Արմինֆո. Եվրոպայի խորհրդի խորհրդարանական վեհաժողովի նստաշրջանին Հայաստանի ԱԳ նախարար Արարատ Միրզոյանի ելույթը կարելի է որակե մեկ բառով ՝ խայտառակություն: Այդ մասին Facebook-ի իր էջում գրել է ԱԺ "Հայաստան" խմբակցության պատգամավոր Արթուր Խաչատրյանը՝ արձագանքելով հունվարի 28-ին Ստրասբուրգում ԵԽԽՎ նստաշրջանում Միրզոյանի ելույթին:
«Ըստ Արարատ Միրզոյանի․ «(Ազատության թշնամիները) ցանկանում են վերադարձնել մեզ ավտորիտարիզմի, հարևանների հետ անվերջ հակամարտությունների և թույլ ինքնիշխանության միջավայր»։ Փաստորեն, Արցախում հայերը հանգիստ ու խաղաղ ապրում էին պուպուշ ադրբեջանցիների հետ, իսկ «ազատության թշնամիները» եկան ու այդ շոկոլադե հարաբերությունները խափանեցին, մեզ բարի ադրբեջանցիների հետ թշնամացրեցին։
Ստացվում է, որ ադրբեջանցիները չեն հայաթափել Նախիջևանը, չեն հայաթափել Դաշտային Ղարաբաղը, չեն փորձել Արցախը ենթարկել էթնիկ զտման, արցախահայերի համար ստեղծել կյանքի անտանելի պայմաններ, որ նրանք լքեն իրենց բնօրրանը, նրանց նկատմամբ խտրական վերաբերմունք չեն ցուցաբերել։ Ադրբեջանական իշխանությունները շատ լավն են, Սումգայիթի ու Բաքվի ջարդերը չեն կազմակերպել, Հայաստանի ու Արցախի հանրապետությունները չեն շրջափակել, մեր դեմ պատերազմ չեն սկսել, այդ ամենն արել են «ազատության թշնամիները»:
Հայաստանի պատմության մեջ ամենձախող արտգործնախարարը դարակազմիկ եզրակացության է եկել, նույնիսկ գերազանցել է իր շեֆին։ Նիկոլ փաշինյանն անմեղ ու բարի աչքերով հայտարարում էր, որ ինքն անմեղ է, պատասխանատու է, բայց մեղավոր չէ։ Արարատ Միրզոյանը մի լոնք առաջ անցավ։ Ըստ նրա՝ Ալիևն էլ մեղավոր չէ, «ազատության թշնամիներն» են մեղավոր, նրանք են հայերի ու ադրբեջանցիների միջև հակամարտություն հրահրել։ Թուրքերին էլ չմոռանանք։ Էրդողանը փաշինյանին գիրք է նվիրել, լավն է, հայ-թուրքական հակամարտությունն էլ են «ազատության թշնամիներն» են հրահրել․․․
Բայց Միրզոյանը միայն այսքանով չբավարարվեց։ Ըստ նրա․ «(ազատության թշնամիները) ձգտում են օգտագործել հենց ժողովրդավարության գործիքները և մեխանիզմները՝ ժողովրդավարությունը խաթարելու համար»։ Ավելի պարզ՝ այդ թշնամիները փորձելու են ընտրությունների միջոցով քպ-ականներին տուն ուղարկել, ուստի պետք չէ շատ խիստ արձագանքել, եթե ազատության, ինքնիշխանության և ժողովրդավարության քաջամարտիկներն ընտրությունները դարձնեն վերահսկելի, որոշ քաղաքական ուժերի թույլ չտան դրանց մասնակցել, դիտորդներին խոչնդոտեն իրականացնել իրենց առաքելությունը, սահմանափակեն մամուլի ազատությունը․․․․
Բա գիտեք ժողովրդավարության համար սպիտակ ձեռնոցներո՞վ են պայքարելու։ Հանուն «ժողովրդավարության» իրենք միգուցե ստիպված լինեն գործի դնել ժողովրդի տված պողպատե մուրճը։ Բա ժողովրդավարությունը հենց դա է, իզուր չէ, որ հենց Հայաստանն է ժողովրդավարության բաստիոնը։ Մաքիավելիզմը գործողության մեջ․․․
Ի դեպ, Արարատ Միրզոյանն այդպես էլ չասաց, թե ովքե՞ր են ազատության այդ այլանդակ թշնամիները։ Շառից փորձանքից հեռու, այ մարդ․․․», - գրել է պատգամավորը
Հիշեցնենք, որ Հայաստանի արտգործնախարարը ԵԽԽՎ ամբիոնից հայտարարել էր, որ 2026 թվականի հունիսի 7-ին երկրում կայանալիք խորհրդարանական ընտրություններին ընդառաջ իրենք ակնկալում են հիբրիդային հարձակումների ուժեղացում: Միաժամանակ, պատասխանելով եվրոպացի պատգամավորներից մեկի հարցին, թե արդյոք Հայաստանի վարչապետ Նիկոլ Փաշինյանի հակաեկեղեցական արշավը չի հակասում ժողովրդավարության սկզբունքներին, Միրզոյանը հայտարարել է, թե՝ դա ոչ այլ ինչ է, քան բամբասանք:
Փորձագետ . Հայաստանում ընդդիմադիր գործիչների ձերբակալությունը սոցիալական ցանցերում գրառումների համար հանրությանը վախեցնելու և այլախոհությունը ճնշելու համակարգված փորձ է
Ադրբեջանագետ. Մինչ Ադրբեջանն իր սերնդին պատրաստում է պատերազմի, Ալիևի օգնականը կոչ է անում Հայաստանին պատրաստել հայ հասարակությանը «խաղաղության»
Թուրքագետ. Ադրբեջանը երբեք, ոչ մի պարագայում չի դադարի հայ ժողովրդի վրա ճնշում գործադրելուց
Քաղաքագետ. Մենք պետք է հեռանանք «երբ» հարցից և այն փոխարինենք ավելի կարևոր հարցերով
Լուկաշենկոն կոչ արեց Հայաստանին ստանձնել ԱՊՀ նախագահությունը 2029 թվականին
Դմիտրի Մեդվեդևը կանխատեսել էր Հայաստանի համար Ուկրաինայի նման ճակատագիր՝ երկրի արտաքին քաղաքականության փոփոխության ֆոնին
ՌԴ Անվտանգության խորհուրդ․ Հայաստանում ցանկանում են ստիպել ռուս սեփականատերերին ազատվել ակտիվներից
Զախարովա․ Ռուսաստանը պատրաստ է Հայաստանի հետ քննարկել ռազմական համագործակցության ընդլայնման հեռանկարները՝ կապերի գույքագրման շրջանակներում
Թևանյան. Հայաստանը, ինչպես Ուկրաինան և Մոլդովան, մտցվել է ԵՄ գլոբալ պատերազմի մեջ
Երևանի քաղաքապետարանում քննարկում են քաղաքում valet-parking համակարգի ներդրման հնարավորությունը
Փորձագետ. Օկուպացված Արցախում օտարերկրյա դեսպանների ներկայությամբ հայկական մշակույթի «աղվանացումը» ցեղասպանություն է
Քաղաքագետ․ Եթե ռուս-հայկական հարաբերությունները կործանվեն, ապա Ռուսաստանի տեղը կզբաղեցնի Թուրքիան
Քաղաքագետ. Հայ հանրությունը պարզապես պարտավոր է էապես փոխել հանրային քննարկման և պայքարի ողջ բովանդակությունը
Ադրբեջանում քրիստոնյա գերիների մաշկից այրելով հեռացնում են խաչերի պատկերներով դաջվածքները. իրավապաշտպան
Պուտին. Պրահայում Հայաստանի կողմից Ղարաբաղի ճանաչումը որպես Ադրբեջանի մաս Ռուսաստանի դիրքորոշմանը այս հարցում տվել է երկիմաստ բնույթ
Պուտինը նշել է, որ Հայաստանի կողմից ԵՄ-ին անդամակցության մասին օրենքի ընդունումը նշանակում է ԵԱՏՄ-ից դուրս գալու մասին հայտարարություն։
