոբյանը` «Ազատություն» ռադիոկայանի հետ զրույցում:

Ադրբեջանի ԶՈւ կողմից խոցված ուսումնավարժական ուղղաթիռի օդաչուների հոգեհանգստի արարողակարգը, քաղաքացիական և զինվորական հրաժեշտի արարողությունը տեղի կունենա նոյեմբերի 24-ին, ժամը 17.00-20.00-ն, Նոր-Նորքի Սուրբ Սարգիս եկեղեցում /Նոր Նորքի 5-րդ զանգված/:

Շատ կարևոր է հասկանալ, որ Հայաստանն առայժմ այն չէ, ինչը կարելի է անվանել Ռուսաստանի կայազոր, հայտարարել է Տարածաշրջանային հետազոտությունների կենտրոնի ղեկավար, քաղաքագետ Ռիչարդ Գիրագոսյանը` Թբիլիսիում Հարավային Կովկասի անվտանգության հարցերին նվիրված համաժողովում իր ելույթում: Նրա կարծիքով, արմատապես, Հայաստանը կարող է լինել ռուսաստանամետ, սակայն դա ամենևին չի նշանակում, որ նա կարող  է ինել պուտինամետ: Քաղաքագետի ասելով, Հայաստանի համար ընթացիկ պահի վտանգն այն է, որ երկիրը կարող է դառնալ անկարևոր և շատ առումներով կարող է հայտնվել երկաթյա վարագույրի ծուղակում, որը վերականգնում է Պուտինը: Սակայն հայ հասարակությունը մտադիր չէ այդքան հեշտությամբ զիջել իր դիրքերը, նշել է Գիրագոսյանը:

Ադրբեջանի կողմից խոցված հայկական ուղղաթիռի բեկորները կհանձնվեն փորձաքննության: Այդ մասին նոյեմբերի 22-ին լրագրողներին հաղորդել է պաշտպանության նախարար Սեյրան Օհանյանը:

Հայկական կողմը հաստատել է իր մասնակցությունը 2015 թվականին Բաքվում կայանալիք Եվրոպական խաղերին: Ինչպես հաղորդում է «Թրենդը», նոյեմբերի 22-ին Բաքվում մամուլի ասուլիսի ժամանակ այդ մասին հաղորդել է Եվրոպական օլիմպիական կոմիտեի նախագահ Պատրիկ Հիքին:

ՀՀ տրանսպորտի և կապի նախարարությունը տեղեկացնում է, որ նոյեմբերի 22-ին՝ ժամը 09:30-ի դրությամբ, Ապարանում, Արագածում, Սևանում, Մարալիկում, Աշոցքում, Ստեփանավանում, Սիսիանում, Հրազդանում, Սարավանում, Ջերմուկում, Գորիսում, Մեղրիում տեղում է ձյուն: 

Բաքուն շտապում է ղարաբաղյան կարգավորման հարցում, հասկանալով, որ շատ շուտով իր ողջ ռազմական տեխնիկան կվերածվի մետաղի ջարդոնի: ԱրմԻնֆո-ին այդպիսի կարծիք է հայտնել «Ազգային վերածնունդ» կուսակցության առաջնորդ, Հայաստանի պաշտպանության նախկին նախարար, գեներալ-լեյտենանտ Վաղարշակ Հարությունյանը:

ԼՂՀ պաշտպանության բանակը վտանգավոր և փայլուն հատուկ գործողություն է իրականացրել հակառակորդի կրակի գոտուց հայ օդաչուների մասունքները դուրս բերելու նպատակով: ԱրմԻնֆո-ին այդպիսի կարծիք է հայտնել «Ազգային վերածնունդ» կուսակցության առաջնորդ, Հայաստանի պաշտպանության նախկին նախարար, գեներալ-լեյտենանտ Վաղարշակ Հարությունյանը:

ԵԱՀԿ Մինսկի խմբի համանախագահների նոյեմբերի 19-ի հայտարարությունում ուղղում է կատարվել` ադրբեջանական կողմի հիստերիայի առնչությամբ: ԵԱՀԿ պաշտոնական կայքում նոյեմբերի 19-ի հայտարարության «չեզոք տարածք» բառակապակցությունը փոխարինվել է «ոչ ոքի տարածք» (no mans land) բառակապակցությամբ:

Հայաստանի պաշտպանության նախարարությունն ակնարկում է ադրբեջանական բանակի մեծաթիվ կորուստների մասին` խոցված ուղղաթիռի օդաչուների դիակները դուրս բերեու հատուկ գործողության արդյունքում:

 Հայկական հատուկ ստորաբաժանումների գործողությունները, որոնք դուրս են բերել խոցված ուղղաթիռի անձնակազմի անդամների մարմինները, հիացմունքի են արժանի, սակայն դրանք չեն արդարացնում Հայաստանի ղեկավարության հանցավոր անփութությունը, ԱրմԻնֆո-ին այդպիսի կարծիք է հայտնել Արցախյան պատերազմի վետերան, Դաշտային հրամանատարների խորհրդի անդամ Սուրեն Սարգսյանը:

