Վրացի քաղաքագետ․ Վրաստանը Հայաստանին պետք չէ ԵՄ հետ ինտեգրման գործընթացի համար, բայց անհրաժեշտ է լոգիստիկայի զարգացման համար

Արմինֆո. Վրաստանը Հայաստանին պետք չէ ԵՄ հետ ինտեգրման գործընթացի համար, իսկ ահա լոգիստիկայի զարգացման համար՝ անհրաժեշտ է, եւ, նույնիսկ, շատ։ Վրացի քաղաքագետ Գելա Վասաձեն այդպես է մեկնաբանել Հայաստանի վարչապետ Նիկոլ Փաշինյանի ուղերձը Եվրախորհրդարանում՝ Վրաստանին իր եվրոպական ընտրության հարցում աջակցելու խնդրանքով։

Քաղաքագետն արձանագրել է, որ Վրաստանի ողջ փորձագիտական համայնքը մեծ ոգևորությամբ է քննարկում Փաշինյանի մարտի 11 - ի ուղերձը Եվրախորհրդարանում, նշելով, որ քննարկումներն ընթանում են երկու ուղղությամբ. առաջինը՝ Փաշինյանին դա պետք է, որովհետև առանց Վրաստանի Հայաստանը չի կարող դառնալ ԵՄ մաս; երկրորդը՝ Փաշինյանը դարձել է "Վրացական երազանքի" լոբբիստը՝ դավաճանելով ժողովրդավարության գաղափարներին։ Եկեք հասկանանք:

"Առաջին հերթին, խոսքն ընդհանրապես այն մասին չէ, որ Հայաստանը կդառնա ԵՄ մաս։ Խոսքը Եվրամիության հետ հարաբերությունների ձևաչափի մասին է, որի դեպքում երկիրը բավականին լուրջ ֆինանսական և քաղաքական դիվիդենտներ է ստանում։ Արդյո՞ք Փաշինյանին դրա համար Վրաստանը պետք է։ Ոչ, պետք չէ: Իսկ ահա ԵՄ լիարժեք անդամակցության համար Հայաստանին, ինչպես և Վրաստանին, բացի հազարավոր ուղեկցող գործոններից, պետք է Թուրքիայի անդամակցությունը ԵՄ-ին։ Դա աշխարհագրություն է։ Թեև հենց հայերի համար, իրենց "պատմական զոհի կերպարով", Եվրոպայում տեսականորեն կարող էին բացառություն անել՝ բացառություններից։ Արևմտամետ Հայաստանը Բենիլյուքսի երկրների ցանկացած քաղաքական գործչի երազանքն է, և ոչ միայն Բենիլյուքսի", - Facebook-ի իր էջում գրել է Վասաձեն:

"Արձանագրում ենք․ ԵՄ հետ ինտեգրման գործընթացի համար Վրաստանը Հայաստանին պետք չէ ։ Բայց լոգիստիկայի զարգացման համար անհրաժեշտ է, և, նույնիսկ՝ շատ: Հատկապես՝ Հյուսիս-Հարավ միջանցքի համատեքստում ՝ Հաշվի առնելով Նախիջևանով Իրանի հետ երկաթուղային հաղորդակցության բացման միանգամայն իրական հեռանկարը։ Վրացական նավահանգիստները պատժամիջոցների տակ խիստ համահարթեցնում են Հայաստանի դերը Հարավկովկասյան լոգիստիկ հանգույցում։ Անշուշտ, ինչ-որ մեկը հիմա կմտածի․ ինչի մասին է գրում, ինչ Իրան, այստեղ նման բան է կատարվում։ Դե այն, ինչ կատարվում է, վաղ թե ուշ կավարտվի", - շարունակել է նա։

Փորձագետը հավելել է, որ "Թրամփի ուղի միջազգային խաղաղության և բարգավաճման համար" (TRIPP) նախագիծը և Ադրբեջանի ու Թուրքիայի հետ հաղորդակցությունների բացումը նույնպես մի քանի շաբաթվա հարց չեն: Նրա խոսքով, իսկ ահա վրացական նավահանգիստների նկատմամբ պատժամիջոցները, եթե դրանք սահմանվեն, կարող են տարիներ տևել։ Վասաձեն վստահ է, որ հենց դա է Փաշինյանի ուղերձի պատճառներից մեկը։

«Հիմա "ժողովրդավարությանը դավաճանելու" մասին: Դա, ընդհանրապես, տարօրինակ պահանջ է։ Փաշինյանը երբեք չի եղել և չի կարող լինել ժողովրդավար՝ ազատական եվրոպական ընկալմամբ։ Նա Հայաստանում կառուցում է բավականին կոշտ, որքան դա հնարավոր է, ավտորիտար ռեժիմ։ Եվ բնավ ոչ այն պատճառով, որ այն վատն է, այլ, որովհետև այլապես լիարժեք ազգային պետություններ չեն ստեղծվում ։ Փաշինյանի ավտորիտարիզմը մոդեռնիզացիոն տիպի ավտորիտարիզմ է, ի տարբերություն այն մոդելի, որը Հայաստանում տիրում էր իրենից առաջ և, պարզապես, պահպանում էր խորհրդային ժառանգությունը", - հավաստիացրել է վրացի փորձագետը։

Քաղաքագետը վստահ է, որ, պաշտպանելով" Վրացական երազանքին", Փաշինյանն ամենևին էլ դեմ չի գնում իր սկզբունքներին։ "Իսկ այն, որ ավտորիտարիզմի մեր մոդելը հեռու է մոդեռնիզացիոնից, դա արդեն մեր խնդիրներն են։ Ի վերջո, Հայաստանի վարչապետը պետք է մտածի իր երկրի, այլ ոչ թե Վրաստանի զարգացման մասին։ Դե, իսկ Վրաստանի իշխանությունների հետ վստահելի հարաբերություններ ունենալն այն լրացուցիչ բոնուսն է, որը միշտ կարելի է օգտագործել և ներկովկասյան քաղաքականության մեջ, և արտաքին կոնտուրում", - կարծում է Վասաձեն։

Վրացի քաղաքագետը համոզմունք հայտնել, որ Փաշինյանը չի փրկում "Վրացական երազանքը" և չի դավաճանում ժողովրդավարությանը: Վասաձեն վստահ է, որ Հայաստանի վարչապետը, պարզապես, գործում է որպես "ռացիոնալ քաղաքական գործիչ", որը փորձում է լուծել իր երկրի խնդիրները եւ, միաժամանակ, մի քանի լրացուցիչ միավոր վաստակել եւ Բրյուսելում, եւ Հարավային Կովկասում: