Արմինֆո. 2020 թվականի նոյեմբերի 10-ից Բաքվում պահվող հայ գերի Վիգեն Էուլջեքջյանը երկար ժամանակից ի վեր առաջին անգամ նամակ է ուղարկել ընտանիքին: Այդ մասին Twitter-ի (X) իր միկրոբլոգում հաղորդել է Հայ որբերի օգնության ընկերության (SOAR) նախագահ Լուչիանա Մինասյանը։
"SOAR-ը՝ Հայ որբերի օգնության ընկերությունը (Բուենոս Այրեսի բաժանմունք), հաստատում է, որ այսօր Ադրբեջանում կալանավորված լիբանանահայ քաղաքացիական անձի՝ պարոն Վիգեն Էուլջեքջյանի ընտանիքը ստացել է պարոն Էուլջեքջյանի կողմից իր կնոջը՝ տիկին Լինդա Էուլջեքջյանին ուղարկված անձնական ձեռագիր նամակը։
Այս նամակի ստացումը խորապես հուզիչ և նշանակալից պահ է ընտանիքի համար՝ լռությամբ, անորոշությամբ և հոգեբանական դժվարություններով լի երկարատև ժամանակահատվածից հետո։ Պարոն Էուլջեքջյանի ցանկացած հաղորդակցություն կարևոր նշանակություն ունի՝ ծառայելով ոչ միայն որպես կյանքի հաստատում, այլև որպես կենսական հուզական և մարդկային կապ ամուսնու և կնոջ միջև՝ բացառիկ դժվարին հանգամանքներում։
Այս նամակագրությունն ավելին է, քան, պարզապես, մասնավոր հաղորդագրությունների փոխանակում: Այն իրենից ներկայացնում է հումանիտար կապի գիծ եւ հաստատում է կալանավորների հիմնարար իրավունքը ՝ կապ պահպանել իրենց ընտանիքների հետ։ Երկարատև մեկուսացումից հետո նման հաղորդագրության հուզական ազդեցությունը չի կարող գերագնահատվել, հատկապես, այն ընտանիքների համար, ովքեր ամիսներ շարունակ սթրեսի և անհանգստության են ենթարկվել իրենց սիրելիների բարեկեցության համար:
SOAR-ն անկեղծ երախտագիտությունն է հայտնում Ժնևի Կարմիր Խաչի Միջազգային Կոմիտեին (ԿԽՄԿ)՝ այս նամակագրության հեշտացման, մշակման և փոխանցման գործում իր կարևոր դերի համար՝ համաձայն իր մարդասիրական մանդատին։ ԿԽՄԿ-ի չեզոք, անկախ և գաղտնի աշխատանքը մնում է անփոխարինելի ընտանեկան կապերի պահպանման, մարդկային հիմնական արժանապատվության պաշտպանության և կալանքի տակ գտնվող անձանց նկատմամբ մարդասիրական վերաբերմունքի ապահովման համար։
Թեեւ այս նամակի հանձնումը որոշակիորեն հանգստացնում է, սակայն պարոն Էուլջեքջյանի երկարատև կալանքի վերաբերյալ լուրջ մարդասիրական մտահոգությունները շարունակվում են։ SOAR-ը վերահաստատում է միջազգային մշտական մոնիթորինգի, թափանցիկության և մարդասիրական հասանելիության կարևորությունը՝ ապահովելու համար, որ նրա ֆիզիկական և հոգեբանական բարեկեցությունը պաշտպանված լինի, և որ նրա նկատմամբ վերաբերմունքը համապատասխանի միջազգային մարդասիրական և մարդու իրավունքների չափանիշներին», - ասվում է Մինասյանի հաղորդագրությունում։
Ընդ որում, ընդգծվում է, որ SOAR-ը շարունակում է լիակատար համերաշխություն ցուցաբերել Էուլջեքջյան ընտանիքին և վերահաստատում է իր հանձնառությունը՝ պաշտպանելու բոլոր հայ կալանավորվածների արժանապատվությունը և հիմնարար իրավունքները։ Կազմակերպությունը կոչ է անում միջազգային հանրությանը և համապատասխան հաստատություններին մնալ զգոն և գործում ներգրավված՝ գիտակցելով, որ շարունակական ուշադրությունը կարևոր է մեկուսացումը կանխելու և մարդու հիմնարար իրավունքները պաշտպանելու համար։
Հիշեցնենք, որ Վիգեն Էուլջեքջյանը ծնունդով Լիբանանից է և ունի Հայաստանի ու Լիբանանի երկքաղաքացիություն: Նա ադրբեջանական գերության մեջ էր հայտնվել 2020 թվականի նոյեմբերի 10-ին։ Հրադադարի շուրջ համաձայնությունից հետո կնոջ հետ մեկնել էր Արցախ ՝ իրերը վերցնելու, և գերեվարվել էր։ 2021 թվականի հունիսին Բաքվի զինվորական դատարանը Վիգեն Էուլջեքջյանին դատապարտել է 20 տարվա ազատազրկման ՝ "վարձկանություն", "ահաբեկչություն", "Ադրբեջանի պետական սահմանի ապօրինի հատում" հոդվածներով ։ Նրա կինը գերությունից ազատվել է Ռուսաստանի Դաշնային խորհրդի խոսնակ Վալենտինա Մատվիենկոյի ջանքերի շնորհիվ։
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
