Nestle ընկերությունը հայկական շուկայից հետ է կանչում մանկական սննդի սահմանափակ քանակությամբ սննդամթերք

Արմինֆո.  Nestle ընկերությունը ինքնակամ հայկական շուկայից հետ է կանչում մանկական սննդի սահմանափակ քանակությամբ սննդամթերք։ Այդ մասին ասվում է Facebook-ում ընկերության էջի հաղորդագրությունում։

Աղբյուրի համաձայն,  խոսքը չոր, լուծվող կաթնային և կաթնաթթվային խառնուրդներով մանկական սննդի, ինչպես նաև ամինաթթուների հիմքով բուժական չոր խառնուրդների մասին է: Արտադրանքի հետկանչն իրականացվում է որպես նախազգուշական միջոց և հանդիսանում է Nestle մանկական սննդի որոշակի խմբաքանակների գլոբալ կամավոր հետկանչման մաս ՝ կապված արտաքին մատակարարից ստացված հումքի որակի վերահսկման խստացման և տվյալ հումքում ցերեուլիդային տոքսինի հայտնաբերման հետ: Չնայած այդ բաղադրիչի նվազագույն պարունակությանը եւ Հայաստանում ցերեուլիդային տոքսինի պարունակության ստանդարտների բացակայությանը՝ հնարավոր ռիսկերի նվազեցման նպատակով Nestle-ն իր գործընկերների հետ նախաձեռնել է մանկական սննդի սահմանափակ խմբաքանակների կամավոր հետկանչման միջոցառումներ՝ որպես նախազգուշական միջոցներ։ Սպառողները, որոնք գնել են նշված խմբաքանակների արտադրանքը, կարող է վերադարձնել այն՝ Nestle-ի կողմից հաստատված եղանակով։

Դա չի տարածվում Հայաստանում Nestle-ի ններկայացրած մանկական սննդի այլ խմբաքանակների կամ ցանկացած այլ արտադրանքի վրա։