Առաջարկվող պարտադիր բժշկական ապահովագրության համակարգում նախատեսված են մեխանիզմներ, որոնցով հնարավոր կարելի է կառավարել հնարավոր ռիսկերը. նախարար

Արմինֆո.ՀՀ կառավարության կողմից առաջարկվող պարտադիր բժշկական ապահովագրության համակարգում նախատեսված են մեխանիզմներ, որոնցով կարելի կլինի կառավարել հնարավոր ռիսկերը: Այդ մասին դեկտեմբերի 2-ին ՀՀ Ազգային ժողովի ամբիոնից հայտարարել է ՀՀ առողջապահության նախարար Անահիտ Ավանեսյանը:

Նրա խոսքով, չնայած նման մեխանիզմների առկայությանը, համակարգի ներդրումն ինքնին ռիսկերի գլխավոր կառավարիչն է: Նման ռիսկերից մեկը բժշկական օգնության դիմողների թվի հնարավոր զգալի աճն է։ Ինչպես նշել է Ավանեսյանը, կառավարությունը հենց այդ խնդրի լուծման համար էլ նոր համակարգ է ներդնում, քանի որ նախկինում երկրի քաղաքացիները տարիներ շարունակ չեն դիմել բժիշկներին՝ բարդացնելով իրենց առողջական վիճակը: Առաջարկվող լուծումները նախատեսում են նաև քաղաքացիների հոսքերի կառավարման հնարավորությունների ընդլայնում, բուժհաստատություններում հերթերի կրճատում: "Մեր գլխավոր խնդիրը բժշկական ծառայությունների մատչելիության ապահովումն է, որպեսզի փողոցում ոտքը կոտրած տարեց տղամարդը ֆինանսական միջոցներ որոնելու համար հարազատներ ու ծանոթներ չփնտրի", - նշել է Ավանեսյանը:

Նախարարը նշել է, որ համընդհանուր բժշկական ապահովագրության համակարգի ներդրման արդյունքում ակնկալվում է դիմումողների թվի 30% աճ: Ծանրաբեռնվածության աճի պայմաններում բուժհաստատությունները պետք է վերանայեն հիվանդասենյակների և մահճակալային ֆոնդի օգտագործումը, քանի որ հիվանդների մի մասն ավելի հաճախ է դիմելու օգնության: Ընդ որում, նոր համակարգը շեշտը դնելու է պոլիկլինիկաներում կանխարգելման և ժամանակին բուժման վրա։ Նախարարը բերեց սիրտ-անոթային հիվանդություններով հիվանդների օրինակը, որոնք այսօր չեն ստանում անհրաժեշտ դեղորայքը և տարին երկու անգամ հայտնվում են հիվանդանոցում՝ սրացումներով: Ապահովագրությունը ենթադրում է, որ նման հիվանդները նախապես կապահովվեն դեղորայքով և կանցնեն հերթական ստուգումներ։ Յուրաքանչյուր տարիքային խմբի համար կսահմանվի հետազոտությունների պարտադիր ցանկ, իսկ դրանք չանցնելու դեպքում ապահովագրի գործողությունը կկասեցվի:

Հիշեցնենք, որ Հայաստանում համընդհանուր բժշկական ապահովագրության համակարգի ներդրումը կիրականացվի փուլ առ փուլ և կտևի երեք տարի: Արդեն 2026 թվականի հունվարի 1-ից կտրվի առաջին փուլի մեկնարկը ։ Համակարգն ինքն է ստուգելու մարդկանց և ավտոմատ կերպով ընդգրկելու է շահառուներին: Այնուհետև նրանք կստանան համակարգի շահառու դառնալու հրավեր Armed eHealth էլեկտրոնային առողջապահության համակարգի միջոցով (կամ իրենց տեղամասային բժշկի միջոցով): Մինչև 2029 թվականը Հայաստանի ողջ բնակչությունը պետք է դառնա այս համակարգի շահառու։