Արմինֆո.ԱՄՆ Միջազգային կրոնական ազատության հանձնաժողովը (USCIRF) կրկին հանձնարարել է Ադրբեջանը ներառել հատուկ դիտարկման ցուցակում (SWL)՝ կրոնական ազատության լուրջ խախտումների առնչությամբ:
USCIRF -ի զեկույցում ընդգծվում է, որ 2025 թվականին Ադրբեջանի կառավարությունը կրոնական ազատության լուրջ խախտումներ է կատարել։ Իշխանությունները կիրառել են կրոնի մասին խիստ սահմանափակող օրենք, որը քրեականացնում է չգրանցված կրոնական գործունեությունը և կառավարությանը լիարժեք վերահսկողություն է տրամադրում գրանցված կրոնական կազմակերպությունների նկատմամբ: Բացի այդ, կրոնի մասին օրենքը նախատեսում է կրոնական նյութերի պաշտոնական ստուգում և հաստատում, սահմանափակում է միսիոներական գործունեությամբ զբաղվելու իրավունք ունեցող անձանց շրջանակը և պահանջում է կրոնական առաջնորդների պետական հավանություն՝ ի թիվս այլ սահմանափակումների:
"Լեռնային Ղարաբաղում և հարակից տարածքներում հայկական պատմական կրոնական օբյեկտները շարունակում են վտանգված մնալ՝ 2020 և 2023 թվականներին Ադրբեջանի կողմից այդ տարածքների վերադարձից հետո։ Հուլիսի դրությամբ արբանյակային պատկերները հայտնաբերել են ութ ավերված ու ևս 10 վնասված կրոնական օբյեկտներ, ներառյալ եկեղեցիներ, գերեզմանատներ և այլ արտեֆակտներ: Բացի այդ, ընտանիքների անդամները հաղորդում են, որ հայ բանտարկյալներին խոչընդոտում են կրոնական առարկաներ ձեռք բերելու հարցում, ինչպիսին է Աստվածաշունչը, սակայն Ադրբեջանի կառավարությունը պնդում է, որ բանտարկյալները կրոնական նյութերին հասանելիություն ունեն ", - ասվում է զեկույցում:
Ընդ որում, ընդգծվում է, որ փետրվարին ԱՄՆ Միջազգային կրոնական ազատության հանձնաժողովի (USCIRF) պատվիրակությունն այցելել էր Ադրբեջան՝ կրոնական ազատության հետ կապված իրավիճակը գնահատելու և կառավարության ներկայացուցիչների հետ հանդիպելու նպատակով: Թեեւ Ադրբեջանի կառավարությունը պատրաստակամություն է հայտնել համագործակցել USCIRF-ի հետ, այդ ժամանակից ի վեր այն էական առաջընթաց չի գրանցել USCIRF-ի հանձնարարականների կատարման գործում:
Ելնելով վերոգրյալից՝ USCIRF-ը խորհուրդ է տվել ԱՄՆ կառավարությանը թողնել Ադրբեջանը հատուկ դիտարկման տակ գտնվող երկրների ցանկում ՝ կրոնական ազատության լուրջ խախտումներին մասնակցելու կամ դրանք թույլ տալու համար ՝ համաձայն Միջազգային կրոնական ազատության մասին օրենքի (IRFA); կիրառել նպատակային պատժամիջոցներ Ադրբեջանի կառավարական մարմինների նկատմամբ, ինչպիսիք են Ներքին գործերի նախարարության կազմակերպված հանցավորության դեմ պայքարի գլխավոր վարչությունը և կրոնական ազատությունների լուրջ խախտումների համար պատասխանատու պաշտոնատար անձինք, սառեցնելով այդ անձանց ակտիվները և/կամ արգելելով մուտք գործել Միացյալ Նահանգներ՝ մարդու իրավունքներին վերաբերող ֆինանսական և վիզային կանոններին համապատասխան՝ հղում անելով կրոնական ազատության հատուկ խախտումներին: Բացի այդ, ԱՄՆ Պետդեպարտամենտի և Ադրբեջանի կառավարության միջև կնքել փոխըմբռնման հուշագիր ՝ երկրում կրոնական ազատությունների և մարդու այլ իրավունքների բարելավման ռազմավարությունների մշակման և իրականացման համար։
USCIRF-ը Միացյալ Նահանգների անկախ, երկկուսակցական դաշնային խորհրդատվական մարմին է: Այն իրականացնում է կրոնի ազատության մոնիտորինգ արտերկրում, մշակում է հանձնարարականներ նախագահի, պետքարտուղարի և Կոնգրեսի համար, ինչպես նաև տարեկան զեկույցներ է պատրաստում աշխարհում կրոնական իրավունքների խախտումների վերաբերյալ:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
