Հայաստանի իշխանություններն ակտիվ ջանքեր են գործադրում Եվրախորհրդի խորհրդարանական վեհաժողովի ձմեռային նստաշրջանում երկու հակահայկական զեկույցների ընդունումը կանխարգելելու ուղղությամբ: Դրանցից մեկը բրիտանացի խորհրդարանական Ռոբերտ Ուոլթերի «Բռնության աճը Լեռնային Ղարաբաղում և Ադրբեջանի մյուս օկուպացված շրջաններում» զեկույցն է, մյուսը` Բոսնիա և Հերցեգովինայի ներկայացուցիչ Միլիցա Մարկովիչի «Ադրբեջանի սահմանամերձ շրջանների բնակիչները միտումնավոր կերպով զրկվում են ջրից» զեկույցը:
Դրանց ընդունումը կանխելու նպատակով այս օրերին Երևանն օգտագործում է ոչ միայն իր դիվանագիտական խողովակները, այլև Սփյուռքի ռեսուրսները, ինչպես նաև խորհրդարանական դիվանագիտության հնարավորությունները: Եվրոպական տարբեր մայրաքաղաքներ են մեկնել ժողվորդի ընտրյալները` մեկ առաքելությամբ. իրենց օտարերկրյա գործընկերներին համոզել դեմ քվեարկել այդ զեկույցներին: Այսպես, այդպիսի առաքելությամբ մերձբալթյան հանրապետություններում է գտնվում ԱԺ փոխխոսնակ Էդուարդ Շարմազանովը, որ այնուհետև նույն առաքելությամբ կմեկնի
Չեխիա և Հունաստան: Շարմազանովը համատեղության կարգով այդ երկրների հետ բարեկամության պատգամավորական խմբերի համանախագահ է:
Համանման առաքելությամբ Բուխարեստ և Վարշավա է մեկնել ԱԺ պետաիրավական հարցերի հանձնաժողովի ղեկավար, Լեհաստանի և Ռումինիայի հետ բարեկամության պատգամավորական խմբերի ղեկավար Հովհաննես Սահակյանը: Նույն առաքելությամբ տարբեր եվրոպական մայրաքաղաքներ են մեկնել նաև արտաքին հարցերի խորհրդարանական հանձնաժողովի ղեկավար Արտակ Զաքարյանը և Հայաստան-ԵՄ համագործակցության հանձնաժողովի համանախագահ Սամվել Ֆարմանյանը, ով նաև ԵԽԽՎ–ում Հայաստանի պատվիրակության անդամ է:
Միևնույն ժամանակ Հայ դատի եվրոպական գրասենյակը Change.org-ում ստորագրահավաք է նախաձեռնել ընդդեմ ԵԽԽՎ հակահայկական զեկույցների: Մասնավորապես, հաղորդագրությունում նշվում է, որ հունվարի 26-ին ԵԽԽՎ-ում նախատեսվում են լսումներ բրիտանացի խորհրդարանական Ռոբերտ Ուոլթերի «Բռնության աճը Լեռնային Ղարաբաղում և Ադրբեջանի մյուս օկուպացված շրջաններում» և Բոսնիա և Հերցեգովինայի ներկայացուցիչ Միլիցա Մարկովիչի «Ադրբեջանի սահմանամերձ շրջանների բնակիչները միտումնավոր կերպով զրկվում են ջրից» զեկույցների շուրջ: Այդ երկու զեկույցները ներառում են տարբեր ձևակերպումներ, որոնք հակասում են այդ հարցերի շուրջ հայկական կողմի դիրքորոշմանը: ԵԽԽՎ ձմեռային նստաշրջանի օրակարգից այդ երկու զեկույցների հանմանը նպատակաուղղված հայկական պատվիրակության ջանքերն անհաջողության են մատնվել:
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
