Beeline-ը պարգևատրեց «Սպասարկվիր օնլայն» մրցույթի հաղթողներին

Beeline-ը պարգևատրեց Facebook սոցիալական ցանցում ընկերության Beeline Armenia պաշտոնական էջում անցկացված «Սպասարկվիր օնլայն» մրցույթի հաղթողներին: Մրցույթի հաղթողներ են ճանաչվել Հռիփսիմե Բադալյանը՝ Դիլիջանից, Սոնա Փարսոյանը՝ Ալավերդուց, Արթուր Կարապետյանը և Քրիստինա Մայիլյանը՝ Երևանից։

Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, պարգևատրման արարողությունը տեղի ունեցավ Beeline-ի գլխամասային գրասենյակում, որտեղ ընկերության Գլխավոր Տնօրեն Անդրեյ Պյատախինը շնորհավորեց մրցույթի հաղթողներին և հանձնեց խոստացված մրցանակը՝ Beeline Fast սմարթֆոններ:

«Ցանկանում եմ, նախ և առաջ, շնորհակալություն հայտնել Ձեզ, որ օգտվում եք սպասարկման այս նոր, թվային  տարբերակից: Մենք առաջին օպերատորն ենք Հայաստանում, որ տրամադրում է լիարժեք սպասարկում սոցիալական ցանցերի միջոցով  և, չնայած կարճ ժամանակահատվածին, սպասարկման այս տարբերակը մեծ պահանջարկ ունի, իսկ նրանից օգտվողների քանակը յուրաքանչյուր օր կայուն ավելանում է։ Beeline-ը պատրաստ է լինել հաճախորդների կողքին ամենուրեք, այդ թվում նաև վիրտուալ աշխարհում` հոգ տանելով ծառայությունների որակի, հարմարավետության և հասանելիության մասին»,-նշեց Հայաստանում Beeline-ի Գլխավոր տնօրեն Անդրեյ Պյատախինը:

«Սպասարկվիր օնլայն» մրցույթի նպատակն էր խրախուսել Beeline բաժանորդներին սպասարկվել  Facebook սոցիալական ցանցի միջոցով: Բաժանորդը պարզապես անձնական հաղորդագրության միջոցով պետք է ուղարկեր իր հարցը  ընկերության պաշտոնական էջին, և եթե վերջինիս հարցը կմնար անպատասխան 11 րոպե, ապա նա կարժանանար հատուկ մրցանակի։

«Սպասարկման այս տարբերակը շատ մեծ պահանջարկ ունի հատկապես երիտասարդների շրջանում: Ստանալով բաժանորդների հետադարձ կապը, ինչպես նաև օգտագործելով մեր մոնիթորինգի արդյունքները, մենք շարունակաբար կատարելագործում ենք այս համակարգը նպատակ ունենալով յուրաքանչյուր բաժանորդի տրամադրել առավել որակյալ, արագ և հարմարավետ սպասարկում: Այս կարճ ժամանակահատվածում մենք ստացել ենք ավելի քան 4000 դիմում, իսկ սպասարկման միջին ժամանակահատվածը կազմել է 5րոպե է. սա պարզապես հրաշալի ցուցանիշ է, և ես ցանկանում եմ իմ խորին շնորհակալությունը հայտնել մեր բոլոր բաժանորդներին, ովքեր սպասարկվեցին այս տարբերակով, մասնակցեցին մեր խաղ-մրցույթին, պայքարեցին մեր օպերատորների հետ և շատ եզակի դեպքերում անգամ հաղթեցին: Շնորհավորում եմ Ձեզ և մաղթում նորանոր հաղթանակներ, հավատացեք, որ Դուք մեզ օգնեցիք դառնալ ավելի պարզ և հարմար»,-նշեց Հաճախորդների սպասարկման ծառայության ղեկավար Աննա Ավետիսյանը:

Նշենք, որ սույն թվականի հոկտեմբերի  22-ից Facebook-ում ընկերության պաշտոնական էջում չաթի օգնությամբ Beeline բաժանորդները կարող են ստանալ լիարժեք սպասարկում, ինչպիսին ստանում են Հաճախորդների սպասարկման կենտրոն զանգերի միջոցով: Այս հարթակում բաժանորդների սպասարկումը ներառում է Beeline բջջային և ֆիքսված կապի բոլոր ծառայությունները: Բաժանորդին անհրաժեշտ է միայն էջին ուղղված անձնական հաղորդագրության միջոցով գրել իրեն հետաքրքրող հարցը:

Հաճախորդի էլեկտրոնային սպասարկումն իրականացվում է այն լեզվով, որով ստացվել է հաղորդագրությունը: Մասնագետը հաճախորդին տրամադրում է հետադարձ կապ պատասխան նամակի կամ հաղորդագրության միջոցով` անհրաժեշտության դեպքում տեղեկացնելով դիմումի կամ հարցման ընթացքի և արդյունքների մասին: Եթե խնդրի լուծման համար պահանջվում է լրացուցիչ ժամանակ, մասնագետը հաճախորդին ուղարկում է լրացուցիչ նամակ կամ հաղորդագրություն ժամկետների վերաբերյալ:

Նշենք, որ «ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմ»-ը հանդիսանում է աշխարհի խոշորագույն ինտեգրված օպերատորներից մեկը, որը գործում է աշխարհի 14 երկրում, իսկ գլխամասային գրասենյակը գտնվում է Ամստերդամում: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ Ռուսաստանում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում, Պակիստանում, Զիմբաբվեում, Իտալիայում: «ՎիմպելԿոմ»-ը ծառայություններ է մատուցում ամբողջ աշխարհում` շուրջ 740 մլն. ընդհանուր բնակչությամբ տարածքներում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Infostrada», «Mobilink», «Banglalink», «Telecel» և «Djezzy» ապրանքանիշերի ներքո: 2015թ. սեպտեմբերի 30-ի դրությամբ ընկերության բաժանորդների թիվը կազմում էր 217 միլիոն: “ՎիմպելԿոմ”-ի բաժնետոմսերը շրջանառվում են NASDAQ բորսայում VIP նշումով: