Հայաստանում ԵՄ քաղաքացիական առաքելությունը նոր ղեկավար ունի

Արմինֆո. ԵՄ խորհուրդը Սատու Կոյվուին նշանակել է Հայաստանում Եվրոպական միության քաղաքացիական դիտորդական առաքելության (EUMA) նոր ղեկավար: Նա իր պարտականությունները կստանձնի 2026 թվականի փետրվարի 20-ին ՝ այդ պաշտոնում փոխարինելով Մարկուս Ռիտերին։ Այդ մասին ասվում է ԵՄ խորհրդի կայքում հրապարակված հաղորդագրությունում։

Նշվում է, որ Սատու Կոյվուն ֆիննական ոստիկանության բարձրաստիճան աշխատակից է՝ ավելի քան 35 տարվա աշխատանքային փորձով ազգային և միջազգային մակարդակներում: Նա կուտակել է մեծ միջազգային փորձ՝ ՄԱԿ եւ ԵՄ առաքելություներում ղեկավար պաշտոններ զբաղեցնելով  պաղեստինյան տարածքներում, Ռուանդայի, Նամիբիայում եւ Կիպրոսում: Մինչեւ EUMA առաքելության ղեկավար նշանակումը նա աշխատել է Ֆինլանդիայի Ազգային ոստիկանական բաժանմունքում՝ որպես կադրերի բաժնի պետ։

Նրան EUMA-ի նոր ղեկավար նշանակելու որոշումը կայացվել է ԵՄ քաղաքական կոմիտեի և անվտանգության կոմիտեի կողմից՝ 2026 թվականի փետրվարի 17-ին:

"EUMA քաղաքացիական առաքելությունը Հարավային Կովկասի տարածաշրջանում խաղաղությանն ու կայունությանն աջակցելու ԵՄ ջանքերի կարեւոր բաղադրիչն է ։ Առաքելության խնդիրն է դիտարկել հայ-ադրբեջանական սահմանի հայկական կողմում իրավիճակը տեղերում և դրա վերաբերյալ հաշվետվությունների կազմումը, ինչպես նաև նպաստել այդ շրջաններում մարդու անվտանգության ապահովմանը: EUMA առաքելության գործող մանդատը նախատեսված է մինչև 2027 թվականի փետրվարի 19-ը: Առաքելության կազմում ընդգրկված են ավելի քան 200 միջազգային և տեղական աշխատակիցներ: EUMA-ի դիտորդներն ու քաղաքացիական փորձագետները ներկայացնում են ԵՄ  անդամ 25 պետությունները և երրորդ պետությունը ՝ Կանադան, որն իր ներդրումն է ունենում",-ասվում է հրապարակման մեջ ։