Հաշվի առնելով ադրբեջանական կողմի պաշտոնական հայտարարություններն ու բանականության իսպառ բացակայությունը, ԼՂՀ զինված ուժերը ստիպված դիմել են նոյեմբերի 12-ին հակառակորդի կողմից խոցված ուղղաթիռի անձնակազմի ճակատագիրը անկման վայրում պարզելու և դրանից բխող խնդիրներ լուծելու հատուկ նշանակության գործողության:

Ինչպես տեղեկացնում է ԼՂՀ  ՊՆ մամուլի ծառայությունը, մարտական խնդրի կատարման արդյունքում դեպքի վայրից տարհանվել են ուղղաթիռի անձնակազմից մեկի դին, երկու օդաչուների մասունքները և ուղղաթիռի որոշ անհրաժեշտ մասեր: Հատուկ նշանակության գործողության  ընթացքում շարքից հանվել է հակառակորդի երկու ասկյար: Պաշտպանության բանակի կողմից կորուստներ չեն եղել:

Հիշեցնենք,  նոյեմբերի 12-ին ադրբեջանական ԶՈւ խոցել է ուսումնավարժական թռիչք իրականացնող ԼՂՀ ՌՕՈւ ՙՄի-24՚ ուղղաթիռը, որրում եղել են Լեռնայինն Ղարաբաղի ԶՈՒ երեք սպաներ` Սերգեյ Սահակյանը, Ազատ Սահակյանը և Սարգիս Նազարյանը: ԼՂՀ ռազմագերիների, պատանդների և անհետ կորածների հարցերի պետական հանձնաժողովը ԿԽՄԿ աջակցությունն էր խնդրել անձնակազմի անդամներին վերադարձնելու գործում:

ՀՀ էկոնոմիկայի նախարար Կարեն Ճշմարիտյանը հայ ոսկերիչներին խորհուրդ է տվել արտադրողականությունը բարձրացնելու համար վարձել հնդիկ երեսակողների: Այս մասին նախարարը հաղորդել է ոսկերչության և երեսակման ոլորտի պրոբլեմների շուրջ այսօր կայացած քննարկումների ընթացքում:

2014 թ. Հայաստանը կրճատել է անմշակ ալմաստների ներմուծումը`հիմնականում Ռուսաստանից մատակարարումների կրճատման պատճառով: Այդ մասին ԱրմԻնֆո-ի թղթակցին հայտնել է ՀՀ Էկոնոմիկայի նախարարության արդյունաբերական քաղաքականության վարչության պետ Արմեն Եգանյանը:
Նրա խոսքով, հայկական երեսակման ձեռնարկությունները 2014 թ. 10 ամիսներին 38 հազար կարատ անմշակ ալմաստ են գնել Ռուսաստանից: Անցած ողջ տարում գնվել է 96 հազար

ԵԱՀԿ գործող նախագահի անձնական ներկայացուցիչ Անջեյ Կասպշիկը գտնվում է Բաքվում: Ինչպես հաղորդում է Trend-ը, այս մասին նոյեմբերի 21-ին տեղեկացրել է Ադրբեջանում Ֆրանսիայի դեսպան Պասկալ Մոնտյեն:

 Նոյեմբերի 21-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանը հանդիպել է ԼՂՀ մշակույթի և երիտասարդության հարցերի նախարարության աջակցությամբ՝ «Եվրոպական Ինտեգրացիա» և «Արցախի ժողովրդական դիվանագիտության ինստիտուտ» հասարակական կազմակերպությունների կողմից կազմակերպված «Արցախի երիտասարդության ձայնը» ծրագրի մասնակիցների հետ։

 2013 թվականին Հայաստանի գրեթե յուրաքանչյուր երրորդ մեկ երեք բնակիչը եղել է աղքատ: Այս մասին ասվում է ՀՀ ՀՀ Ազգային վիճակագրական ծառայության հատուկ զեկույցում, որն ստեղծվել է Համաշխարհային բանկի աջակցությամբ և հրապարակվել 2014 թվականի նոյեմբերի 18-ին: Զեկույցն ընդգրկում է Հայաստանի 2008-2013 թվականի աղքատության ցուցանիշները:

Վահե Հակոբյանը վարչապետ Հովիկ Աբրահամյանի որոշմամբ այսօր ազատվել է Ջրային տնտեսության պետական կոմիտեի նախագահի պաշտոնից: Այս մասին ԱրմԻնֆո գործակալության թղթակցին հաղորդել է կառավարության մամուլի խոսնակ Գոհար Պողոսյանը:

Ղրղզստանի Հանրապետության ֆինանսների նախարարության կողմից հայտարարված միջազգային մրցույթի հաղթող Ամերիա կառավարման խորհրդատվական ծառայությունը հաջողությամբ ավարտել է «Ղրղզստանի Հանրապետության հանրային կառավարման ոլորտի ներքին հսկողության և ներքին աուդիտի համակարգի կարողությունների զարգացում» մեկամյա ծրագրի իրականացումը: Այս մասին ԱրմԻնֆո գործակալությանը տեղեկացվել է Ամերիա ՓԲԸ մամուլի ծառայությունից: