Փաշինյանը մեկնել է ԱՄՆ ՝ մասնակցելու Խաղաղության խորհրդի առաջին նիստին

Արմինֆո. Վարչապետ Նիկոլ Փաշինյանն աշխատանքային այցով մեկնել է Ամերիկայի Միացյալ Նահանգներ։

ՀՀ կառավարության հաղորդագրության համաձայն, վարչապետը փետրվարի 19–ին Վաշինգտոնում կմասնակցի Խաղաղության խորհրդի անդրանիկ նիստին։

"Խաղաղության խորհուրդը", որը 2026 թվականի հունվարին նախաձեռնել էր Դոնալդ Թրամփը՝ Գազայի հատվածում հակամարտության կարգավորման համար, գլխավորել է ինքը ՝ Թրամփը: Առանցքային գործադիր խորհրդի կազմում են Մարկո Ռուբիոն (ԱՄՆ պետքարտուղար), Սթիվ Ուիթքոֆը (հատուկ բանագնաց), Ջարեդ Քուշները (Թրամփի փեսան), Թոնի Բլերը (Միացյալ Թագավորության նախկին վարչապետ), Մարկ Ռոուենը (Apollo Global Management-ի գլխավոր տնօրեն) եւ Աջայ Բանգան (Համաշխարհային բանկի ղեկավար):

Հունվարի 22-ին Դավոսի Համաշխարհային տնտեսական համաժողովում Գազայի վերաբերյալ "Խաղաղության խորհրդի" կանոնադրությունը ստորագրել են 19 երկրների ղեկավարներ (այդ թվում ՝ Հայաստանն ու Ադրբեջանը): Թրամփը կազմակերպության ստեղծումն անվանել է "մեծ ժառանգություն" եւ հայտարարել, որ ակնկալում է հասնել խաղաղության ողջ աշխարհում, իսկ ԱՄՆ պետքարտուղար Մարկո Ռուբիոն հաղորդել է, որ "Խաղաղության խորհրդի" աշխատանքին կարող են միանալ նոր երկրներ: Նրա խոսքով ՝ հրավերներ են ուղարկվել 50 պետությունների, արձագանքել են 35-ը՝ ներառյալ Ռուսաստանն ու Բելառուսը: Այս պահին մասնակցությունը հաստատած երկրների թարմացված թիվը 26 է (Խորհրդին են միացել Եգիպտոսը, Հորդանանը, Քուվեյթը, Ալբանիան, Կամբոջան և Բելառուսի Հանրապետությունը):

Ինչպես ասվում է ԱՄՆ նախագահ Դոնալդ Թրամփի գլխավորած "Խաղաղության խորհրդի" կանոնադրության (խարտիայի) տեքստում, որը հրապարակվել է The Times of Israel-ում, Խաղաղության խորհրդին անդամակցությունը սահմանափակվում է այն պետություններով, որոնք հրավիրված են մասնակցելու նախագահի (Թրամփի) կողմից, եւ ուժի մեջ է մտնում ծանուցումից հետո, որ պետությունը համաձայնել է կապված լինել կանոնադրությամբ՝ XI պարագրաֆին համապատասխան: Յուրաքանչյուր անդամ պետություն Խաղաղության խորհրդում ներկայացված է իր պետության կամ կառավարության ղեկավարի կողմից:

Յուրաքանչյուր անդամ պետության լիազորությունների ժամկետը կազմում է ոչ ավելի, քան երեք տարի ՝ կանոնադրությունն ուժի մեջ մտնելու պահից՝ նախագահի կողմից երկարաձգելու հնարավորությամբ։ Անդամության եռամյա ժամկետը չի տարածվում այն անդամ պետությունների վրա, որոնք կանոնադրությունն ուժի մեջ մտնելուց հետո առաջին տարվա ընթացքում ավելի քան 1 000 000 000 ԱՄՆ դոլար կանխիկ գումար են մուծում Խաղաղության խորհուրդ: