Ընդդիմադիր գործիչ․ ԵՄ առաքելությունը Հայաստանում խորհրդային տարիներին ադրբեջանցիների բնակության վայրերի մասին տվյալներ է հավաքում

Արմինֆո. Վայոց Ձորից տեղեկություն է ստացվել, որ ԵՄ դիտորդական առաքելությունը երբեմն շրջուում է Հայաստանի տարբեր գյուղերով և ճշտում, թե որտեղ են բնակվել ադրբեջանցիները խորհրդային տարիներին: Այդ մասին մարտի 6-ին Երեւանում "Երաշխավորված խաղաղություն թե "Արեւմտյան Ադրբեջան" քննարկումների ժամանակ հայտարարել է Լեհաստանում Հայաստանի նախկին դեսպան, ընդդիմադիր գործիչ Էդգար Ղազարյանը։

Մասնավորապես, ինչպես հաղորդել է ընդդիմադիրը, նրանք ճշտում են, թե հատկապես որ տներում են բնակվել ադրբեջանցիներ, արդյոք այդ տները պահպանվել են, և որքան է դրանց մակերեսը: Այդ առնչությամբ նա հիշեցրել է, որ խորհրդային տարիներին բազմաբնակարան շենքերը, ի տարբերություն մասնավորի, ենթակա չէին սեփականաշնորհման եւ մտնում էին պետական բնակարանային ֆոնդի մեջ, եւ քանի որ բոլորն այն ժամանակ Խորհրդային Միության քաղաքացիներ էին, ապա այդ ֆոնդի շրջանակներում նրանք որոշակի իրավունքներ ունեին:

"Չկասկածեք, որ եթե ադրբեջանցիներին փորձեն բնակեցնել, օրինակ, Ջերմուկում, ապա ԵՄ-ը նրանց շատ արագ դրամական միջոցներ կտրամադրի ՝ ապրելու համար առանձին շենքեր կառուցելու համար", - հավելել է նա:

Ընդդիմադիրն անդրադարձել է նաև այս տարվա քննարկվող թեմային՝ հատկապես սահմանամերձ շրջաններում շուրջ 230 դպրոց փակելու իշխանությունների մտադրությանը: Ղազարյանն այդ առնչությամբ հաղորդել է, որ իր ունեցած տեղեկություններով, նոր դպրոցներ են կառուցվում այն գյուղերում, որտեղ մինչև 1990 թվականը մեծ մասամբ ադրբեջանցիներ են բնակվել: "Ավելին, դպրոցները կառուցվում են այնտեղ, որտեղ բնակչությունը շատ քիչ է", - ամփոփել է Ղազարյանը։

Հիշեցնենք, որ 2026 թվականի փետրվարի 20-ին ՀՀ կրթության, գիտության, մշակույթի և սպորտի նախարարությունը հերքել էր տարբեր հարթակներում տարածված տեղեկատվությունը, թե, իբր, 2026 թվականի սեպտեմբերից Հայաստանում նախատեսվում է փակել 231 դպրոց: Որպես դրա վառ ապացույց՝ նախարարությունում նշել են դպրոցների լայնածավալ շինարարությունը, որը ներկայումս իրականացվում է հանրապետությունում ։

Հավելենք, որ 1989 թվականի մարդահամարի տվյալներով՝ Հայաստանում բնակվում էր 84,860 ադրբեջանցի։ Ընդ որում, այն բանից հետո, երբ ադրբեջանցիները լքեցին Հայաստանը, հայկական իշխանությունները փոխհատուցում են վճարել նրանց թողած ունեցվածքի դիմաց ։ Ուստի անհասկանալի է, թե որտեղից են Ադրբեջանի իշխանությունները վերցրել 300 հազար մարդու թիվը։