Արմինֆո. "Իմնեմնիմ" փոդքասթի աջակիցները և "Անտիֆեյք" կայքի աշխատակիցները հավաքվել են Երևանում Եվրամիության ներկայացուցչության մոտ՝ ընդդիմադիր բլոգերներ Նարեկ Սամսոնյանի և Վազգեն Սաղաթելյանի ձերբակալության առնչությամբ Հայաստանում ԵՄ դեսպան Վասիլիս Մարագոսին նամակ փոխանցելու նպատակով:
Ցուցարարները հիշեցրել են, որ Նարեկ Սամսոնյանն ու Վազգեն Սաղաթելյանն արդեն 23 օր է անազատության մեջ են, իսկ այս ակցիայով փորձում են ԵՄ դեսպանատան և միջազգային կառույցների ուշադրությունը հրավիրել երկրում տեղի ունեցող իրավական կամայականությունների և մեծ թվով քաղբանտարկյալների առկայության վրա: Դժգոհություն հայտնելով միջազգային կառույցների լռությունից ՝ ցուցարարները նման պահվածքը աշխարհաքաղաքական առաջնահերթությունների արդյունք են համարել։
Կալանավորված Նարեկ Սամսոնյանի կինը՝ Լուսինե Առաքելյանը, լրագրողների հետ զրույցում նշել է, որ ԵՄ ներկայացուցիչներից արձագանք չի ակնկալում, քանի որ բոլոր ձերբակալությունները, ըստ էության, տեղի են ունենում նրանց լուռ համաձայնությամբ: Նա նաև ուշադրություն է հրավիրել այն հանգամանքի վրա, որ Հայաստանում ԱՄՆ դեսպանատունը, ուր ավելի վաղ ուղարկել էին իրենց բողոքը, մինչ այժմ որևէ կերպ չի արձագանքել իրավիճակին: Ընդ որում, նա ընդգծել է, որ իրենց կողմից նամակների հանձնումը դիվանագիտական ներկայացուցչություններին նպատակ է հետապնդում արձանագրել տեղի ունեցող իրավական կամայականությունները և ի ցույց դնել միջազգային կառույցների անգործությունը: "Այդ կառույցների անգործությունը հանգեցրել է Հայաստանի իշխանությունների կամայականությանը։ Այդ լռությունը Հայաստանի իշխանությունների կողմից ընկալվում է որպես իրենց գործողությունների լուռ խրախուսում։ Բայց, չնայած դրան, ես շարունակելու եմ պայքարը", - հայտարարել է Առաքելյանը ՝ կոչ անելով Հայաստանում գտնվող մյուս քաղբանտարկյալների ընտանիքներին իրենց անհամաձայնության ձայնը բարձրացնել տեղի ունեցածի հետ։
Իր հերթին՝ "Անտիֆեյք"-ի խմբագիր Աստղիկ Մաթևոսյանը հիշեցրել է, որ "Իմնեմնիմ" - ի հաղորդավարների ձերբակալման օրը իրենց գրասենյակում խուզարկություններից հետո իրավապահներն առգրավել են իրենց ողջ տեխնիկան, նույնիսկ այն, որն օգտագործման համար ոչ պիտանի է եղել: Նրա խոսքով ՝ դա խիստ բարդացրել է իրենց կայքի աշխատանքը, և չնայած այսօր կայքի գործունեությունը շարունակվում է, սակայն դեռևս դժվարությունների են հանդիպում: "Առգրավվել են նույնիսկ եռոտանիները, բառացիորեն՝ ողջ տեխնիկան ։ Սա առիթ է տալիս կարծելու, որ այդ գործողությունների նպատակը հենց իրենց կայքի հետագա գործունեությունը խոչընդոտելն էր",- նշել է Մաթևոսյանը։
Իսկ փաստաբան Ռուբեն Մելիքյանը փաստել է, որ այս ակցիայով իրենք ձգտում են ուշադրություն հրավիրել միջազգային կառույցների խայտառակ անգործությանը: Այդ առնչությամբ նա նշել է, որ արժեքները, որոնք տասնամյակներ շարունակ քարոզվում էին Հայաստանում Եվրամիության կողմից, այսօր հանգեցրել են երկրում քաղբանտարկյալների առկայությանը: "ԵՄ-ը կառույց է, որը տարիներ շարունակ խոսել է մարդու իրավունքների և ժողովրդավարական արժեքների մասին, և որից այսօր ինչ-որ արձագանք է ակնկալվում։ Հույս ունեմ, որ այսօր մեզ ինչ - որ մեկը կլսի", - եզրափակել է փաստաբանը։
Հիշեցնենք, որ Վազգեն Սաղաթելյանն ու Նարեկ Սամսոնյանը ձերբակալվել էին նոյեմբերի 13-ին Երևանում: Այնուհետև դատարանի որոշմամբ նրանք երկու ամսով կալանավորվել են։ Նույն օրը AntiFake.am-ի գրասենյակում կատարվել են խուզարկություններ, առգրավվել է ողջ տեխնիկան։ Բլոգերները ձերբակալվել են ԱԺ նախագահ Ալեն Սիմոնյանի դիմումի համաձայն՝ իր հասցեին հայհոյանքներ հնչեցնելու համար:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
