Ուրբաթ, 27 Դեկտեմբերի 2013

Սաֆարյան Աշոտ

Նիկոլ Փաշինյան. Հովիկ Աբրահամյանը պետք է ներողություն խնդրի լրագրողներից

Նիկոլ Փաշինյան. Հովիկ Աբրահամյանը պետք է ներողություն խնդրի լրագրողներից

Վաղը Երևանի Տնտեսագիտական համալսարանի խորհրդի նախագահ Հովիկ Աբրահամյանը լրագրողների Ամանորյա ընդունելություն է կազմակերպում Ազգային ժողովում, Facebook-ի իր նման գրառում է արել ԱԺ ՀԱԿ խմբակցության պատգամավոր Նիկոլ Փաշինյանը:


ՙԿարծում եմ՝ պարոն Աբրահամյանը նախ պետք է լրագրողներից ներողություն խնդրի երեկ Տնտեսագիտական Համալսարանում տեղի ունեցածի կապակցությամբ և լրագրողների օրինական մասնագիտական գործունեությունը խոչընդոտելու փաստի առիթով (ՔՕ, հոդված 164` նախատեսում է ազատազրկում՝ 3-ից 7 տարի ժամկետով) հանցագործության մասին հաղորդում ներկայացնի ՀՀ ոստիկանություն՚,- ասված է գրառման մեջ:


Հիշեցնենք, որ Երևանի պետական տնտեսագիտական համալսարանում երեկ նախատեսված էր Երևանի քաղաքապետ Տարոն Մարգարյանի թեկնածուական թեզի պաշտպանությանը: Բուհի ղեկավարությունը հհրաժարվել է ներս թողնել լրագրողներին, ինչի հետևանքով միջադեպ է տեղի ունեցել ուսանողների ակտիվ մասնակցությամբ, ովքեր խիստ ագրեսիվ են պահել իրենց լրագրողների նկատմամբ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն