Վարչապետ․ սկզբունքորեն կարևոր է, որպեսզի Կտրիճ Ներսիսյանի հեռացումից անմիջապես հետո ՀԱԵ-ն ձեռնամուխ լինի նոր կանոնադրության մշակմանն ու ընդունմանը

Արմինֆո. Սկզբունքորեն կարևոր է, որպեսզի Կտրիճ Ներսիսյանի (Ամենայն հայոց Գարեգին Բ կաթողիկոսի - խմբ.) հեռացումից անմիջապես հետո ՀԱԵ-ն ձեռնամուխ լինի նոր կանոնադրության մշակմանն ու ընդունմանը։ Այդ մասին ֆեյսբուքյան իր էջի տեսաուղերձում հայտարարել է ՀՀ վարչապետ Նիկոլ Փաշինյանը։

Նրա խոսքով՝ այդ կանոնադրության մեջ ամրագրվելու են հստակ և որոշակի կանոններ, որոնք հասանելի և հասկանալի են ոչ միայն հոգևորականներին, այլև՝ հասարակությանը, այսինքն ՝ ունեն հրապարակային բնույթ: "Դա թույլ կտա բոլորին հստակ հասկանալ, թե ինչ նորմերով և արժեքներով է ապրում ՀԱԵ-ն, ինչպես նաև դրանց պահպանման նկատմամբ հասարակական և ներքին վերահսկողության ինչ մեխանիզմներ կան", - ասել է Փաշինյանը:

Նա նշել է, որ այդ օրակարգը, ըստ էության, պաշտոնապես ամրագրված է հենց Սուրբ Էջմիածնի կողմից ։ Մասնավորապես, 2011թ. նոյեմբերին ՀՀ արդարադատության նախարարությունում, ինչպես շարունակել է վարչապետը, արձանագրվել է, որ առաջիկայում մշակվելու է ՀԱԵ կանոնադրություն՝ սահմանադրություն։

"Ի՞նչ ունենք գործնականում։ Կտրիճ Ներսիսյանի կողմից կաթողիկոսի պաշտոնը ստանձնելուց 12 տարի անց այդպես էլ Հայ Առաքելական Եկեղեցու լիարժեք կանոնադրություն չի հայտնվել: Ավելին, 2011 թվականին փաստաթղթի գրանցումից անցել է ևս 14 տարի։ Սա ակնհայտորեն արտացոլում է Հայ Առաքելական Եկեղեցում գործերի իրական դրությունը Կտրիճ Ներսիսյանի առաջնորդության շրջանում", - ընդգծել է կառավարության ղեկավարը։