Արմինֆո.   Հուլիսի 8-ի վաղ առավոտից իրավապահ մարմինների ներկայացուցիչները խուզարկություններ են իրականացնում "Հայաստանի էլեկտրական ցանցեր" ընկերության գլխամասային գրասենյակում: Ազգային անվտանգության ծառայության դիմակավորված աշխատակիցները թույլ չեն տալիս ընկերության աշխատակիցներին մուտք գործել աշխատավայր: Միաժամանակ իրավապահներն առավոտից ներխուժել են ՀԷՑ-ի տնօրենների խորհրդի նախագահ Նարեկ Կարապետյանի տուն, որտեղ նույնպես խուզարկություն են իրականացնում: Նարեկ Կարապետյանը "Տաշիր" ընկերությունների խմբի նախագահ Սամվել Կարապետյանի եղբորորդին է: