ՀՀ դեսպանը և ԱՄՆ պաշտոնյան քննարկել են հաղորդակցության և անվտանգության մի շարք առաջնահերթություններ։

Արմինֆո. Հիբրիդային սպառնալիքների և ապատեղեկատվության դեմ պայքարի համատեքստում հաղորդակցության և անվտանգության մի շարք առաջնահերթություններ քննարկվել են ԱՄՆ-ում ՀՀ դեսպան Նարեկ Մկրտչյանի և Դաշնային հաղորդակցությունների հանձնաժողովի (FCC) նախագահ Բրենդան Քարի միջև մարտի 25-ին կայացած հանդիպման ժամանակ։

ԱՄՆ-ում ՀՀ դեսպանության տվյալներով՝ Մկրտչյանը ընդգծել է FCC-ի փորձը և համագործակցության անհրաժեշտությունը՝ հաշվի առնելով Հայաստանի ներուժը այս ոլորտում և ենթակառուցվածքային և տեխնոլոգիական զարգացման գործընթացում սահմանված առաջնահերթությունները։ Կողմերը քննարկել են հաղորդակցության ոլորտում լավագույն փորձի փոխանակման, արդյունաբերական փոխայցելությունների անցկացման և համագործակցության ինստիտուցիոնալացման հնարավորությունները։