Արմինֆո. Հայաստանի Հանրապետության անկախության 25-րդ տարեդարձի առթիվ Նախագահ Սերժ Սարգսյանը շնորհավորական ուղերձներ է ստանում օտարերկրյա պետությունների ղեկավարներից, միջազգային կազմակերպությունների, պետական և հասարակական հատվածի, հոգևոր դասի ներկայացուցիչներից, անհատներից:

Արմինֆո.Այսօր Հայաստանը տոնում է Անկախության 25-ամյակը: Հանրապետության ողջ տարածքում տեղի կունենան տոնական միջոցառումներ: 11:00-ին Հանրապետության հրապարակում տեղի կունենա զորահանդես, որի ընթացքում կցուցադրվի ռազմական տեխնիկա, այդ թվում՝ ՙԻսկանդեր՚ օպերատիվ-մարտավարական հրթիռային համալիրներ, ինքնագնաց «Բուկ» հրթիռային համալիրներ, «Սմերչ» համազարկային կրակի ռեակտիվ համակարգի կայանքներ, անօդաչու թռչող սարքեր, Մի-29 և Սու-25 ինքնաթիռներ: Հանրապետության հրապարակով կանցնեն ՀՀ զինված ուժերի բանակային կորպուսների, ռազմական ոստիկանության, խաղաղապահ բրիգադի, առանձին հատուկ նշանակության բրիգադի, ԼՂՀ պաշտպանության բանակի, ՀՀ ոստիկանության զորքերի, ՀՀ ազգային անվտանգության ծառայության սահմանապահ զորքերի, Հայաստանում ՌԴ 102-րդ ռազմակայանի ստորաբաժանումները, ինչպես նաև Վազգեն Սարգսյանի անվան ռազմական ինստիտուտի, մարշալ Արմենակ Խանփերյանցի անվան ռազմաավիացիոն ինստիտուտի կուրսանտները, Մոնթե Մելքոնյանի անվան ռազմամարզական վարժարանի սաները:

Արմինֆո. Լեռնային Ղարաբաղը, որն այս տարի տոնեց իր անկախության 25-ամյակը, կայացած պետություն է, և դա պետք է գիտակցեն ինչպես Ադրբեջանը, այնպես էլ՝ միջազգային հանրությունը: Այդ մասին հայտարարել է ՙԺառանգություն՚ կուսակցության առաջնորդ Րաֆֆի Հովհաննիսյանը՝ ելույթ ունենալով Ասիական քաղաքական կուսակցությունների 9-րդ Գլխավոր ասամբլեայում: