Երևանի «Նատալի ֆարմ» ՍՊԸ-ին երեք տարի գործողության ժամկետով տրվել է թմրամիջոցների և հոգեմետ նյութերի և ՀՀ կառավարության սահմանած՝ դրանց պրեկուրսորների արտահանման, ներմուծման և մեծածախ առևտրի գործունեության արտոնագիր: Համապատասխան որոշումը կայացվել է օգոստոսի 21-ին կառավարության նիստում:

Թուրքիայի, Վրաստանի և Ադրբեջանի  մասնակցությամբ մի ինչ-որ տարածաշրջանային միության ստեղծման մասին խոսելը վաղ է, նման հայտարարությունները զուտ քարոզչական բյույթի են: ԱրմԻնֆո-ի թղթակցի հետ զրույցում այդպիսի կարծիք է հայտնել թուրքագետ Ռուբեն Մելքոնյանը` մեկնաբանելով վերը նշված երեք երկրների պաշտպանության նախարարների վերջին հանդիպումը Նախիջևանում:

Վարչապետ Հովիկ Աբրահամյանը կոչ է արել ճիշտ ընկալել իր այն հայտարարությունները, թե ինքը կախարդական փայտկի չունի, որի օգնությամբ կարող է անմիջապես ստվերից հանել ողջ բիզնեսը, և այդ պատճառով իրեն ժամանակ է պետք, հաղորդում է «Ազատություն» ռադիոկայանը:

Եզդիների համաշխարհային միությունը որոշել է Արցախում բնակեցնել 200 եզդի ընտանիքների, որոնք բռնության ենթրակվել Իրաքի հյուսիսում: Այդ մասին ԱրմԻնֆո գործակալությանը հաղորդել է Հայաստանի եզդիների համայնքի ղեկավար Ազիզ Թամոյանը:

Օգոստոսի 21-ի նիստում ՀՀ կառավարությունը կայացրել է «Պարտքի դիմաց գույք ընդունելու միջոցառումների մասին» որոշումը, որը պայմանավորված է «Կարեն Դեմիրճյանի անվան մարզահամերգային համալիր» ՓԲԸ բյուջետային վարկի պարտքի (ավելի քան 10 մլրդ ՀՀ դրամ) և նախապես վճարված պետական տուրքի գծով դատական ծախսի (ավելի քան 205 մլն ՀՀ դրամ) բռնագանձման հարկադիր կատարման վարույթի շրջանակում ԵԿԴ 0191/04/14 սնանկության գործով ՀՀ ֆինանսների նախարարության մորատորիում չտարածելու մասին 04.08.2014 թ. ծանուցման հիման վրա դատական ակտերի հարկադիր կատարման ծառայության կողմից 2014 թ. օգոստոսի 14-ից հայտարարած՝ անշարժ գույքի հերթական էլեկտրոնային աճուրդը գնորդ չլինելու հիմքով չկայանալու և պարտքի դիմաց ավելի քան 10 մլրդ ՀՀ դրամ (ներառյալ ԱԱՀ) գնով անշարժ գույքի (հողամաս ավելի քան 9 հա, շենք-շինություններ շուրջ 53 հազ. քմ) ընդունման մասին հարկադիր կատարողի առաջարկով:

Ինչպես հայտնի է, Հատուկ քննչական ծառայությունը հարուցված գործի «շրջանակներում» դիմել է դատարան՝ նպատակ ունենալով պարտավորեցնել ilur.am կայքին և «Հրապարակ» օրաթերթին՝ բացահայտել մայիսի 7-ին հրապարակված տեղեկատվության աղբյուրը: Հիշեցնենք, որ համաձայն այդ տեղեկատվության, Շիրակի մարզի ոստիկանապետը բռնություն էր գործադրել գյումրեցի ճանաչված մարզիկ, հունա-հռոմեական ոճի ըմբիշ, օլիմպիական խաղերի մեդալակիր, Եվրոպայի եռակի չեմպիոն Արթուր Ալեքսանյանի նկատմամբ:

ՎՏԲ-Հայաստան բանկը բնակչությանը տրամադրում է հնարավորություն ստանալու վարկ ադամանդե քարերի գրավադրմամբ: Այսուհետ ադամանդե քարերի գրավադրմամբ  վարկ կարելի է ձևակերպել ՎՏԲ-Հայաստան Բանկի “Էրեբունի”, “Թիվ 15”, “Շահումյան”, “Գյումրի” և “Վանաձոր” մասնաճյուղերում: 

 Beeline–ը հայտարարում է կանխավճարային հաշվարկային համակարգի կորպորատիվ բաժանորդների համար «Զրուցենք» ծառայության գործարկման մասին։ Կանխավճարային հաշվարկային համակարգի բաժանորդներին հնարավորություն է ընձեռվում 30 օր անսահմանափակ խոսել Beeline բջջային ցանցի ներսում՝ վճարելով 990 դրամ։

