Երևանցիները մայրաքաղաքի գլխավոր խնդիրը համարում են օդի աղտոտվածությունը. հարցում

Արմինֆո. Երևանցիները մայրաքաղաքի գլխավոր խնդիրը համարում են օդի աղտոտվածությունը / բնապահպանական խնդիրները: Այդ մասին են վկայում MPG խորհրդատվական ընկերության "Դիսկոտեկա ավարիա" հարցման արդյունքները։

Մասնավորապես, Երևանի գլխավոր խնդիրը նշելու խնդրանքին ի պատասխան՝ հարցման մասնակիցների 29,6%-ը նշել է օդի աղտոտվածության/բնապահպանական խնդիրները, 26,5% - ը՝ խցանումները, 22,6%-ը՝ ճանապարհների վատ վիճակը, 13,6%-ը՝ աղբահանության խնդիրները, 15%-ը՝ հասարակական տրանսպորտին առնչվող խնդիրները, 8,7%-ը՝ ձյան մաքրումը, 7,8%-ը՝ քաղաքի մաքրությունը, 6%-ը՝ գների աճը, 4,7%-ը ՝ տրանսպորտի ուղեվարձի վճարման նոր համակարգին առնչվող խնդիրները։ Նշվել են նաև անկանոն շինարարությունը, սոցիալ-տնտեսական խնդիրները, հանցավորության աճը, տրանսպորտի ուղեվարձի թանկացմանն առնչվող խնդիրները, գործազրկությունը, ցածր աշխատավարձերն ու կենսաթոշակները, կրթության ցածր մակարդակը, թափառող շները, բուժհաստատություններում վատ սպասարկումը: 11,5% -ն այլ պատասխան է տվել, ևս 9,5% - ը դժվարացել է պատասխանել։

Երևանում դրական փոփոխություններ նշելու խնդրանքին ի պատասծան՝ հարցվածների 26,6% - ը նշել է, որ այդպիսիք չի տեսնում, 11,1% - ը դժվարացել է պատասխանել: 17% - ը նշել է նոր ավտոբուսների ներմուծումը, 12,1% - ը ՝ ճանապարհների ասֆալտապատումը, 10,6% - ը ՝ աղբահանության գործընթացի կազմակերպումը, 10,1% - ը՝ բակերի բարելավումը, 8,7% - ը ՝ զբոսայգիների վիճակի բարելավումը:

Հարցին, թե ինչ կցանկանային, որ անեին Երևանի իշխանությունները, հարցվածների 52,2% - ը կողմ է եղել կանաչ գոտիների ավելացմանը և ծառատունկին, 32,9% - ը ՝ մանկական միջոցառումների ավելացմանը, 31,6% - ը ՝ քաղաքի մաքրմանը/շաբաթօրյակների կազմակերպմանը, 30% - ը՝ մանկական խաղահրապարակների կառուցմանը, 25,1% - ը ՝ մշակութային միջոցառումների կազմակերպմանը, 20,1% - ը՝ մարզական միջոցառումների կազմակերպմանը, 4% - ը ՝ երիտասարդական միջոցառումների կազմակերպմանը, 8,8% -ն այլ պատասխան է տվել, ևս 3,8% - ը դժվարացել է պատասխանել:

Նշենք, որ հարցումն իրականացվել է Երևանի բնակիչներին հեռախոսազանգերի միջոցով՝ այս տարվա հունվարի 19-23 - ն ընկած ժամանակահատվածում, ընտրանքի ծավալը կազմել է 601, ընտրանքի սխալանքը ՝ + / - 3.8%:

2011 թվականին MPG - ն դարձել Է աշխարհում հասարակական կարծիքի ուսումնասիրման ամենահեղինակավոր և անկախ կազմակերպություններից մեկի՝ Gallup միջազգային ասոցիացիայի պաշտոնական ներկայացուցիչը Հայաստանում: 2003 թվականից ի վեր MPG-ն, աշխատելով սոցիոլոգիական և մարքեթինգային հետազոտությունների շուկայում, իրականացրել է տարբեր մասշտաբի ավելի քան 800 նախագիծ: