Հայաստանի ԱԳՆ-ը՝ ԱՄԷ-ից, Օմանից, Կատարից, Վիետնամից և Իսրայելից ՀՀ քաղաքացիների վերադարձի մասին

Արմինֆո. Գնդակոծությունների պատճառով հետաձգվել է " FlyDubai " ավիաընկերության Դուբայ-Երևան չվերթը, սոցցանցում հաղորդել է Հայաստանի ԱԳՆ մամուլի քարտուղար Անի Բադալյանը:

Նշվում է, որ այս պահին այդ չվերթին գրանցված ՀՀ 4 քաղաքացի դիմել է Դուբայում ՀՀ գլխավոր հյուպատոսություն (Դուբայում ՀՀ Գլխավոր հյուպատոսության կոնտակտային տվյալները․ +971585670993): Արտաքին գործերի նախարարությունը կապ է պահպանում ավիաընկերության ներկայացուցիչների հետ: Այս պահին թռիչքը նախատեսված է տեղական ժամանակով ժամը 15:00-ին:

ՀՀ ԱԳՆ-ում հիշեցրել են, որ մարտի 8-ին, ժամը 21: 30-ին նախատեսված է Մասկատ-Երևան չվերթ, որի համար ԱՄԷ-ում ՀՀ դեսպանությունը և Դուբայում ՀՀ գլխավոր հյուպատոսությունը կկազմակերպեն անվճար տեղափոխում ԱՄԷ-ից Օմանի օդանավակայան

Բացի այդ, ինչպես հաղորդում է անի Բադալյանը, այս պահին Հայաստանի Հանրապետության 12 քաղաքացիներ դիմել են Վիետնամում Հայաստանի Հանրապետության դեսպանություն (նաև Լաոսում, Կամբոջայում և Ֆիլիպիններում                ՝ փոխադարձ համաձայնությամբ): Նրանցից չորսը մարտի 7-ին կմեկնեն Հոշիմին-Գուանչժոու-Ալմաթի - Թբիլիսի չվերթով, այնուհետև Թբիլիսիից Երևան կվերադառնան ավտոմեքենայով, 7-ը՝ մարտի 9-ին Հայաստան կվերադառնան Հոշիմին-Ուրումչի-Երևան չվերթով: Եվս մեկ քաղաքացի սպասում է Բահրեյն վերադարձի։

Մարտական գործողությունների մեկնարկից ի վեր Կատարում ՀՀ դեսպանատուն է դիմել ՀՀ 41 քաղաքացի. նրանցից 38-ին, ովքեր ճամփորդել են «Qatar Airways»-ի չվերթով, ավիաընկերությունը տրամադրել է կեցության և սննդի բոլոր պայմանները, երկուսին ցուցաբերվել է դեղորայքային օգնություն: Կատարում է գտնվում ևս 3 քաղաքացի, որոնց վերաբերյալ ևս դիտարկվում են վերադարձի հնարավոր տարբերակներ: Հաղորդվում է նաև, որ դեպի Երևան չվերթն այս պահին ներառված է Qatar Airways-ի մարտի 9-ի չվացուցակում:

Մերձավոր Արևելքում ստեղծված իրավիճակով պայմանավորված՝ Իսրայելում այս պահին գտնվում է մոտ երկու տասնյակ ՀՀ քաղաքացի, որոնց մեծ մասի հետ ՀՀ դեսպանությունը մշտական կապի մեջ է։ Մարտի 5-ին Իսրայելի զբոսաշրջության նախարարությունը հայտարարել է օտարերկրյա քաղաքացիների տեղափոխումը մինչև Եգիպտոսի հետ սահմանային անցակետ կազմակերպելու հնարավորության մասին։ Այդ նախաձեռնության վերաբերյալ դեսպանությունը տեղեկացրել է ռազմական գործողությունների հետևանքով Իսրայելում մնացած ՀՀ քաղաքացիներին։ Այս պահի դրությամբ նրանցից արձագանքել են 4-ը, տեղեկացնելով, որ դեռ նախընտրում են մնալ Իսրայելում և սպասել «Բեն Գուրիոն» օդանավակայանի աշխատանքի վերսկսմանը։ Իսրայելի տարբեր համալսարաններում և ավագ դպրոցներում ուսանում է մոտ մեկ տասնյակ ՀՀ քաղաքացի, ովքեր այս պահին Հայաստան վերադառնալու ցանկության մասին չեն տեղեկացրել։  Իսրայելում ՀՀ դեսպանության կոնտակտային տվյալներն են՝ +972 58 607-0313 (նաև WhatsApp), +972585811144։