 Թբիլիսի, Անկարա և Բաքու ռազմական համագործակցության ամրապնդումը չի սպառնում Հայաստանի ազգային անվտանգությանը: Նման կարծիք է արտահայտել ՀՀ Պաշտպանության նախարարի առաջին տեղակալ Դավիթ Տոնոյանը, մեկնաբանելով Թուրքիայի, Ադրբեջանի և Վրաստանի պաշտպանական գերատեսչությունների ներկայացուցիչների վերջերս Նախիջևանում կայացած հանդիպումը:

 Մոսկվայում Թուրքիայի դեսպանատան վրա կրակած Արթուր Միրզոյանը դատապարտվել է մեկ ամսվա ազատազրկման:

Այսօր Orange-ը մեկնարկեց իր «Հայաստանի սմարթֆոնիզացիա» արշավը` կանխավճարային և ասմական բաժանորդագրության ձայնային  ծառայությունների նոր բաժանորդների համար:

Որոտանի ՀԷԿ կասկադը պետք է մնա հայոց պետության սեփականություն: Նման տեսակետի կողմնակից է Հայրենի արտադրողների միության նախագահ Վազգեն Սաֆարյանը:

 Կգա ժամանակը, երբ Հայաստանում բոլորը հավասար կլինեն օրենքի առջև: Այդպիսի համոզմունք է հայտնել վարչապետ Հովկ Աբրահամյանը «Բազե 2014» երիտասարդական հավաքի մասնակիցների հետ հանդիպմանը:

 Beeline–ն առաջարկում է բջջային կապի ֆիզիկական անձ հանդիսացող բաժանորդներին իրենց ծննդյան օրն այցելել Beeline Վաճառքի և սպասարկման ցանկացած գրասենյակ և որպես նվեր ստանալ 1000 ներցանցային րոպե կամ 1000 ՄԲ Ինտերնետ։  

Ադրբեջանցիների կողմից գերեվարված և սպանված ՀՀ քաղաքացի Կարեն Պետրոսյանի մահվան գործով առկա փաստերը հիմք են տալիս երթադրելու, որ նրան կարող էին առևանգած լինել Հայաստանի տարածքից: Այդ մասին ԱրմԻնֆո-ի թղթակցի հետ զրույցում հայտարարել է Հայաստանի քննչական կոմիտեի մամուլի քարտուղար Սոնա Տռուզյանը:

Հայաստանի միգրացիոն ծառայությունն Իրաքի եզդիներից ապաստան տրամադրելու վերաբերյալ դիմում չի ստացել: Այդ մասին ԱրմԻնֆո-ի թղթակցին հաղորդել են Միգրացիոն ծառայությունում:

Արցախում մարտական գործողությունների վերսկսման դեպքում կկռվեն բոլորը, այդ թվում նաև օլիգարխների ու պաշտոնյաների երեխաները: Այս մասին այսօր լրագրողներին հայտարարել է «Երկրապահ» կամավորականների միության ղեկավար, ՀՀԿ-ից ԱԺ պատգամավոր Մանվել Գրիգորյանը:

Ելնելով հաճախորդների կարիքների աճից ՎՏԲ-Հայաստան Բանկը 2014 թվականի օգոստոսի 19-ից երկարացրել է մի շարք մասնաճյուղերի աշխատանքային ժամերը մեկնարկային ժամկետով մինչև 30.09.2014 թ.: Այժմ հաճախորդների հարմարավետության համար աշխատանքային օրերին մասնաճյուղերն աշխատելու են մինչև ժամը 20:00:

 Հայաստանում տեղակայված ռուսական ռազմական բազայի ավելի քան 100 զինծառայողներ եռօրյա դաշտային հավաքների ընթացքում կսովորեն անօդաչու սարքերի կառավարմանը, հաղորդում է ՌԴ Հարավային օկրուգի մամուլի ծառայությունը:

 ԱԻՄ առաջնորդ , Հայաստանի նախագահի պաշտոնի նախկին թեկնածու Պարույր Հայրիկյանը որոշել է սեպտեմբերի 8-ին հացադուլ հայտարարել: Իր ակցիան Հայրիկյանը կանցկացնի նախագահի նստավայրի մոտ: Քաղաքական գործիչը մտադիր է պահաջել գործող նախագահ Սերժ Սարգսյանի հրաժարականը: Նա կարծում է, որ Հայաստանի իշխանություններն իրենց քաղաքականությունը լիովին ձախողել են և պետք է դա հրապարակավ ընդունեն: «Մենք մեր հարևաների վերաբերյալ համարժեք որոշումներ չենք կայացնում: 21-րդ դարում միայն Պուտինի նման աննորմալը կարող է պատերազմ հրահրել, իսկ մենք առաջ ենք ընթանում` Ռուսաստանի պոչից բռնած: Դրան հարկավոր է վերջ տալ», - հայտարարել է նա: