Արմինֆո. Հայ միլիարդատեր Խաչատուր Սուքիասյանին (Գռզո) պատկանող "Ռոսիա Մոլ" առևտրի կենտրոնի վաճառակետերի վարձակալները բողոքի ակցիա են անցկացրել՝ ի պատասխան մինչև մարտի 15-ն իրենց առևտրի տարածքներն ազատելու պահանջի:
Ինչպես լրագրողների հետ զրույցում պատմել են ցուցարարները, իրենց հայտնի է դարձել, որ տարածքի ազատումը պայմանավորված է տարածքի ընդլայնման և վերանորոգման ծրագրերով ՝ այն այլ բրենդներին տրամադրելու համար: Այդ գործընթացը, ըստ նրանց, իրականացվում է առանց վարձակալների հետ քննարկման։ Ցուցարարները, միեւնույն ժամանակ, պատմել են պայմանագրի առկայության մասին, որի համաձայն, այդ տարածքներն իրենք պետք է զբաղեցնեն մինչև 2030 թվականը: Ստեղծված իրավիճակում շուրջ 1000 քաղաքացի, որոնց մեծ մասն այդ տարածքում աշխատել է 15-20 տարի, կարող է հայտնվել ապրուստի միջոցներից զրկվելու, չվճարված վարկերի և սոցիալական անկայունության վտանգի առաջ:
Նրանք պահանջում են, որպեսզի առևտրի կենտրոնում աշխատանքներն ավարտելուց հետո մեկ ամսվա ընթացքում իրենց կրկին տարաշքներ տրամադրեն վաճառակետեր տեղակայելու համար, հաշվի առնելով, որ այդ տարածքները կզբաղեցնեն նոր բրենդային խանութները: Ցուցարարները հայտարարել են վարձավճարների բարձրացմանը համաձայնություն տալու պատրաստակամության մասին, միաժամանակ հայտարարելով, որ մոլի վարչակազմի կողմից այս պահին "Երևան տոնավաճառ" առևտրի կենտրոնում առաջարկված տեղը չափազանց փոքր է, և ամեն ինչ զրոյից սկսելը չափազանց դժվար կլինի, ինչը լրացուցիչ խնդիրներ կստեղծի:
Առևտրի կենտրոնի վարչակազմի ներկայացուցիչները, մինչդեռ, հրաժարվել են մեկնաբանել իրավիճակը լրագրողներին, նշելով, որ պատրաստ են հարցերը լուծել անմիջապես վարձակալների հետ և, նույնիսկ, ընդունել նրանց հայտարարությունը, որում կներկայացվեն նրանց խնդիրները:
Ակցիայի մասնակիցները կոլեկտիվ դիմում են գրել և սկսել ստորագրություններ հավաքել ՝ այն առևտրի կենտրոնի ղեկավարությանը փոխանցելու համար: Ցուցարարներին է միացել նաև "Հանուն ժողովրդավարական պետականության" կուսակցության ղեկավար Արսեն Սարգսյանը: Նրա խոսքով ՝ Հայաստանի իշխանությունները Եվրոպական հանձնաժողովից ստացել են 270 միլիոն եվրո, որը նախատեսված է փոքր և միջին բիզնեսի զարգացման համար, սակայն այդ միջոցները, նրա համոզմամբ, ըստ նշանակության չեն օգտագործվել: Ակցիայի ընթացքում նա սկսել է ստորագրություններ հավաքել մեկ այլ հայտարարության համար, որը նախատեսվում է փոխանցել ՀՀ կառավարությանը: "Եթե Հայաստանի իշխանություններն այս հարցի վերաբերյալ որոշում չընդունեն, մենք մտադիր ենք դիմել Եվրոպայի խորհրդի գրասենյակ", - հայտարարել Է Սարգսյանը:
Ավելի ուշ ցուցարարները ուղևորվել են առևտրի կենտրոն՝ ղեկավարության հետ հանդիպելու և իրենց խնդիրները քննարկելու համար:
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
