Սերբիայի ԱԳ նախարարն ու Հայաստանի դեսպանը քննարկել են երկկողմ համագործակցության ընդլայնման հնարավորությունները

Արմինֆո. Սերբիայի ԱԳ նախարար Մարկո Ջուրիչը Սերբիայում Հայաստանի դեսպան Աշոտ Հովակիմյանի հետ քննարկել է երկկողմ հարաբերությունների բարելավման և երկու երկրների միջև համագործակցության զարգացման հարցեր:

Ինչպես հաղորդում է Սերբիայի ԱԳՆ մամուլի ծառայությունը, Ջուրիչն ընդգծել է, որ Սերբիան հանձնառու է շարունակական քաղաքական երկխոսությանը և տարբեր մակարդակների այցերի կանոնավոր փոխանակմանը:

Զրույցի ընթացքում քննարկվել է փոխադարձ հետաքրքրություն ներկայացնող ոլորտներում տնտեսական համագործակցության ամրապնդման հնարավորությունը, և ընդգծվել  է առաջիկա ժամանակահատվածում այն կոնկրետ և գործնական տեսանկյունից շարունակելու կարևորությունը:

Սերբիայի արտաքին քաղաքական գերատեսչության ղեկավարը հայտարարել է, որ Սերբիան բարձր է գնահատում Հայաստանի դիրքորոշումը, այսպես կոչված, Կոսովոյի հռչակած անկախությունը միակողմանիորեն չճանաչելու վերաբերյալ, ինչպես նաև նախորդ աջակցությունը Սերբիայի ինքնիշխանության և տարածքային ամբողջականության պահպանմանն ուղղված ջանքերին:

Նա ընդգծել է, որ Սերբիան աջակցում է ԱՄՆ նախագահ Դոնալդ Թրամփի նախաձեռնությանը, որը խրախուսում է վեճերի խաղաղ կարգավորումը տնտեսական համագործակցության միջոցով, եւ ողջունում է Հայաստանի ջանքերը ՝ ուղղված երկխոսության միջոցով իր տարածաշրջանում բաց հարցերի կարգավորմանը:

Ջուրիչը հույս է հայտնել, որ Սերբիան և Հայաստանը կշարունակեն զարգացնել համագործակցությունը փոխադարձ հետաքրքրություն ներկայացնող բոլոր ոլորտներում: