Արմինֆո. Հայաստանի ազգային ժողովը պետք է փոփոխություններ կատարի հանրապետության Ընտրական օրենսգրքում և ապահովի քաղաքական ուժերի ֆինանսական հոսքերի մասին տեղեկատվության թափանցիկությունը մինչև 2026 թվականի հունիսի 7-ի խորհրդարանական ընտրությունները: Այդ մասին հայտարարել է "Թրանսփարենսի Ինթերնեշնլ" հակակոռուպցիոն կենտրոնի գործադիր տնօրեն Սոնա Այվազյանը՝ "Ինչն է խանգարում լավ Ընտրական օրենսգրքին ապահովել ժողովրդավարական ընտրություններ" թեմայով մամլո ասուլիսում:
Նա նշել է, որ երկիրը բախվում է նոր խնդիրների, որոնք ի հայտ են եկել դեռևս Վաղարշապատի և Գյումրու ավագանու ընտրությունների ժամանակ: Այվազյանի խոսքով ՝ կուսակցությունների ֆինանսավորումը մնում է ոչ թափանցիկ, ինչը դժվարացնում է այդ միջոցների շարժի նկատմամբ վերահսկողություն իրականացնելը:
"Ոչ միայն քաղաքացիական հասարակությունը չի կարող վերահսկողություն իրականացնել, այլև Կոռուպցիայի կանխարգելման հանձնաժողովն այս հարցում որոշակի դժվարությունների է հանդիպում։ Մինչև ընտրությունները հնարավոր չի լինի լիարժեք հասանելիություն ունենալ ֆինանսական մուտքերի վերաբերյալ տվյալներին", - ընդգծել է Այվազյանը , հիշեցնելով, որ խնդիրն առաջացել է Հայաստանի խորհրդարանի կողմից փոփոխությունների ընդունումից հետո։
Նա պարզաբանել է, որ նախկինում կուսակցական հիմնադրամների մուտքերի մասին տեղեկատվությունը հասանելի էր ընտրություններից առաջ ։ Այժմ, ինչպես նշել է հակակոռուպցիոն կենտրոնի գործադիր տնօրենը, 2025 թվականի ֆինանսավորման մասին տվյալները հայտնի կդառնան միայն 2026 թվականի մայիսի վերջին, իսկ 2025 թվականի հունիսից մինչև 2026 թվականի մայիսը տեղեկությունները հասանելի կլինեն միայն 2027 թվականին։
"Այսպիսով, հաշվի առնելով ռիսկերը, ինչպիսիք են հնարավոր օտարերկրյա միջամտությունը, ընտրությունների նախաշեմին "կեղտոտ" փողերը, ինչպես նաև կուսակցությունների հետ կապված և ոչ հաշվետու երրորդ անձանց գործունեությունը, մենք մնում ենք առանց ֆինանսական մանրամասների լիարժեք հասանելիության: Սա լուրջ մտահոգություններ է առաջացնում։ Չնայած նրան, որ ընտրությունները մոտենում են, մենք շարունակում ենք պնդել, որ Հայաստանի խորհրդարանը պետք է փոփոխություններ կատարի, որոնք կապահովեն կուսակցությունների ֆինանսական հոսքերի հասանելիությունը մինչեւ ընտրությունները", - ամփոփել է Այվազյանը:
Հիշեցնենք, որ փետրվարի 4-ին Երևանում կայացած մամլո ասուլիսում արդարադատության նախարար Սրբուհի Գալյանը խոստովանել էր, որ կուսակցությունների ֆինանսական թափանցիկության հետ կապված բացեր կան: Մասնավորապես, նա մատնանշել է կարգավորման բացակայությունը, որը թույլ է տալիս վերահսկել ֆինանսական հոսքերի շարժը, այդ թվում ՝ երրորդ անձանցից։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
Զախարովան ցինիզմ է որակել Հայաստանի վարչապետի դեմ ՌԴ քարոզարշավի մասին Արևմուտքի մեղադրանքները
