Arminfo.info





 Հինգշաբթի, 11 Դեկտեմբերի 2014

Ստեփանյան Դավիթ

Փորձագետ. Թուրքիայի հետ ամենահիանալի նախագիծը նույնիսկ ղարաբաղյան հարցում Ռուսաստանի դիրքորոշման վրա չի ազդի

Փորձագետ. Թուրքիայի հետ ամենահիանալի նախագիծը նույնիսկ ղարաբաղյան հարցում Ռուսաստանի դիրքորոշման վրա չի ազդի

 Թուրքիայի հետ ամենահիանալի նախագիծը նույնիսկ ղարաբաղյան հարցում Ռուսաստանի դիրքորոշման վրա չի ազդի`մեկ պարզ պատճառով. Հարավային Կովկասը և Հյուսիսային Կովկասն անվտանգության հաղորդակից անոթներ են: Այդպիսի կարծիք է հայտնել Ռազմավարական հետազոտությունների ռուսական ինստիտուտի Պաշտպանական հետազոտությունների կենտրոնի տնօրեն Գրիգորի Տիշչենկոն`առցանց հարցազրույցի ժամանակ պատասխանելով ԱրմԻնֆո-ի հարցին:


ՙՌուսաստանի և Թուրքիայի անսպասելի քայլերն ամենից առաջ տնտեսական և առևտրային հարաբերությունները դիվերսիֆիկացնելու փորձ է`կապված եվրոպական ուղղությամբ ՌԴ նկատմամբ խտրականության հետ: Հազիվ թե դա վերափոխվի Թուրքիայի հետ ինչ-որ խոշոր քաղաքական նախագծերի: Անկարա Պուտինի հաջող այցն ինչ-որ չափով ռուս-հայկական ռազմավարական համագործակցության ամրապնդման հետևանք է: Թեկուզ այն պատճառով, որ Թուրքիան այժմ ռազմական առումով փաստորեն ՙզրոյական խնդիրներ՚ ունի Հայաստանի հետ, ինչի մասին միշտ երազել է`հարավ-արևելքում և արևելքում ունեցած իր խնդիրների պայմաններում՚,- ընդգծել է փորձագետը:


Նրա խոսքով, Անկարան ընդհանրապես չի հիշել Հայաստանի մասին Մոսկվայի հետ բանակցություններում: ՙԹուրքերին անհրաժեշտ են մեր շուկաները, մեր գազային տարանցումը, Սև ծովում Ռուսաստանի հետ կոնդոմինիումը`առանց ԱՄՆ-ի ու ՆԱՏՕ-ի, բայց ոչ մի կերպ Հայաստանը: Լավագույն դեպքում խոսքը կարող է վերաբերել Հայոց ցեղասպանության 100-ամյա տարելիցի նախաշեմին այդ թեմայի խլացմանը՚,-նշել է Տիշչենկոն:  


Փորձագետի խոսքով, հաշվի առնելով, որ Թուրքիայի ռազմական անվտանգությունը սարսափելի վիճակում է գտնվում`Սիրիա, քրդեր, Իրաք, Իրան, Իսլամական պետության գրոհայիններ` այս ուղղություններից որևէ մեկով Ռուսաստանը Թուրքիայի հետ ակտիվորեն չի համագործակցի: Ռազմաքաղաքական համագործակցության ոլորտը կսահմանափակվի Սև ծովի ջրատարածքով: 

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն