MPG․ Հայաստանում հարցվածների գրեթե 2/3-ը կարծում է, որ երկրում կան քաղբանտարկյալներ

Արմինֆո. Հայաստանում հարցվածների 61,3% - ը կարծում է, որ երկրում կան քաղբանտարկյալներ։ Այդ մասին են վկայում MPG խորհրդատվական ընկերության "In Չագուչ We Trust" խորագրով հարցման արդյունքները։

Ընդ որում, 23 տոկոսը կարծում է, որ երկրում քաղբանտարկյալներ չկան, եւս 15,7 տոկոսը դժվարացել է պատասխանել։

Հարցման արդյունքների համաձայն, նշված 61,3%-ին խնդրել են նշել նրանց, ում համարում են քաղբանտարկյալ։ Նրանց 64,9% - ը քաղբանտարկյալ է անվանել ռուսաստանահայ գործարար Սամվել Կարապետյանին, 36,2% - ը՝ "Սրբազան պայքար" շարժման առաջնորդ Բագրատ արքեպիսկոպոս Գալստանյանին, 33% - ը ՝ Շիրակի թեմի առաջնորդ Միքայել արքեպիսկոպոս Աջապահյանին, 19,4% - ը ՝ Գյումրիի քաղաքապետ Վարդան Ղուկասյանին: 4,7-ական տոկոս ստացել են "Իմնեմնիմ"-ի հաղորդավար Նարեկ Սամսոնյանը և "Սրբազան պայքարի" անդամ Լիդյա Մանթաշյանը, 3,2 տոկոս՝ " Իմնեմնիմ"-ի հաղորդավար Վազգեն Սաղաթելյանը, 2,9 տոկոս ՝ Մասիսի քաղաքապետ Դավիթ Համբարձումյանը, 1,4 տոկոս ՝ ՀՀԿ փոխնախագահ Արմեն Աշոտյանը, ևս 14,3 տոկոս այլ պատասխան է տվել:

Նշենք, որ հարցումն իրականացվել է Հայաստանի Հանրապետության բնակիչներին հեռախոսազանգերի միջոցով՝ այս տարվա նոյեմբերի 27 – ից մինչեւ դեկտեմբերի 5-ն ընկած ժամանակահատվածում, ընտրանքի ծավալը կազմել է 1001, ընտրանքի սխալանքը ՝ + / - 3%:

2011 թվականին MPG - ն դարձել Է աշխարհում հասարակական կարծիքի ուսումնասիրման ամենահեղինակավոր և անկախ կազմակերպություններից մեկի՝ Gallup միջազգային ասոցիացիայի պաշտոնական ներկայացուցիչը Հայաստանում: 2003 թվականից ի վեր MPG-ն, աշխատելով սոցիոլոգիական և մարքեթինգային հետազոտությունների շուկայում, իրականացրել է տարբեր մասշտաբի ավելի քան 800 նախագիծ: